1 Samuel 22:10 - AHYERƐLƐ KRONGRON

¹⁰ Obisale AWURADE berɛ dwirɛ mane ye. Ɔmane ye aleɛ bɔ okoli ye atee so ɔ, na ɔfale Filistiniɛ Goliate ngrandɛ ne mane ye.”

1 Samuel 22:10 Iomraidhean Croise

Numeri 27:21

Nakoso odi kyɛ ɔba ɔsɔfo Eleasa nyunu maa ɔfa Yurim so obisa AWURADE noa dwirɛ ɔma ye wɔ AWURADE nyunu. AWURADE noa dwirɛ so yeɛ odi kyɛ ɔne Yisrael maen ne amukoraa begyina bɛyɔ nikyee biala ɔ.”

1 Samuel 10:22

Yiti besa bebisale AWURADE kyɛ, “Sɔ sona ne, aso wamma wa bie anaa?” Na AWURADE buale kyɛ, “Ɛ́mɔnea, waafea nningyein bɔ baboaboa ye noa ne anu.”

1 Samuel 21:10

Sɔ kyẽa ne, Dawide toale so nwatili fili Sɔɔlo berɛ, na ɔhɔle Gate hene Akise berɛ.

1 Samuel 22:11

Afei Nana Sɔɔlo somane maa bɛɛfale Ahitubo awa ɔsɔfo Ahimɛlɛke ne ɔse abusuafoɛ amukoraa bɔ bɛte asɔfo bɔ bɛwɔ Nɔbo bɛwale, na bɛ mukoraa bɛwale Sɔɔlo berɛ.

1 Samuel 22:13

Na Sɔɔlo bisale ye kyɛ, “Nzu ati yeɛ ɛne Yese awa ne bayɛ me nwo lɔen, bɔ ama ye aleɛ ne ngrandɛ, abisa Nyameɛ berɛ dwirɛ ama ye, maa ɔnate so ɔko tia me, bɔ ɔtɛ me ku me, kyɛbɔ kekesaala ye ɔyɔ ye?”

1 Samuel 22:15

Aso ɛnɛ angome yeɛ mabisa Nyameɛ berɛ dwirɛ mama ye ɔ? Daabi, nna ɛnɛ angome ɔ. Nana, ɛhe de, nnɛfa edwirɛ he susu wɔ somvoɛ, anaa me se abusuaniɛ biala. Ofikyɛ, né wɔ somvoɛ nze edwirɛ he anwo hwee, kyɛ ɔte edwirɛ piri oo, anaa kaaba bie oo.”

1 Samuel 23:12

Yeɛ Dawide bisale kyɛ, “Aso Keilafoɛ kɔfa me ne me mmenia nemɔ bekowura Sɔɔlo sa anaa?” Na AWURADE buale kyɛ, “Yoo, bɛkɔye ɛmɔ bɛkɔma ye.”

1 Samuel 23:2

Na Dawide bisale AWURADE kyɛ, “Me ne Filistifoɛ hemɔ yɛɛho anaa?” Yeɛ AWURADE buale Dawide kyɛ, “Ɛne bɛ bɛɛho na de Keila kuro ne.”

1 Samuel 23:4

Dawide bisale AWURADE bieku. Na AWURADE buale ye kyɛ, “Kɔ. Kɔ Keila, na ngɔfa Filistifoɛ ngowura wɔ sa.”

1 Samuel 30:8

Na Dawide bisale AWURADE kyɛ, “Mbo apaabɔlɛfoɛ hemɔ so anaa? Ngɔto bɛ anaa?” Na AWURADE buale ye kyɛ, “Po bɛ so, ɛkɔto bɛ, na mekã mekyire wɔ kyɛ, mmenia bɔ bahye bɛ nnure ne, ekole bɛ.”