1 Samuel 20:32 - AHYERƐLƐ KRONGRON

³² Na Yonatan bisale ye baba kyɛ, “Nzu ati yeɛ ɔsɛ kyɛ beku ye ɔ? Nzikyɛ yeɛ wayɔ ɔ?”

1 Samuel 20:32 Iomraidhean Croise

Gyenesise 31:36

Yiti Yakob fɛle ɛyaa, na ɔbɔle Laban kwaadu kyɛ, “Me mvomsoɛ ole sɛɛ? Ɛtɛɛ beni yeɛ mayɔ bɔ yeɛ egu me so anyeborolɛ so sɔa ye?

Anyandera 22:24

Nnɛfa sona bɔ ye ahone pingye ye ɔ abiɛngoɛ, yeɛ nnɛne bɔ ɔfɛ yaa mbaen mbaen ɔ bɛbɔ afɛ,

Nworɛ Dwirɛhanɛniɛ 7:9

Nnɛma w’ahone hu ndɛndɛ, ofikyɛ ngwaseafoɛ yeɛ ahonehulɛ wɔ bɛ so ɔ.

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Yeremia 17:9

Ahone te nnakannaka tra nikyee biala, ɔte kanda paa. Na nwa yeɛ okonwu nu dwirɛ ɔ?

Mateo 27:23

Yeɛ Pilato bisale bɛ kyɛ, “Nzu ɔ, nzikyɛ bɔne yeɛ wayɔ ɔ?” Na bɛteateane nu serɛserɛ kyɛ, “Maa bɛbɔ ye mmeamudua nu!”

Luka 23:22

Obisale bɛ ye pɛen nza so kyɛ, “Nzu ɔ? Nzikyɛ bɔne yeɛ wayɔ ɔ? Me de, mennwu nikyee biala bɔ wayɔ bɔ ɔfata kyɛ beku ye ɔ; yiti ngofi ye mbire, ná mayakyi ye.”

Yohane 7:51

“Yɛ mmeraa ne, aso obua sona foɛ, wɔ aberɛ bɔ yɛttiele ye noa dwirɛ ná yɛnnwuni bɔ wayɔ ɔ?”

1 Samuel 18:11

Sɔɔlo tole pealɛɛ ne, ofikyɛ onyane adwene kyɛ, “Ngɔfa ngɔwɔ Dawide maa ɔkɔha terɛ ne anwo.” Nakoso Dawide hwene ye nwo pɛen nyɔ bɔ wanwɔ ye ɔ.

1 Samuel 19:4

Yonatan hane Dawide nwo dwirɛ paa hyirele ye baba Sɔɔlo kyɛ, “Nana, ɔnzɛ kyɛ ɛfa edwirɛ tɛɛ biala edi wɔ somvoɛ Dawide, ofikyɛ ɔyyɔle bɔne biala ottiale wɔ, yeɛ bɔ wayɔ amukoraa koso wayɔ wafa waso wɔ.

1 Samuel 19:5

Ofikyɛ ɔfale ye ngoa tole serewa oohuni Filistiniɛ ne, na AWURADE lili ngonim pirikua mane Yisrael amukoraati. Enwuni ye, na ɔyɛle wɔ fɛ. Na nzu ati yeɛ ɛpena kyɛ eku Dawide mbaen, maa ɔnate so ɛkã sona bɔ odi be mogya gua ɔ?”

1 Samuel 20:1

Dawide nwatili fili Nayote bɔ ɔwɔ Rama, na ɔhɔle Yonatan berɛ oobisale ye kyɛ, “Mayɔ nzu? Nzikyɛ mvomsoɛ yeɛ mayɔ ɔ? Nzikyɛ bɔne yeɛ mayɔ matia wɔ baba bɔ yiti ɔpena me ku me ye?”

1 Samuel 20:7

Sɛ ode to nu a, ye de w’akoaa ti ngoa; nakoso sɛ ɔfɛ yaa a, ye de nwu ye kyɛ adwene tɛɛ awa ye ti anu.

1 Samuel 22:14

Na Ahimɛlɛke buale Nana Sɔɔlo kyɛ, “Wɔ somvoɛ nemɔ amukoraa, bɛ nu nwa yeɛ odi nahorɛ kyɛ Dawide ɔ? Nana, ɔte wɔ sia, otie wɔ dwirɛ, na bebu ye wɔ w’awuro berɛ.