1 Samuel 21:11 - AHYERƐLƐ KRONGRON

¹¹ Na Akise somvoɛ nemɔ sele ye kyɛ, “Dawide bɔ ɔte hene wɔ ye aseɛ so ne, aso nna ye ɛhe? Aso nna ye yeɛ begole abilie bɛtole dwein bɛfrɛfrɛle ye kyɛ, ‘Sɔɔlo ahu apee apee, yeɛ Dawide ahu apee buru apee buru’ ne?”

1 Samuel 21:11 Iomraidhean Croise

Edwein 34:1

Ngɔye AWURADE ayɛ mmerɛ biala; ye ayɛyelɛ kɔla me noa daa.

1 Samuel 16:1

AWURADE bisale Samuel kyɛ, “Kyinzu koraa yeɛ ekoli Sɔɔlo nwo aworabɔlɛ maa okoodwu ɔ? Maye me sa mafi ye bo maa ye sɔ ati ɔtte Yisrael so hene ko. Fa ngoo gua wɔ towaa ne anu ná si nu kɔ. Mésoma wɔ Betlehemniɛ Yese berɛ, ofikyɛ ye mma nemɔ anu ko yeɛ me bɔbɔ maye ye kyɛ oli hene ɔ.”

1 Samuel 19:18

Dawide nwatili nyane ye ti didili nu, na ɔhɔle Samuel berɛ wɔ Rama. Ɔhane edwirɛ bɔ Sɔɔlo afa ali ye amukoraa hyirele Samuel. Na ɔne Samuel betu bɛɛtenane Nayote.

1 Samuel 27:1

Dawide hane ye wɔ ye ti anu kyɛ, “Annea a, ɛlɛho Sɔɔlo konya me kohũ me. Bɔ ɔsɛ kyɛ meyɔ ala ole kyɛ ngɔnwati ngɔhɔ Filistifoɛ aseɛ so. Ɔba ye sɔ a, Sɔɔlo kɔpa aba, bɔ ɔngɔpena me ko wɔ Yisrael aseɛ so ɔ, na ngɔnwati ngofi ye sa nu.”

1 Samuel 27:2

Yiti Dawide sili nu trale ɛwɛen ne hɔle Gate hene Akise bɔ ɔse ole Mayoke ne berɛ. Ɔne mmienzua ɛyaa nzia bɔ bɛboka ye so ne yeɛ bɛhɔle ɔ.

1 Samuel 29:5

Aso nna Dawide he yeɛ bɛfale ye dumaa bɛtole dwein begole abilie kyɛ, ‘Sɔɔlo ahu apee apee, yeɛ Dawide ahu apee buru apee buru’ ne?”