1 Samuel 23:16 - AHYERƐLƐ KRONGRON

¹⁶ Yeɛ Sɔɔlo awa Yonatan sili nu hɔle Dawide berɛ wɔ Horese, na ɔkyekyele Dawide wora kyɛ Nyameɛ kɔbɔ ye nwo waen.

1 Samuel 23:16 Iomraidhean Croise

Nehemia 2:18

Ngane kyɛbɔ me Nyameɛ walo me wagyina me si, ɔne edwirɛ bɔ Nana Atasɛsɛse wahã wahyire mene ngyirele bɛ. Na bɛhane kyɛ, “Ɛ́mɔma yɛdwɔso yɛsi!” Yiti bɛfale bɛ nwo belele sɔ adwuma paa ne anu.

YOB NWOMAA NE 16:5

Ahaa ngɔfa me noa dwirɛ ngɔhyɛ ɛmɔ nguraen, ahaa me noa dwudwolɛ kɔma ɛmɔ nwo tutulɛ ne kɔtɔ ɛmɔ.

Anyandera 27:17

Bɛfa buralɛ yeɛ besi buralɛ ɔ, na sɔ ala yeɛ sona ma sona adwene nu bukye ɔ.

Anyandera 27:9

Kyɛbɔ sakyeɛfona ne ayirefona ma sona nye gye ne, sɔ ala yeɛ adamvoa nu fɛɛ, bɔ ɔte foɛtulɛ paa bɔ ɔfa ma wɔ te ɔ.

Hesekiel 13:22

Ɛmɔafa ɛmɔ nnakannaka ne bama teneneefoɛ bɛ wora abɔ, ɔwɔ nu kyɛ me de mmvale aworabɔlɛ nndole bɛ so. Ɛmɔsi bɔnefoɛ adua, kyɛbɔ ɔkɔyɛ bɔ ɔngɔhwe ye nwo ngofi ye bɔne atee so ngonya ngoa ɔ.

Luka 22:32

Nakoso mabɔ mbaeɛ mama wɔ, kyɛbɔ wɔ gyidie ngɔtɔ ase ɔ, amaa sɛ esa gyina wɔ gya so a, ahyɛ eliɛma mɔ nguraen.”

Luka 22:43

Na abɔfo fili nyameɛso ɔɔyele ye nwo ali hyirele ye, na ɔhyɛle ye nguraen.

Ɛfesofoɛ 6:10

Bɔ ɔpɛ ye bo ɔ, aliɛmaa mɔ, ɛ́mɔma ɛmɔ nwo yɛ se wɔ Awurade nu, ɔne ye anwoserɛ tumi ne anu.

Deuteronomi 3:28

Nakoso fa w’adwuma ne wura Yosua sa, kanyane ye ná hyɛ ye nguraen, ofikyɛ ye yeɛ okotua mmenia hemɔ noa maa bɛkɔpɛ asue ne ɔ, na ye yeɛ ɔkɔma bɛ sa kɔha aseɛ bɔ ekonwu ye ne ɔ.’

2 Timoteo 2:1

Yiti mma, ma wɔ nwo yɛ se wɔ adom bɔ ɔwɔ Kristo Yesu nu ne anu.

1 Samuel 23:15

Né Dawide wɔ Sife ɛserɛ so nekaa bie bɔ bɛfrɛ berɛ Horese, na ɔtele kyɛ Sɔɔlo asi nu kyɛ ɔbaapena ye ku ye.

1 Samuel 30:6

Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.