1 Samuel 20:41 - AHYERƐLƐ KRONGRON

⁴¹ Abɛɛmaa ne fili berɛ hɔle pɛ yeɛ Dawide fili nyɔbotaen ne asi fitele ɔ. Ɔtole ye nwo yele aseɛnwo berɛ fale ye nyunu butuli berɛ, na ɔbɔle ye ti ase pɛen nza. Bɛtotɔle bɛ nwo nu, besuni, na Dawide aworabɔlɛ deɛ bole so.

1 Samuel 20:41 Iomraidhean Croise

Gyenesise 29:11

Yakob fele Rahɛl noa, na ɔteateane nu osuni.

Gyenesise 29:13

Laban tele ye awosea Yakob nga nen, ole amirika ooyiale ye, ɔtɔle ye nu, na ɔfele ye noa, na ɔfale ye wale ye awuro. Yakob fale edwirɛ ne amukoraa bɔle Laban amaneɛ,

Gyenesise 33:4

Nakoso Yisɔ le amirika ooyiale ye, ɔtɔle ye nu, na ɔfale ye ti tole ye kɔme anwo fele ye noa. Na bɛ munyɔ besuni.

Gyenesise 42:6

Né Yosef yeɛ ɔte amrado wɔ maen ne anu ɔ. Né ye yeɛ ɔtɔne aleɛ ma maen ne anu ama mukoraa ɔ. Yosef aliɛma mɔ wale, na bɛfale bɛ nyunu bebutubutuli ase bɛkotole ye.

Gyenesise 43:28

Bebuale ye kyɛ, “Yoo, w’akoaa bɔ ɔte yɛ baba ne, ye nwo te paa, na ɔtɛ te ase.” Na bɛbɔle bɛ ti ase bɛkotole ye.

Gyenesise 45:15

Na ɔfele oliɛma nemɔ amukoraa bɛ noa, na ɔtotɔle bɛ nu suni. Ye si ye, oliɛma nemɔ ne ye belili ngɔmɔ.

2 Samuel 1:2

Ye ɛlɛsa ne aso, biaa bie fili Sɔɔlo asikyeleɛ ne anu dɔ wale. Né ye ndaadeɛ nu asunzua, yeɛ né nnɛterɛ wɔ ye ti so. Oodwuli Dawide nyunu berɛ ne, ɔbɔle ye ti ase kotole ye.

2 Samuel 1:26

O, nniɛma Yonatan, wɔ ti me wora abɔ; né mekuro wɔ dwirɛ paa, kyɛbɔ esi hurole me dwirɛ ne ɔyɛ nwanwa, na ɔtra ehurolɛ bɔ ofi mmrasua berɛ ɔ.

2 Samuel 14:4

Braa bɔ ofi Tekoa ne wale Nana Dawide berɛ nen, ɔbɔle ye ti ase kotole ye, na osele kyɛ, “Nana, mesrɛ wɔ, boka me!”

2 Samuel 19:39

Afei koɛhonɛfoɛ ne amukoraa bɛ ne Nana Dawide bɛpɛle asue ne. Na anzana Nana Dawide baapɛ asue ne nen, ɔtɔle Basilae nu yɛle ye atuu, oyirale ye, na Basilae sa hɔle ye kuro.

2 Samuel 9:6

Na Sɔɔlo awa Yonatan ɔwa Mefibosɛte oodwuli Dawide nyunu berɛ ne, ɔfale ye nyunu butuli berɛ anidie nu. Yeɛ Dawide frɛle ye kyɛ, “Mefibosɛte!” Na osurole kyɛ, “Nana, w’akoaa, me ɛhe.”

1 Ahemvo 1:16

Bahyeba bɔle ye nu ase kotole Dawide, na Dawide bisale kyɛ, “Na amaneɛ?”

1 Ahemvo 1:23

Bɛbɔle Dawide amaneɛ kyɛ, “Ngɔmhyɛlɛniɛ Natan awa wa.” Natan oodwuli Dawide nyunu berɛ ne, ɔkotole berɛ fale ye nyunu butuli ase wɔ Dawide nyunu.

1 Ahemvo 1:31

Yeɛ Bahyeba kotole fale ye nyunu butuli berɛ wɔ Nana Dawide nyunu. Na ɔhane kyɛ, “Me mene Nana Dawide, wɔ ngoa so oo!”

Asomafoɛ 20:37

Na bɛ mukoraa bɛfale esuɛ bɛtotɔle ye nu bɛ ne ye lili ngraa;

1 Samuel 10:1

Afei Samuel fale ngoo towaa, otutu guale Sɔɔlo ti so, na ɔtɔle ye nu hane kyɛ, “AWURADE apopa wɔ ngoo wafa wɔ wali ye maen Yisrael so hene. Wɔ yeɛ ɛkɔla AWURADE maen ne noa ɔ, na bɛ pɔfoɛ mɔ bɔ bapɛ bɛ nwo bayia ne, wɔ yeɛ ɛkɔpepɛ kole bɛ kofi bɛ sa nu ɔ. Na bɔ okohyire kyɛ AWURADE afa wɔ wali ye agyapadeɛ so hene ɛhe:

1 Samuel 18:3

Afei Yonatan ne Dawide yɛle apam, ofikyɛ né okuro Dawide dwirɛ kyɛ ye bɔbɔ ye nwo.

1 Samuel 20:40

Yonatan fale ye akodeɛ ne mane abɛɛmaa ne, na osele ye kyɛ, “Fa kɔ awuro.”

1 Samuel 24:9

Na Dawide sele Sɔɔlo kyɛ, “Bɛ bɔ bɛkeka kyɛ, ‘Dawide pena wɔ ku wɔ’ ne, nzu ati yeɛ etie bɛ dwirɛ ye?

1 Samuel 25:23

Mmerɛ bɔ Abigail nwuni Dawide nen, ofili afunum ne aso dwuli ase ndɛndɛ, ɔbɔle ye nu ase, na ɔfale ye nyunu butuli ase wɔ Dawide nyunu.