1 Samuel 20:17 - AHYERƐLƐ KRONGRON

¹⁷ Yonatan mane Dawide tale ndaen bieku kyɛ okuro ye dwirɛ; ofikyɛ né Yonatan kuro Dawide dwirɛ kyɛ ye bɔbɔ ye nwo.

1 Samuel 20:17 Iomraidhean Croise

2 Samuel 1:26

O, nniɛma Yonatan, wɔ ti me wora abɔ; né mekuro wɔ dwirɛ paa, kyɛbɔ esi hurole me dwirɛ ne ɔyɛ nwanwa, na ɔtra ehurolɛ bɔ ofi mmrasua berɛ ɔ.

Anyandera 17:17

Adamvoa kuro wɔ dwirɛ mmerɛ biala, yeɛ w’amaneɛnwunɛ nu ti yeɛ bɛwole eliɛma ɔ.

Anyandera 18:24

Abiɛngoɛ biemɔ fa sona kɔ sɛkyelɛ nu, nakoso abiɛngoɛ bie bata wɔ tra aliɛmaa.

Yeremia 40:9

Gedalia bɔ ye baba ole Ahikam, bɔ ye baba ole Safan ne, ɔtale ndaen hyirele bɛ ne bɛ koɛhonɛfoɛ nemɔ kyɛ, “Nnɛma ɛmɔsuro kyɛ ɛmɔkɔso Kaldeafoɛ nemɔ ɔ. Ɛ́mɔtena aseɛ ye aso, ná ɛ́mɔso Babilɔn hene, na okoyie ɛmɔ yé.”

Deuteronomi 13:6

“Na sɛ eliɛma bienzua, ɛse awa bienzua anaa eni awa bienzua, anaa ɛwa bienzua anaa brasua, anaa ɛye bɔ ɔla w’ahone nwo, anaa ebiɛngo bɔ ɛne ye bɛbɔ kyiremvua bɛtafe po lakalaka wɔ ahameɛ kyɛ, ‘Maa yɛɛso nyameɛ foforɛ biemɔ’ (bɔ wɔ anaa wɔ nana mɔ bɛnze bɛ),

1 Samuel 18:1

Dawide ne Sɔɔlo lili ngɔmɔ yiele nen, Yonatan ne Dawide betirale abiɛngoɛ bɔ nu yɛ se ɔ, na Yonatan hurole ye dwirɛ kyɛ ye bɔbɔ ye nwo.

1 Samuel 18:3

Afei Yonatan ne Dawide yɛle apam, ofikyɛ né okuro Dawide dwirɛ kyɛ ye bɔbɔ ye nwo.