1 Samuel 20:1 - AHYERƐLƐ KRONGRON

¹ Dawide nwatili fili Nayote bɔ ɔwɔ Rama, na ɔhɔle Yonatan berɛ oobisale ye kyɛ, “Mayɔ nzu? Nzikyɛ mvomsoɛ yeɛ mayɔ ɔ? Nzikyɛ bɔne yeɛ mayɔ matia wɔ baba bɔ yiti ɔpena me ku me ye?”

1 Samuel 20:1 Iomraidhean Croise

Edwein 54:3

Ofikyɛ ɛwɔfoɛ mɔ badwɔso batia me, atianuserɛfoɛ bɛpena me beku me; bɛmva Nyameɛ bɛnyɛ huu. Sela

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Petro 2:9

né nzaade Awurade se atee bɔ ɔfa so ɔpepɛ de bɛ bɔ besuro ye ɔ fi nzɔhwɛ nu, ɔne kyɛbɔ ɔtwe bɛ bɔ bɛndengyɛ so ɔfa nwondɛ ndɛenbualɛ kyẽa ne ɔ,

1 Yohane 3:21

Aliɛmaa mɔ, sɛ yɛ tiboa mmua yɛ foɛ a, ye de yɛsi y’ahone yɛkɔ Nyameɛ nyunu.

1 Samuel 12:3

Ngyi ɛmɔ nyunu wa. Ɛ́mɔli me nwo adanzeɛ wɔ AWURADE nyunu, ɔne ye sona bɔ wapopa ye ngoo ne nyunu. Nwa nandwie yeɛ male ɔ? Nwa afunum yeɛ male ɔ? Anaakyɛ nwa yeɛ mali ye ndurum ɔ? Nwa yeɛ mahyɛ ye so ɔ? Nwa yeɛ male fea-ase-ma mafi ye berɛ, bɔ ɔnate so mabu me nye magua ndɛen turoloo so ɔ? Ɛ́mɔhã, na ngɔfa bie ngosi ye gya nu ngɔma ɛmɔ.”

1 Samuel 19:1

Sɔɔlo ha hyirele ɔwa Yonatan ne ye somvoɛ amukoraati kyɛ benya Dawide a behũ ye. Nakoso né Sɔɔlo awa Yonatan kuro Dawide dwirɛ.

1 Samuel 19:18

Dawide nwatili nyane ye ti didili nu, na ɔhɔle Samuel berɛ wɔ Rama. Ɔhane edwirɛ bɔ Sɔɔlo afa ali ye amukoraa hyirele Samuel. Na ɔne Samuel betu bɛɛtenane Nayote.

1 Samuel 20:2

Na Yonatan buale ye kyɛ, “Nyameɛ pa gua! Ongohu wɔ. Tie, me baba nyɔ nikye fee, kyɛ piri oo, kyɛ kãa oo, bɔ ɔmmɔ me amaneɛ ɔ. Ɔkɔyɛ sɛɛ bɔ me baba kɔfa sɔ dwirɛ he kɔfea me ɔ? Menne menni!”

1 Samuel 20:32

Na Yonatan bisale ye baba kyɛ, “Nzu ati yeɛ ɔsɛ kyɛ beku ye ɔ? Nzikyɛ yeɛ wayɔ ɔ?”

1 Samuel 24:11

Oo me baba, nea kyɛ ndira w’ataadeɛ tendenn ne noa ɔ. Sɛ mapɛ w’ataadeɛ tendenn ne noa, ná mangu wɔ a, ye de odi kyɛ ɛte ye bo kyɛ, wɔ nwo adwene tɛɛ biala nne me ti anu, anaa nnyɔle wɔ nwo lɔen. Nnyɔle wɔ bɔne biala, nakoso ɛpena me ku me.

1 Samuel 24:12

Me ne wɔ yɛ munyɔ, AWURADE yeɛ okohyire bɔ odi fɔ ɔ! AWURADE yeɛ ɔkɔtɔ wɔ so wereɛ kɔma me ɔ. Nakoso me de, mengɔfa me sa ngɔhã wɔ.

1 Samuel 24:17

Na osele Dawide kyɛ, “Ɛtengyɛ tra me; ofikyɛ paa ala yeɛ ayɛ me ɔ, nakoso me de, bɔne yeɛ mafa matua wɔ kerɛ ɔ.

1 Samuel 24:9

Na Dawide sele Sɔɔlo kyɛ, “Bɛ bɔ bɛkeka kyɛ, ‘Dawide pena wɔ ku wɔ’ ne, nzu ati yeɛ etie bɛ dwirɛ ye?

1 Samuel 26:18

Na Dawide fa sɔle so kyɛ, “Nzu ati yeɛ me mene ɔfoa ye somvoɛ ɔ? Mayɔ nzu? Bɔne beni yeɛ mayɔ ɔ?