1 Samuel 23:4 - AHYERƐLƐ KRONGRON

⁴ Dawide bisale AWURADE bieku. Na AWURADE buale ye kyɛ, “Kɔ. Kɔ Keila, na ngɔfa Filistifoɛ ngowura wɔ sa.”

1 Samuel 23:4 Iomraidhean Croise

2 Samuel 2:1

Ɛhe asi ne, Dawide bisale AWURADE kyɛ, “Aso ngɔ Yuda nguro nemɔ ko aso anaa?” Na AWURADE buale ye kyɛ, “Yoo, kɔ.” Yeɛ Dawide sa bisale kyɛ, “Bɛ nu beni yeɛ ngɔ so ɔ?” Na obuale kyɛ, “Hebron.”

2 Samuel 5:19

Na Dawide bisale AWURADE kyɛ, “Mva koɛ ngɔndoa Filistifoɛ anaa? Ɛkɔfa bɛ kowura me sa anaa?” Yeɛ AWURADE buale Dawide kyɛ, “Kɔ, ngɔfa Filistifoɛ ngowura wɔ sa amba.”

2 Ahemvo 3:18

Ɛhe te nikyee kaaba koraa wɔ AWURADE nye so, ofikyɛ ɔkɔfa Moabo kowura ɛmɔ sa koso.

1 Aberɛso Dwirɛ 14:10

Na Dawide bisale Nyameɛ kyɛ, “Mva koɛ ngɔndoa Filistifoɛ anaa? Aso ɛkɔfa bɛ kowura me sa?” Na AWURADE buale ye kyɛ, “Kɔ na ngɔfa bɛ ngowura wɔ sa.”

Yosua 8:7

na ɛmɔ koso, odi kyɛ ɛmɔfi nekaa bɔ ɛmɔtetɛ ne befite, ná ɛmɔkɔfa kuro ne; ofikyɛ AWURADE ɛmɔ Nyameɛ kɔfa kɔma ɛmɔ.

Maenbulɛfoɛ 6:39

Yeɛ Gideon sele Nyameɛ kyɛ, “Mesrɛ wɔ, nnɛfɛ me so yaa. Maa mva edwirɛ bieku ndo wɔ nyunu. Ma nza mva gyese ne nzo nnea. Ma gyese ne angome ɔ́yɛ wosee, ná ma bosue ógua aseɛnwo berɛ amukoraa.”

Maenbulɛfoɛ 7:7

Na AWURADE sele Gideon kyɛ, “Mmenia ɛyaa nza bɔ bele bɛ temverema bɛnone nzue ne, ngɔfa bɛ so ngole ɛmɔ, ná mafa Midianfoɛ mawura wɔ sa. Ma bɛ ngaa ne amukoraa besa bɛ́hɔ b’awuro.”

Maenbulɛfoɛ 7:9

Sɔ kɔngɔen ne ala, AWURADE sele Gideon kyɛ, “Dwɔso, na fa koɛ kɔteta asikyeleɛ ne; ofikyɛ mafa mawura wɔ sa.”

1 Samuel 10:22

Yiti besa bebisale AWURADE kyɛ, “Sɔ sona ne, aso wamma wa bie anaa?” Na AWURADE buale kyɛ, “Ɛ́mɔnea, waafea nningyein bɔ baboaboa ye noa ne anu.”

1 Samuel 23:2

Na Dawide bisale AWURADE kyɛ, “Me ne Filistifoɛ hemɔ yɛɛho anaa?” Yeɛ AWURADE buale Dawide kyɛ, “Ɛne bɛ bɛɛho na de Keila kuro ne.”

1 Samuel 23:3

Nakoso Dawide mmenia nemɔ sele ye kyɛ, “Tie, Yuda wa po yeɛ yɛsuro ye, ná ye de yɛkɔhɔ Keila kyɛ yɛne Filisti koɛhonɛfoɛ yɛkwaaho ɔ!”

1 Samuel 23:5

Yiti Dawide ne ye mmenia nemɔ hɔle Keila, ɔne Filistifoɛ bɛhone, ohuhuni bɛ paa, na ɔfale bɛ nyɛmmoa nemɔ wale. Sɔ yeɛ Dawide yɔle lele Keilafoɛ ngoa ɔ.

1 Samuel 28:6

Sɔɔlo bisale AWURADE, nakoso laleɛ nu oo, Yurim so oo, anaa ngɔmhyɛlɛfoɛ so oo, AWURADE andɛ ye so.

1 Samuel 30:8

Na Dawide bisale AWURADE kyɛ, “Mbo apaabɔlɛfoɛ hemɔ so anaa? Ngɔto bɛ anaa?” Na AWURADE buale ye kyɛ, “Po bɛ so, ɛkɔto bɛ, na mekã mekyire wɔ kyɛ, mmenia bɔ bahye bɛ nnure ne, ekole bɛ.”