1 Samuel 2:8 - AHYERƐLƐ KRONGRON

⁸ Ɔma ehianiɛ so fi asefuo nu, na ɔma sona bɔ ɔyɛ anwumvo ɔ so fi fofoɛ so, maa ɔtena atitirefoɛ nu, na ɔmaa onya animnyam bia tena so. Ofikyɛ aseɛ nyinasoɛ nemɔ, AWURADE deɛ ɔ, na nyinasoɛ nemɔ so yeɛ wafa ewiase wasie ɔ.

1 Samuel 2:8 Iomraidhean Croise

Gyenesise 41:14

Yiti Faro somane maa bɛɛfrɛle Yosef bɛmane ye. Bɛyele ye befili kumaa nu kuku nu berɛ ndɛndɛ. Na Yosef poane ye kanza na ɔsesane ye ndaadeɛ yiele ne, ɔwale oogyinane Faro nyunu.

Gyenesise 41:40

Wɔ yeɛ ɛkɔnea nikyee biala so wɔ m’ahemvie wa ɔ, na wɔ noa dwirɛ yeɛ me mmenia amukoraa koli so ɔ, sana bia bɔ nde so ye ala yeɛ ngɔfa ngɔtra wɔ ɔ.”

2 Samuel 7:8

“Yiti ka kyire me somvoɛ Dawide kyɛ, Asafo AWURADE nwa nyoo: Me yeɛ nyele wɔ mvili mmoaen nealɛ nu, ɔne mmoaen si lilɛ nu, ná mvale wɔ nduale me maen Yisrael noa ɔ.

1 Ahemvo 16:2

“Mmane wɔ so mvili asefuo nu mvale wɔ nduale me maen Yisrael noa. Nakoso ayɔ bɔ Yeroboam yɔle ne bie, na ama me maen Yisrael bayɔ bɔne, ná bafa bɛ bɔne bawura AWURADE apue.

2 Ahemvo 9:6

Yiti Yehu dwɔso hɔle sua nu. Ngɔmhyɛlɛniɛ aberandeɛ ne hwiele ngoo ne guale ye ti so, na osele ye kyɛ, “AWURADE Yisrael Nyameɛ nwa: Mapopa wɔ ngoo mafa wɔ masie AWURADE maen Yisrael so hene.

YOB NWOMAA NE 1:21

Na ɔhane kyɛ, “Mvi me ni akunu méba ne, né me nwo la so, na ye sɔ ala yeɛ ngosa ngɔfa ngɔhɔ ɔ. AWURADE yeɛ ɔfa mane me ɔ, yeɛ AWURADE asa ale ɔ. Animnyam hã AWURADE dumaa.”

YOB NWOMAA NE 2:8

Afei Yob ɔɔtenane nzoen nu, na ɔfale nyangaa bue bie dwirili ye nwo.

Edwein 102:25

Daa tetetete yeɛ ɛtole aseɛ fapem ɔ, na anwuro te wɔ sa noa adwuma.

Edwein 104:5

Ɛfale aseɛ gyinane ye nyinasoɛ mɔ so, kyɛbɔ ɔkɔyɛ bɔ ɔngɔwoso le ɔ.

Edwein 107:41

Nakoso ɔma bɛ bɔ bɛyɛ anwumvo ɔ so fi amaneɛ nu, na ɔma bɛ mmusua yɛ pee kyɛ mmoaen kure.

Edwein 24:2

ofikyɛ ye yeɛ wagyina ye wɔ ɛpo so, ná wafa ye watimu asue mɔ so ɔ.

Edwein 75:3

Sɛ aseɛ ɔne bɔ ɔwɔ so amukoraa bɛwoso a, me yeɛ mema ye bonima mɔ begyina pindinn ɔ. Sela

Edwein 75:4

Sona bɔ ɔhoahoa ye nwo ne, mekã mekyire ye kyɛ, “Nnɛhoahoa wɔ nwo,” yeɛ mekã mekyire bɔnefoɛ kyɛ, “Nnɛfa wɔ tumi hoahoa wɔ nwo;

Edwein 75:7

na mmom Nyameɛ yeɛ obua ndɛen ɔ: ɔbrɛ ebie ase, ná wapagya ebie koso.

Nworɛ Dwirɛhanɛniɛ 4:14

Ebie fi kuku nu badi hene, ɔwɔ nu kyɛ bɛwole ye bɛtole ehiaa nu wɔ ye maen nu.

Yesaya 22:23

Ngɔfa ye ngɔpena berɛ kyɛ pɛmbɛen bɔ omi nekaa bɔ berɛ yɛ se ɔ, na ɔkɔyɛ animnyam bia kɔma ye baba awuro ama.

Daniel 2:48

Yeɛ ɛhene ne bɔle Daniel aba so piri paa, na ɔmane ye akyɛdeɛ bɔ bedi mu ɔ pee, na ɔmaa ɔlale Babilɔn maen ne amukoraa noa, na ɔbɔle ye Babilɔn nworɛfoɛ amukoraa bɛ so panyi paa.

Daniel 4:17

Sɔ ahyɛdeɛ ne, awɛmvoɛ nemɔ bɛ noa dwirɛ ɛne, krongronfoɛ nemɔ b’agyina bɔ batu hɔ ɛne, amaa ɔnate so ateasefoɛ banwu kyɛ Anwuro Awuroniɛ ne yeɛ ole adasa ahennie so tumi ɔ, ɔfa ma sona biala bɔ okuro ɔ, na adasa nu anwobrɛaseɛfoɛ yeɛ ɔfa bɛ sie so ɔ.’

Daniel 6:3

Na Daniel he, ɔyɔle adwuma sonongo trale mbanyi so neafoɛ nemɔ ne mbɔtam mbanyi nemɔ, ofikyɛ né sunzum sonongo wɔ ye nu. Na ɛhene ne yɛle ye adwene kyɛ ɔkɔmaa ɔkɔnea ye ahennie ne amukoraa so.

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

Nyekyire 1:6

ná wayɛ yɛ ahennie maen ne asɔfo wama ye Baba Nyameɛ ne, animnyam ne tumi ɔyɛ ye deɛ daa daa, Amen.

Nyekyire 22:5

Na aleɛ ngɔsa berɛ ko; yeɛ benhia kanea anaa eyia ye hyireinn; ofikyɛ Awurade Nyameɛ yeɛ ɔkɔyɛ bɛ kanea ɔ, na bekoli hene afebɔɔ.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.

Nyekyire 5:10

na ayɛ bɛ ahennie maen ne asɔfo ama yɛ Nyameɛ, na bekoli aseɛ so hene.”

1 Samuel 15:17

Na Samuel sele kyɛ, “Ɔwɔ nu kyɛ ebu wɔ nwo kyɛ ɛte kwahweabaa bie de, nakoso aso nna wɔ yeɛ ɛla Yisrael mmusua kure nemɔ noa ɔ? AWURADE popale wɔ ngoo fale wɔ lili Yisrael so hene;