1 Samuel 22:3 - AHYERƐLƐ KRONGRON

³ Dawide fili berɛ hɔle Misepe bɔ ɔwɔ Moabo. Na ɔfa tole Moabo hene nyunu kyɛ, “Mesrɛ wɔ ala, ma me baba ne me maame bɛɛtena wɔ wa kɔpem kyɛ ngonwu bɔ Nyameɛ kɔyɔ kɔma me ɔ.”

1 Samuel 22:3 Iomraidhean Croise

Gyenesise 47:11

Yeɛ Yosef bɔle ɔse ne oliɛma mɔ atenaseɛ, na ɔmane bɛ aseɛ bɔ ɔkye aleɛ paa wɔ Ramese mbɔtam wɔ Misraim maen nu, kyɛbɔ Faro hyɛle ne.

2 Samuel 8:2

Dawide lili Moabofoɛ koso so ngonim. Ɔmaa bɛlelale aseɛnwo berɛ fekue fekue nza. Ohuni fekue nyɔ, na ɔmane fekue ko nyane ye ti didili nu. Yiti Moabofoɛ bɛɛyɛle Dawide ngoaa bɔ né betua ɛtoɔ bɛma ye ɔ.

Ɛksadɔso 20:12

“Di ɛse ne eni ni, amaa ɔnate so anya ngoa tendenn wɔ aseɛ bɔ AWURADE wɔ Nyameɛ ɔ́fa ma wɔ ne aso.

1 Timoteo 5:4

Na sɛ brasua kunaniɛ bie ole mmaa anaa nnomaa a, maa beli moa besua kyɛ bɛkɔla nyamesom paa ali wɔ awuro, kyɛ bɛkɔnea b’awofoɛ ɔ; ofikyɛ sɔ yeɛ ɔte paa ná ɔsɔ Nyameɛ nye ɔ.

Maenbulɛfoɛ 11:29

Yeɛ AWURADE Sunzum kanyane Yɛfeta, na Yɛfeta ɔɔpɛle nu Gileade ne Manase. Ɔtoale so hɔle Misepa bɔ ɔwɔ Gileade ne. Ofili Misepa bɔ ɔwɔ Gileade, na ɔpɛle nu fale koɛ ɔɔtoale Amonfoɛ.

Rutu 4:10

Afei koso, Moaboniɛ Rutu, bɔ né ɔte Malon aye ne, magya ye, amaa ɔnate so sona bɔ wawu ne, ye dumaa ahɔ so wala ye agyapadeɛ so; amaa ɔnate so sona bɔ wawu ne, ye dumaa angyikyi wamvi ye abusua ɔne ye kuro nu. Ɛnɛ, ɛmɔte m’adanzefoɛ.”

Rutu 4:17

Mandamu berɛ mmrasua nemɔ tole akwadaa ne dumaa, na bɛhane kyɛ, “Bawo baa bienzua bama Naomi.” Bɛtole ye dumaa Obɛde; na ye yeɛ ɔwole Yese, bɔ yeɛ ɔte Dawide baba ne.

1 Samuel 14:47

Sɔɔlo ahennie ne tirale ndii wɔ Yisrael ne, ye pɔfoɛ amukoraa bɔ bapɛ ye nwo bayia ne, ɔne bɛ hone koɛ. Ɔne ɛhemɔ hone: Moabofoɛ, Amonfoɛ, Edomfoɛ, Soba ahemvo ne Filistifoɛ. Olili ngonim wɔ nekaa biala bɔ ɔhone koɛ ɔ.

1 Samuel 22:2

Na ebiala bɔ né ɔwɔ anwokyere nu, anaa ɔma kerɛ, anaa ye kunu ndwo ne, bɛboale bɛ noa bɛɛtoale ye wɔ berɛ, na ɔyɛle bɛ so safohene. Mmienzua kɔyɛ ɛyaa nna yeɛ bɛɛtoale ye ɔ.

1 Samuel 22:4

Ɔɔfale bɛ wale Moabo hene berɛ, na bɛtenane ye berɛ mmerɛ amukoraa bɔ né Dawide wɔ anwoserɛ afealeɛ ne anu ne.

1 Samuel 3:18

Yiti Samuel fale ye mukoraa nwo amaneɛ bɔle Eli, na wamva bie wamvea ye. Na Eli sele kyɛ, “Ye yeɛ ɔte AWURADE ɔ, maa ɔyɔ bɔ okuro ɔ.”