1 Samuel 20:2 - AHYERƐLƐ KRONGRON

² Na Yonatan buale ye kyɛ, “Nyameɛ pa gua! Ongohu wɔ. Tie, me baba nyɔ nikye fee, kyɛ piri oo, kyɛ kãa oo, bɔ ɔmmɔ me amaneɛ ɔ. Ɔkɔyɛ sɛɛ bɔ me baba kɔfa sɔ dwirɛ he kɔfea me ɔ? Menne menni!”

1 Samuel 20:2 Iomraidhean Croise

Gyenesise 44:7

Na besele ye kyɛ, “Nzikyɛ dwirɛ yeɛ me mene ɔne yɛ ka ye? Wɔ ngoaa ngɔhora sɔ nikyee ne yɔ le!

Edwein 40:6

Nna ngaka afɔleɛ ne ayɛyɛdeɛ yeɛ wɔ nye gye ye nwo ɔ, na mmom ama me asoɛ bɔ ɔte dwirɛ ɔ. Nna naen yeralɛ afɔleɛ ne bɔne nwo afɔleɛ yeɛ ɛpena ɔ.

Anyandera 29:24

Ebiala bɔ ɔne awueniɛ bekotu nu ne, ɔpɔ ye bɔbɔ ye kra, ɔte amoenwaa ne de, nakoso ɔnga nahorɛ.

Yesaya 50:5

AWURADE Nyameɛ abukye me so, manyɛ lɔen, yeɛ mangakyi me si mamma ye.

Luka 20:16

Ɔkɔwa koohu sɔ hwɛsofoɛ nemɔ, ná wafa bobe boo ne wawura mmenia foforɛ sa.” Na bɛtele sɔ dwirɛ ne nen, besele kyɛ, “Nyameɛ pa gua!”

Yohane 15:15

Memvrɛ ɛmɔ ngoaa ko, ofikyɛ akoaa nze bɔ ye mene ɔyɔ ɔ; na mmom mafrɛ ɛmɔ me damvo mɔ, ɔnate kyɛ edwirɛ biala bɔ mate mafi me Baba berɛ ne, mala ye ali mahyire ɛmɔ.

Yohane 17:8

ofikyɛ edwirɛ bɔ ɛfa mane me ne, mafa mama bɛ; na bɛ koso basɔ nu, na banwu ye amba kyɛ wɔ berɛ yeɛ mvi mmale ɔ, na bale bali kyɛ wɔ yeɛ ɛsomane me ɔ.

Yosua 22:29

Yɛddwenene ye nwo le kyɛ yɛkɔyɛ AWURADE nwo lɔen, anaakyɛ ɛnɛ ye yɛkɔyakyi AWURADE si lilɛ ɔ. Yɛngosi afɔleɛ bokyea ngɔbɔ naen yeralɛ afɔleɛ, aburoo afɔleɛ, anaa afɔleɛ wɔ so, bɔ ɔngɔma yɛngɔbɔ afɔleɛ ne wɔ AWURADE yɛ Nyameɛ afɔleɛ bokyea bɔ ogyi ye nyianu sua ne nyunu ɔ!”

Yosua 24:16

Na Yisraelfoɛ buale kyɛ, “Ɔngɔwa ye sɔ le kyɛ yɛkɔyakyi AWURADE berɛ yɛkɔɔso nyameɛ foforɛ biemɔ ɔ.

1 Samuel 14:45

Na koɛhonɛfoɛ nemɔ sele Sɔɔlo kyɛ, “Yonatan bɔ wali ngonim kandinga he wama Yisrael ye, yiti odi kyɛ beku ye anaa? Nyameɛ pa gua! Kyɛ AWURADE te ase ye, ye ti nwiaa ko po ngotu ngɔtɔ ase, ofikyɛ Nyameɛ yeɛ wagyina ye si maa wali ngonim ɛnɛ ɔ.” Yiti koɛhonɛfoɛ nemɔ pepɛ lele Yonatan maa onyane ye ti didili nu.

1 Samuel 20:1

Dawide nwatili fili Nayote bɔ ɔwɔ Rama, na ɔhɔle Yonatan berɛ oobisale ye kyɛ, “Mayɔ nzu? Nzikyɛ mvomsoɛ yeɛ mayɔ ɔ? Nzikyɛ bɔne yeɛ mayɔ matia wɔ baba bɔ yiti ɔpena me ku me ye?”

1 Samuel 20:12

Afei Yonatan sele Dawide kyɛ, “AWURADE Yisrael Nyameɛ te danzeniɛ, kyɛ ɛhema anaa ɛhema si bekye sɔa ala, sɛ menwu me baba adwene, ná wɔ nwo adwene paa wɔ ye ti anu a, aso mengɔsoma ma bɛngɔɔye wɔ asotire anaa?

1 Samuel 20:3

Na Dawide koso buale kyɛ, “Wɔ baba se ye pefee kyɛ ekuro me dwirɛ, yiti wayɛ ye adwene kyɛ, ‘Mengɔma Yonatan ngɔte ye nwo bie, anyɔ a ɔkɔyɛ ye yea.’ Nakoso nahorɛ nu, kyɛ AWURADE te ase ye, ná wɔ kra koso te ase ye, ewue li me mvanvando.”

1 Samuel 9:15

Ɔhale ɛlɛho ma Sɔɔlo ba ne, né AWURADE ali moa waye wahyire Samuel kyɛ,