1 Samuel 20:3 - AHYERƐLƐ KRONGRON

³ Na Dawide koso buale kyɛ, “Wɔ baba se ye pefee kyɛ ekuro me dwirɛ, yiti wayɛ ye adwene kyɛ, ‘Mengɔma Yonatan ngɔte ye nwo bie, anyɔ a ɔkɔyɛ ye yea.’ Nakoso nahorɛ nu, kyɛ AWURADE te ase ye, ná wɔ kra koso te ase ye, ewue li me mvanvando.”

1 Samuel 20:3 Iomraidhean Croise

2 Samuel 15:21

Nakoso Yitae buale Nana Dawide kyɛ, “Kyɛ AWURADE te ase ye, ɔne kyɛ Nana, me mene, wɔ koso ɛte ase ye, nekaa biala bɔ Nana, me mene, ɛkɔhɔ ne, ewue nu oo, ngoa nu oo, berɛ yeɛ wɔ somvoɛ me koso ngɔhɔ ɔ.”

2 Ahemvo 2:2

Na Elia sele Elisa kyɛ, “Mesrɛ wɔ, tena wa ofikyɛ AWURADE asoma me Betel.” Nakoso Elisa buale kyɛ, “Kyɛ AWURADE te ase ye, ɔne kyɛ wɔ koso ɛte ase ye, mengɔte me nwo mengofi wɔ nwo.” Yiti besili nu bɛhɔle Betel.

2 Ahemvo 2:4

Elia sele Elisa kyɛ, “Elisa, mesrɛ wɔ tena wa ofikyɛ AWURADE asoma me Yeriko.” Nakoso Elisa buale kyɛ, “Kyɛ AWURADE te ase ye, ɔne kyɛ wɔ koso ɛte ase ye, mengɔte me nwo mengofi wɔ nwo.” Yiti besili nu bɛhɔle Yeriko.

2 Ahemvo 2:6

Yeɛ Elia sele Elisa kyɛ, “Mesrɛ wɔ tena wa ofikyɛ AWURADE asoma me asue Yɔɔdan noa.” Nakoso obuale kyɛ, “Kyɛ AWURADE te ase ye, ɔne kyɛ wɔ koso ɛte ase ye, mengɔte me nwo mengofi wɔ nwo.” Yiti bɛ munyɔ bɛtoale so bɛhɔle.

Edwein 116:3

Ewue nyamaa brabrale me. Ɛborɔ dɔ yealɛ sɔle me nu; nwuni amaneɛ ne aworabɔlɛ.

Yeremia 38:16

Yeɛ Nana Sedekia feale ye nwo tale ndaen hyirele Yeremia kyɛ, “Kyɛ AWURADE bɔ ɔbɔle yɛ kra ɔte ase ye, mengohu wɔ, yeɛ mengɔfa wɔ mengowura bɛ bɔ bɛpena wɔ beku wɔ nemɔ bɛ sa.”

Yeremia 4:2

ná sɛ ɛta ndaen kyɛ, ‘Kyɛ AWURADE te ase ye!’ wɔ nahorɛ nu, pɛpɛɛpɛyɛlɛ nu ne tenenee nu a, ye de, maen maen mɔ bekonya bɛ saleɛ wɔ ye nu, na ye nu yeɛ bekonya b’animnyam ɔ.

Deuteronomi 28:66

W’asetena nu kɔyɛ ahunundetelɛ ngome, ɛserɛ kɔha wɔ alesaleɛ ne alehyeleɛ, bɔ engonya wɔ ngoa nwo anyelasoɛ biala ɔ.

Deuteronomi 6:13

Suro AWURADE wɔ Nyameɛ, ye yeɛ ɔsɛ kyɛ ɛso ye ɔ, na ye dumaa ngome yeɛ fa ta ndaen ɔ.

Hebrifoɛ 6:16

Ofikyɛ amba, sona fa ebie bɔ odi mu tra ye ɔ, ye dumaa yeɛ ɔta ndaen ɔ, na ndaen bɔ ɔfa foa so ne ma aporowaasulɛ biala so pɛ.

1 Samuel 1:26

Na Hana sele kyɛ, “Me mene, w’adaworoma, me ole braa bɔ ogyinane wɔ nwo wa bɔle mbaeɛ hyirele AWURADE ne.

1 Samuel 17:55

Mmerɛ bɔ Sɔɔlo nwuni Dawide kyɛ ɔkwaayia Filistiniɛ ne ɔne ye bɛko ne, obisale safohene Abenɛ kyɛ, “Sɔ aberandeɛ he, nwa awa ɛne?” Na Abenɛ buale kyɛ, “Nana, meta wɔ ndaen kyɛ menze.”

1 Samuel 20:2

Na Yonatan buale ye kyɛ, “Nyameɛ pa gua! Ongohu wɔ. Tie, me baba nyɔ nikye fee, kyɛ piri oo, kyɛ kãa oo, bɔ ɔmmɔ me amaneɛ ɔ. Ɔkɔyɛ sɛɛ bɔ me baba kɔfa sɔ dwirɛ he kɔfea me ɔ? Menne menni!”

1 Samuel 20:4

Na Yonatan sele Dawide kyɛ, “Bɔ ekuro kyɛ meyɔ mema wɔ biala, ngɔyɔ.”

1 Samuel 25:26

Me mene, kyɛ AWURADE te ase ye, ná wɔ kra koso te ase ye, AWURADE yeɛ wamma anga mogya angua anni ye nwo fɔ ɔ. Ye yeɛ wamma wɔ bɔbɔ andɔ mmenia so wereɛ ɔ. Me mene, wɔ pɔfoɛ mɔ ne bɛ bɔ bɛpena wɔ beku wɔ ne, mesrɛ kyɛ b’ayieleɛ koyie bɛ kyɛ Nabal ala.

1 Samuel 27:1

Dawide hane ye wɔ ye ti anu kyɛ, “Annea a, ɛlɛho Sɔɔlo konya me kohũ me. Bɔ ɔsɛ kyɛ meyɔ ala ole kyɛ ngɔnwati ngɔhɔ Filistifoɛ aseɛ so. Ɔba ye sɔ a, Sɔɔlo kɔpa aba, bɔ ɔngɔpena me ko wɔ Yisrael aseɛ so ɔ, na ngɔnwati ngofi ye sa nu.”