1 Samuel 22:23 - AHYERƐLƐ KRONGRON

²³ Maa yɛtena wa, na nnɛsuro, ofikyɛ sona bɔ ɔpena me ku me ne, wɔ koso ɔpena wɔ ku wɔ. Na ɛwɔ me wa de a, ngɔbɔ wɔ nwo waen.”

1 Samuel 22:23 Iomraidhean Croise

2 Samuel 9:7

Na Dawide sele ye kyɛ, “Nnɛsuro, na ɔnate wɔ baba Yonatan ti ngɔyɛ wɔ paa. Wɔ nana Sɔɔlo aseɛ ne, ngɔfa ye mukoraa ngɔma wɔ, na ɛne me kɔtena ɛpoen ko anwo yɛkodidi daa.”

1 Ahemvo 1:7

Adoniya ne Seruya awa Yoabo, yeɛ ɔsɔfo Abiata bɛbɔle porɛ, na begyinane Adoniya si.

1 Ahemvo 2:26

Nana Solomon sele ɔsɔfo Abiata kyɛ, “Kɔ w’aseɛ so wɔ Anatote, ofikyɛ ɛfata ewue. Nakoso mengohu wɔ sɔ mmerɛ ye, ofikyɛ ɛneane AWURADE Nyameɛ apam alaka ne aso wɔ me baba Dawide aberɛ so. Afei koso, amaneɛ bɔ me baba nwuni ye ne amukoraa, ɛne ye yeɛ benwuni ye ɔ.”

Mateo 24:9

“Afei bɛkɔye ɛmɔ bɛkɔma maa ɛmɔkonwu amaneɛ, bekohũhũ ɛmɔ, na ɔnate me dumaa ti maen maen amukoraa bɛkɔpɔ ɛmɔ.

Yohane 15:20

Ɛ́mɔkaye edwirɛ bɔ nga ngyirele ɛmɔ ne, kyɛ, ‘Akoaa ndra ye mene.’ Sɛ bɛtanene me nye a, bɛkɔtane ɛmɔ koso bɛ nye; sɛ belili me dwirɛ so a, bekoli ɛmɔ deɛ so koso.

Yohane 17:12

Mmerɛ bɔ né me ne bɛ yɛwɔ wiase ne, mvale bɛ bɔ afa bɛ ama me ne nziele wɔ wɔ dumaa nu. Mabɔ bɛ nwo waen, na bɛ nu biala ammini, sana baa bɔ wamini ne; bɔ ɔnate so Ahyerɛlɛ ne awa nu ɔ.

Yohane 18:9

Na ɛhe mane edwirɛ bɔ ɔhane ye kyɛ, “Bɛ bɔ afa bɛ ama me ne, mamma bɛ nu biala wammini ne” wale nu.

1 Samuel 23:17

Ɔha hyirele ye kyɛ, “Nnɛsuro, ofikyɛ me baba Sɔɔlo ye sa ngɔhã wɔ. Ekoli Yisrael so hene, bɔ yeɛ ɛnne berɛ a, me yeɛ nwɔ berɛ ɔ; na me baba Sɔɔlo se ye sɔ.”