1 Samuel 23:10 - AHYERƐLƐ KRONGRON

¹⁰ Na Dawide hane kyɛ, “O, AWURADE Yisrael Nyameɛ, wɔ somvoɛ ate kyɛ Sɔɔlo pena kyɛ ɔba Keila, kyɛ ɔnate me ti ɔbaabɔ kuro ne.

1 Samuel 23:10 Iomraidhean Croise

Gyenesise 18:24

Yɛfa ye kyɛ mmenia aburannu bɔ bɛtengyɛ wɔ kuro ne anu. Yiti ahaa ɛngɔfa wɔ nye ngɔto mmenia aburannu bɔ bɛtengyɛ wɔ kuro ne anu ne, na ɛngɔyakyi ye sɛkyelɛ anaa?

Ɛseta 3:6

Né baha maen horɛ bɔ Modekae fi nu ɔ bahyire Haman, yiti Haman anguro kyɛ okohu ye ngome ɔ. Na mmom Haman bɔle porɛ kyɛ, Modekae aliɛma mɔ Yudafoɛ amukoraa bɔ bɛwɔ Ahasuro ahennie nu ne, okonua bɛ boso.

Anyandera 28:15

Maen panyi bɔ ɔfa atianuserɛ di mmenia bɔ bɛyɛ anwumvo so ne, ɔte kyɛ gyata bɔ opo anaa kwabrafo bɔ ye nye aboro ɔ.

1 Samuel 22:19

Na asɔfo nemɔ bɛ kuro Nɔbo koso, ɔfale ngrandɛ huhuni berɛ ama mukoraa: mmienzua ne mmrasua, ngwadaa ne nnɔma, nandwie, afunum ne mmoaen.

1 Samuel 23:11

Aso Keilafoɛ kɔfa me kowura ye sa anaa? Sɔɔlo kɔwa kyɛbɔ wɔ somvoɛ ate ne ala anaa? O, AWURADE Yisrael Nyameɛ, mesrɛ wɔ ala, ka kyire wɔ somvoɛ.” Na AWURADE buale kyɛ, “Yoo, ɔkɔwa.”

1 Samuel 23:8

Yiti Sɔɔlo boaboale koɛhonɛfoɛ ne amukoraa noa kyɛ bɛhɔ Keila beetua Dawide ne ye mmenia nemɔ, ná bɛ ne bɛ bɛho.

1 Samuel 23:9

Na Dawide tele kyɛ Sɔɔlo abɔ ye ti so porɛ nen, osele ɔsɔfo Abiata kyɛ, “Fa ɔsɔfo ataadeɛ ne bra.”