1 Samuel 22:2 - AHYERƐLƐ KRONGRON

² Na ebiala bɔ né ɔwɔ anwokyere nu, anaa ɔma kerɛ, anaa ye kunu ndwo ne, bɛboale bɛ noa bɛɛtoale ye wɔ berɛ, na ɔyɛle bɛ so safohene. Mmienzua kɔyɛ ɛyaa nna yeɛ bɛɛtoale ye ɔ.

1 Samuel 22:2 Iomraidhean Croise

2 Samuel 17:8

Na Husae toale so sele kyɛ, “Ɛse kyɛ wɔ baba ne ye mmenia nemɔ bɛte koɛhonɛfoɛ, na bɛ nye aboro kyɛ kwabrafo bɔ ebie ahye ye mma wɔ eburo ɔ. Asa koso, wɔ baba se koɛ ko paa, na ɔne koɛhonɛfoɛ nemɔ bɛngɔla neka horɛ kɔngɔen.

2 Samuel 5:2

Daa ne, bɔ né Sɔɔlo di yɛ so hene ne, né sɛ yɛkɔ oo, sɛ yɛba oo, wɔ yeɛ né edi Yisrael nyunu ɔ. Na AWURADE aha ahyire wɔ kyɛ, Wɔ yeɛ ɛkɔyɛ me maen Yisrael so neafoɛ ɔ, na wɔ yeɛ ɛkɔla Yisrael noa ɔ.”

2 Ahemvo 20:5

“Sa wɔ si kɔhã kyire Hesekia bɔ odi hene wɔ me mmenia so ne kyɛ, AWURADE wɔ nana Dawide ye Nyameɛ ne, ɔnwa nyoo: Matie wɔ mbaeɛ ne, na manwu ɛmoen bɔ ɛte ne. Nahorɛ nu, ngɔsa wɔ anwonyerɛ na ɛlɛsa ne aso, ɛkɔhɔ AWURADE asɔneyɛɛ sua nu berɛ.

2 Ahemvo 4:1

Ngɔmhyɛlɛfoɛ fekue ne, bɛ nu ko aye oosuni hyirele Elisa kyɛ, “Me hu, bɔ ɔte wɔ somvoɛ ne, wawu. Ɛse kyɛ wɔ somvoɛ, né osuro AWURADE. Nakoso ebie bɔ yɛma ye kerɛ ɔ, wawa kyɛ ɔbaafa me mma nyɔ nemɔ yɛ nganga sie kerɛ ne anoa.”

Anyandera 31:6

Fa nzaa serɛ ma sona bɔ ɔla awusu ɔ, ná fa bobe nzaa ma sona bɔ odi aworabɔlɛ ɔ.

Mateo 11:12

Na ofi Asubɔlɛniɛ Yohane aberɛ so bɔ ɔbaadwu ɛnɛ ye, nyameɛso ahennie ne ɔ́ba anyeborolɛ so; na bɛ bɔ bɛ nye aboro ne bɛfa ye anyeborolɛ so.

Mateo 11:28

“Ɛmɔ amukoraa bɔ ɛmɔayɔ adwuma bafɛ ná bafa adesoa nonɛnonɛ basoa ɛmɔ ne, ɛmɔbra me berɛ, na ngɔmaa ɛmɔkole ɛmɔ nwome.

Hebrifoɛ 2:10

Ofikyɛ ye bɔ ɔbɔle nningyein mukoraa na nningyein mukoraa te ye deɛ ne, bɔ ɔnate Yesu so fa ye mma kɔ animnyam nu ne, né ɔfata kyɛ ɔma bɛ ngoalelɛ safohene Yesu ɔfa amaneɛnwunɛ nu odi mu.

Maenbulɛfoɛ 11:3

Yiti Yɛfeta nwati fili oliɛma nemɔ anwo ɔɔtenane Tobo aseɛ so. Na mmenia biemɔ bɔ benni dwirɛ ngɔ kuro so fale bɛ tena bɛɛbɔle Yɛfeta deɛ noa, bɔ né ɔne bɛ kɔbɔ apaa ɔ.

Maenbulɛfoɛ 18:25

Na Danfoɛ sele ye kyɛ, “Nnɛteatea nu gua yɛ so. Sɛ ɛyɔ sɔ a, mmenia bɔ bafɛ yaa paa kɔwa wɔ so, na ɛne w’awuro ama ɛmɔkɔhwere ɛmɔ ngoa.”

1 Samuel 1:10

Né Hana wora abɔ paa, na ole esuɛ hahii fale ye mbaeɛ tole AWURADE nyunu.

1 Samuel 22:3

Dawide fili berɛ hɔle Misepe bɔ ɔwɔ Moabo. Na ɔfa tole Moabo hene nyunu kyɛ, “Mesrɛ wɔ ala, ma me baba ne me maame bɛɛtena wɔ wa kɔpem kyɛ ngonwu bɔ Nyameɛ kɔyɔ kɔma me ɔ.”

1 Samuel 23:13

Na Dawide ne ye mmenia nemɔ bɔ bɛte kɔyɛ ɛyaa nzia ne, befili Keila bɛhɔle, na bɛfale bɛ ti bɛbɔle buro. Na Sɔɔlo tele kyɛ Dawide anwati wafi Keila nen, ɔyakyili Keila hɔlɛ ne.

1 Samuel 25:13

Na Dawide sele ye mmenia nemɔ kyɛ, “Ebiala ɔ́fa ye ngrandɛ sĩ. Bɛ nu biala fale ye ngrandɛ sini. Dawide koso fale ye ngrandɛ deɛ sini. Mmenia kɔyɛ ɛyaa nna lili Dawide si bɛ ne ne hɔle, na bɛyakyili mmenia ɛyaa nyɔ berɛ maa bɛtenane bɛ nningyein ne anwo.

1 Samuel 30:6

Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.

1 Samuel 9:16

“Ɛhema, bekye sɔa ala, ngɔma biaa bie bɔ ofi Benyamin aseɛ so kɔwa wɔ berɛ, na fa ɛpopalɛ ngoo popa ye ma oli me maen Yisrael so hene. Ɔkɔpepɛ kole me maen kofi Filistifoɛ sa nu, ofikyɛ manwu amaneɛ bɔ me mmenia benwu ye ne, na bɛ suɛ adwu me nyunu.”