1 Samuel 22:6 - AHYERƐLƐ KRONGRON

⁶ Afei Sɔɔlo tele kyɛ banwu nekaa bɔ Dawide ne mmenia bɔ bɛboka ye so ne bɛwɔ ɔ. Sɔ mmerɛ ne, né Sɔɔlo te akyea ne abo, wɔ pambaa bie aso wɔ Gibea. Né otira ye pealɛɛ, yeɛ afei né ye somvoɛ mɔ begyigyi ye nwo berɛ.

1 Samuel 22:6 Iomraidhean Croise

Gyenesise 21:33

Abraham luale akyea wɔ Beɛ Hyeba, na ɔsɔnene AWURADE bɔ ɔte Ɛdangama Nyameɛ ne berɛ.

Maenbulɛfoɛ 4:5

Né ɔtaa tena Debora ayee bɔ ɔwɔ Rama ne Betel b’afia ne abo, wɔ Efraim mmokaa aseɛ ne aso. Berɛ yeɛ né Yisraelfoɛ fa b’edwirɛ bɛbato ye nyunu maa odi ɔ.

1 Samuel 14:2

Né Sɔɔlo akyekye asikyeleɛ wɔ Gibea tiwaa, wɔ akengaa bɔ ɔwɔ Migron ne abo. Né koɛhonɛfoɛ kɔyɛ ɛyaa nzia boka ye so.

1 Samuel 18:10

Aleɛ hyene ne, Nyameɛ somane sunzum tɛɛ bie maa ɔte pene Sɔɔlo so, na ye nye so yɛle ye krakra wɔ ye awuro berɛ. Sɔ mmerɛ ne, né Dawide ɔbɔ sangoo ne, kyɛbɔ né ɔbɔ ye daa biala ne. Né Sɔɔlo tira ye pealɛɛ ne.

1 Samuel 19:9

Afei AWURADE somane sunzum tɛɛ bie maa ɔte pene Sɔɔlo so, wɔ mmerɛ bɔ né ɔte ye awuro berɛ otira ye pealɛɛ ɔ. Né Dawide koso ɔ́bɔ sangoo sɔ mmerɛ ne.

1 Samuel 20:33

Na Sɔɔlo tole ye pealɛɛ ne kyɛ ɔfa ku Yonatan, na ɛhe mane Yonatan nwuni ye kyɛ ye baba asua Dawide so kyɛ okohu ye.

1 Samuel 31:13

Afei bɛsesale bɛ mmowue nemɔ besiele bɛ wɔ akyea ne abo wɔ Yabese, na bebua bɛlale ɛlɛsoo.