1 Samuel 23:6 - AHYERƐLƐ KRONGRON

⁶ Mmerɛ bɔ né Ahimɛlɛke awa Abiata ɔnwati kɔ Dawide berɛ wɔ Keila nen, ɔfale ɔsɔfo ataadeɛ ne hɔle.

1 Samuel 23:6 Iomraidhean Croise

1 Ahemvo 2:26

Nana Solomon sele ɔsɔfo Abiata kyɛ, “Kɔ w’aseɛ so wɔ Anatote, ofikyɛ ɛfata ewue. Nakoso mengohu wɔ sɔ mmerɛ ye, ofikyɛ ɛneane AWURADE Nyameɛ apam alaka ne aso wɔ me baba Dawide aberɛ so. Afei koso, amaneɛ bɔ me baba nwuni ye ne amukoraa, ɛne ye yeɛ benwuni ye ɔ.”

Ɛksadɔso 28:6

“Ɔsɛ kyɛ adwiililɛfoɛ fa sikaa kɔkorɛ, bibire, koogyan, adaabene ne nwera yeɛ bɛyɔ ɔsɔfo ataadeɛ ne ɔ.

1 Samuel 14:18

Yeɛ Sɔɔlo sele Ahiya kyɛ, “Fa Nyameɛ alaka ne bra.” Ofikyɛ sɔ mmerɛ ne, né Nyameɛ alaka ne wɔ Yisraelfoɛ berɛ.

1 Samuel 14:3

Né Ahiya boka bɛ so wɔ berɛ. Ye yeɛ né owura ɔsɔfo ataadeɛ ne ɔ. Ɔse ole Yikabode aliɛma Ahitubo, bɔ ɔse ole Finehase, bɔ ye koso ɔse ole AWURADE sɔfo Eli bɔ né ɔwɔ Silo ne. Né koɛhonɛfoɛ nemɔ nze kyɛ Yonatan afi berɛ ahɔ ɔ.

1 Samuel 22:20

Nakoso Ahitubo awa Ahimɛlɛke ɔwa bienzua ko bɔ oli Abiata ne, onyane atee nwatili, na ɔhɔle Dawide berɛ.

1 Samuel 23:2

Na Dawide bisale AWURADE kyɛ, “Me ne Filistifoɛ hemɔ yɛɛho anaa?” Yeɛ AWURADE buale Dawide kyɛ, “Ɛne bɛ bɛɛho na de Keila kuro ne.”

1 Samuel 23:5

Yiti Dawide ne ye mmenia nemɔ hɔle Keila, ɔne Filistifoɛ bɛhone, ohuhuni bɛ paa, na ɔfale bɛ nyɛmmoa nemɔ wale. Sɔ yeɛ Dawide yɔle lele Keilafoɛ ngoa ɔ.

1 Samuel 23:7

Bɛha behyirele Sɔɔlo kyɛ Dawide ahɔ Keila. Na Sɔɔlo sele kyɛ, “Ɛhe de, Nyameɛ afa ye wawura me sa, ofikyɛ kuro bɔ bafa mmuralɛ babeabea ye pambim nemɔ asi bɔ wahɔ nu ye de, ye de ɔte kyɛ waato ye nwo anoa nu ɔ.”

1 Samuel 23:9

Na Dawide tele kyɛ Sɔɔlo abɔ ye ti so porɛ nen, osele ɔsɔfo Abiata kyɛ, “Fa ɔsɔfo ataadeɛ ne bra.”

1 Samuel 30:7

Yeɛ Dawide sele Ahimɛlɛke awa ɔsɔfo Abiata kyɛ, “Fa ɔsɔfo ataadeɛ ne brɛ me.” Na Abiata fale ɔsɔfo ataadeɛ ne brɛle ye.