1 Samuel 20:5 - AHYERƐLƐ KRONGRON

⁵ Yeɛ Dawide buale Yonatan kyɛ, “Ɛhema yeɛ ɛsraen kofi maa yɛkɔto poen ɔ. Na sɛ Nana to poen kyɛ odidi a, ɔnzɛ kyɛ meye me nwo mefi nu. Nakoso ma me ate ma ngɔmvea eburo toonn ma odwu ye ɛlɛsa ne aso nɔsoa.

1 Samuel 20:5 Iomraidhean Croise

2 Ahemvo 4:23

Ohu bisale kyɛ, “Ɛnɛ kyẽa ye, nna ɛsraen foforɛ aluolue kyẽa ɔ, yeɛ nna afofikyẽa ɔ, nzu ati yeɛ ɛkɔ ye berɛ ɔ? Na braa ne buale kyɛ, “Ɔte bɔkɔɔ”

Edwein 55:12

Nna me pɔfoɛ yeɛ ɔkã me anyinga ɔ, ɛhene de, ahaa ngɔhora ye noa gyina; nna sona bɔ okyi me yeɛ ɔbɔ me alapaa ɔ, ye de, ahaa ngɔhora ngɔfa me nwo ngɔfea ye.

Edwein 81:3

Ɛmɔhu totorobɛndo wɔ ɛsraen foforɛ aluolue ne, mmerɛ bɔ ɛsraen kɔyɛ mumua ne, wɔ y’aluolue kyẽa ne.

Anyandera 22:3

Badwemma nwu musue bɔ ɔkɔwa ɔ, na ɔtwe ye nwo kɔfea, nakoso bɛ bɔ b’adwene te nganga de, bɛfa bɛ ti bekowura nu benwu amaneɛ.

Amose 8:5

ná ɛmɔkã kyɛ, “Kyinzu yeɛ ɛsraen foforɛ ne kɔpɛ nu maa yɛkɔtɔne aburoo ɔ; yeɛ mmerɛ beni yeɛ afofikyẽa ne kɔpɛ nu kɔhɔ, maa yɛkobukyebukye atokoɔ pata anoa nemɔ ɔ? Yɛkosi olonka ne abo, ná yama sekel ne ayɛ piri, ná yafa tonyi bɔ bawura nu ɔ yasisi mmenia ɔ.

Numeri 10:10

Afei koso, ngyẽa bɔ ɛmɔfa bɛgye bɛ nye, ɔne ɛmɔ aluolue ngyẽa, ɔne kyẽa bɔ bosome kofi ne, ɛ́mɔhu totorobɛndo nemɔ wɔ mmerɛ bɔ ɛmɔbɔ ɛmɔ naen yeralɛ afɔleɛ ɔne ɛmɔ asomdwee afɔleɛ ɔ. Bɛkɔyɛ ngayeɛ nikyee bɛkɔma ɛmɔ wɔ AWURADE ɛmɔ Nyameɛ nyunu: Me ole AWURADE ɛmɔ Nyameɛ.

Numeri 28:11

Sɛ ɛmɔhyɛ bosome biala bo a, odi kyɛ ɛmɔbɔ naen yeralɛ afɔleɛ bɛma AWURADE. Ɛ́mɔfa nandwie nyii akrɔngrɔma nyɔ, boaen nyii ko, mmoaen nyii akrɔngrɔma nzoo bɔ bali afoɛ ngoko, bɔ bellili nnɛen biala ɔ bɛbɔ afɔleɛ.

Yohane 8:59

Yiti bɛsesale nyɔboɛ kyɛ bɛto bɛbɔ ye, na Yesu fale ye nwo feale, na ɔfale mmenia ne anu fili asɔneyɛɛ sua nu berɛ hɔle.

Asomafoɛ 17:14

Na berɛ ne ala agyidifoɛ ne guale Pɔɔlo ate maa ɔhɔle mboanoa, nakoso Silase ne Timoteo de, bɛhale Bɛrea.

Kolosefoɛ 2:16

Yiti nnɛmɔma ebiala bua ɛmɔ ndɛen fa aleɛ anaa anonneɛ, anaa aluolue, anaa ɛsraen foforɛ anaa afofingyẽa nwo.

1 Samuel 19:2

Na Yonatan tiale Dawide gya so kyɛ, “Me baba Sɔɔlo pena wɔ ku wɔ, yiti nea wɔ nwo yé ɛhema ngyerɛmɔ. Pena nekaa bie kɔfea konn.

1 Samuel 20:18

Na Yonatan sele ye kyɛ, “Ɛhema yeɛ ɛsraen kofi maa yɛkɔto poen ɔ, na ebiala konwu ye kyɛ ɛnne berɛ bie, ofikyɛ wɔ bia ne kɔla berɛ mbaen.

1 Samuel 20:19

Na ye ɛlɛsa ne aso, kɔ dedeede kɔfea nekaa bɔ ɛɛfeale daa ne, ná fea Esel nyɔboɛ ne asi.

1 Samuel 20:24

Yiti Dawide ɔɔfeale eburo dɔ. Na ɛsraen ne fili ne, Nana Sɔɔlo tenane ase wɔ poentolɛ bo kyɛ odidi.

1 Samuel 20:27

Nakoso ɛsraen ne fili ne, ye kyẽa bɔ ɔtɔ so nyɔ ne aso, né Dawide bia ne la berɛ mbaen. Na Sɔɔlo bisale ɔwa Yonatan kyɛ, “Yese awa ne, anoma ne ɛnɛ, nzu ati yeɛ wamma poentolɛ ye abo bie ye?”

1 Samuel 20:4

Na Yonatan sele Dawide kyɛ, “Bɔ ekuro kyɛ meyɔ mema wɔ biala, ngɔyɔ.”

1 Samuel 20:6

Sɛ wɔ baba bisa me boso a, ka kyɛ, ‘Dawide srɛle me ate serɛserɛ kyɛ ɔ́bɔ hwii kɔ ye kuro Betlehem, ofikyɛ ye abusua ne amukoraa bɛ́bɔ afoɛnoa afɔleɛ wɔ berɛ.’