1 Samuel 22:17 - AHYERƐLƐ KRONGRON

¹⁷ Na Nana Sɔɔlo sele awɛmvoɛ bɔ begyigyi ye nwo berɛ ne kyɛ, “Ɛmɔhɔ AWURADE asɔfo nemɔ so beehuhu bɛ, ofikyɛ bɛ koso bɛwɔ Dawide bue nu. Né bɛse kyɛ wanwati, nakoso bandia me gya so.” Nakoso né Nana Sɔɔlo somvoɛ nemɔ benguro kyɛ bɛkɔfa bɛ sa bɛkɔhã AWURADE asɔfo nemɔ ɔ.

1 Samuel 22:17 Iomraidhean Croise

2 Samuel 15:1

Ɛhe asi ye, Absalom fale teaseɛnam ne mbɔngɔ, ɔne mmienzua aburannu bɔ bɛkɔbɔ ye nwo waen ɔ.

1 Ahemvo 1:5

Na Adoniya bɔ oni ole Hagite ne, ɔyɛle anwomasoɛ sele kyɛ, “Me yeɛ ngoli bia ne ɔ.” Yiti ɔɔpenane teaseɛnam mɔ ne mbɔngɔhanɛfoɛ, yeɛ mmienzua aburannu bɔ bekoli ye nyunu bɛkɔbɔ ye nwo waen ɔ.

1 Ahemvo 14:27

Yiti nziɛ ye, Nana Rehoboam yɔle kɔɔbere akokyɛm mɔ fa sili bɛ gya nu, na ɔfa wurale awɛmvoɛ mbanyi bɔ ne bɛwɛne ahemvie berɛ anoa nemɔ sa.

1 Ahemvo 18:4

Mmerɛ bɔ Yesebɛl okũkũ AWURADE ngɔmhyɛlɛfoɛ nemɔ ne, Obadia fale ngɔmhyɛlɛfoɛ ɛyaa ko, ɔhyɛle bɛ nu aburannu aburannu, ɔfale bɛ ɔɔfeale nyɔboɛ bɔ wasi sua ɔ nu, na né ɔma bɛ aleɛ ne nzue.)

2 Ahemvo 10:25

Yehu bɔle naen yeralɛ afɔleɛ ne yiele pɛ, osele awɛmvoɛ nemɔ ne mbanyi nemɔ kyɛ, “Ɛmɔbra beehũhũ bɛ, nnɛmɔma ebiala nwati.” Yiti bɛfale ngrandɛ behuhuni bɛ. Awɛmvoɛ nemɔ ne mbanyi nemɔ yeyele bɛ fuin beguale aluo. Afei besa bɛhɔle Baal asɔneyɛɛ sua ne anu.

Ɛksadɔso 1:17

Nakoso né mmrasua bɔ bede aworɛ ne suro Nyameɛ, yiti banyɔ bɔ Misraim hene hyɛle bɛ kyɛ bɛyɔ ne, na mmom bɛmane mmienzua nemɔ nyane bɛ ti didili nu.

Asomafoɛ 4:19

Na Petro ne Yohane buale bɛ kyɛ, “Sɛ ɔte paa wɔ Nyameɛ nyunu kyɛ yɛtie ɛmɔ yɛtra Nyameɛ a, nzaade ɛmɔ bɔbɔ ɛ́mbua;

1 Samuel 14:45

Na koɛhonɛfoɛ nemɔ sele Sɔɔlo kyɛ, “Yonatan bɔ wali ngonim kandinga he wama Yisrael ye, yiti odi kyɛ beku ye anaa? Nyameɛ pa gua! Kyɛ AWURADE te ase ye, ye ti nwiaa ko po ngotu ngɔtɔ ase, ofikyɛ Nyameɛ yeɛ wagyina ye si maa wali ngonim ɛnɛ ɔ.” Yiti koɛhonɛfoɛ nemɔ pepɛ lele Yonatan maa onyane ye ti didili nu.

1 Samuel 2:31

Tie, mmerɛ bie ɔ́ba bɔ ngole wɔ sa nu tumi, ɔne wɔ nana abusua sa nu tumi, na ɔnate so w’awuro ama nu kobu gyeingyein bɔ ebiala ngonyi ngɔyɛ aworowaa ɔ.

1 Samuel 20:33

Na Sɔɔlo tole ye pealɛɛ ne kyɛ ɔfa ku Yonatan, na ɛhe mane Yonatan nwuni ye kyɛ ye baba asua Dawide so kyɛ okohu ye.

1 Samuel 22:13

Na Sɔɔlo bisale ye kyɛ, “Nzu ati yeɛ ɛne Yese awa ne bayɛ me nwo lɔen, bɔ ama ye aleɛ ne ngrandɛ, abisa Nyameɛ berɛ dwirɛ ama ye, maa ɔnate so ɔko tia me, bɔ ɔtɛ me ku me, kyɛbɔ kekesaala ye ɔyɔ ye?”

1 Samuel 22:16

Na Nana Sɔɔlo sele kyɛ, “Wɔ Ahimɛlɛke, ɔsɛ kyɛ beku wɔ, ɛne ɛse abusuafoɛ amukoraa.”

1 Samuel 25:17

Yiti tie ná dwene bɔ ɛkɔyɔ ɔ nwo, ofikyɛ babɔ yɛ mene ne ye awuro ama mukoraa nwo porɛ. Na ɔnate ye suban bɔ ɔtte mayee ne ati, ebie ngora ndu ye foɛ.”

1 Samuel 8:11

Na osele kyɛ, “Ɛhene bɔ ɔbaali ɛmɔ so ne, sɔ atee he yeɛ ɔkɔfa ɛmɔ kɔfa so ɔ: ye koɛ teaseɛnam mɔ ne ye mbɔngɔ nemɔ, ɔkɔhyɛ ɛmɔ mma mmienzua maa bɛkɔhã, na ɔkɔmaa bekotu amirika bekoli koɛ teaseɛnam nemɔ nyunu bɛkɔbɔ ye nwo waen.