1 Samuel 2:7 - AHYERƐLƐ KRONGRON

⁷ AWURADE yeɛ ɔma ebie di hiaa, ná osa ma ebie nya ye nwo ɔ; ye yeɛ ɔbrɛ sona ase, ná osa pagya sona ɔ.

1 Samuel 2:7 Iomraidhean Croise

2 Ahemvo 9:6

Yiti Yehu dwɔso hɔle sua nu. Ngɔmhyɛlɛniɛ aberandeɛ ne hwiele ngoo ne guale ye ti so, na osele ye kyɛ, “AWURADE Yisrael Nyameɛ nwa: Mapopa wɔ ngoo mafa wɔ masie AWURADE maen Yisrael so hene.

1 Aberɛso Dwirɛ 29:12

Anwonya ne animnyam fi wɔ berɛ, na edi hene wɔ ebiala so. Wɔ yeɛ etira tumi ne anwoserɛ ɔ, na wɔ sa nu yeɛ sona biala ye tumi ne ye anwoserɛ wɔ ɔ.

2 Aberɛso Dwirɛ 32:27

Hesekia nyane ye nwo tam, na onyane animnyam koso. Na osisili sua bɔ bɛfa sɔ nningyein hemɔ besie nu ɔ: ɛdwetɛ, esikaa kɔkorɛ, nyɔboɛ bɔ ye nyɔboɛ yɛ se ɔ, ayirefona, akokyɛm, ɔne nningyein ahoroɔ bɔ bɛ nyɔboɛ yɛ se ɔ.

2 Aberɛso Dwirɛ 32:29

Afei koso ɔkyekyele nguro bɔ ɔte ye deɛ ɔ, na onyane mmoaen ne nandwie pee, ofikyɛ Nyameɛ mane ye agyapadeɛ pee.

YOB NWOMAA NE 1:21

Na ɔhane kyɛ, “Mvi me ni akunu méba ne, né me nwo la so, na ye sɔ ala yeɛ ngosa ngɔfa ngɔhɔ ɔ. AWURADE yeɛ ɔfa mane me ɔ, yeɛ AWURADE asa ale ɔ. Animnyam hã AWURADE dumaa.”

YOB NWOMAA NE 40:12

Nea anwomasoɛfoɛ amukoraa, ná brɛ bɛ ase, ná tiatia bɔnefoɛ so wɔ nekaa bɔ bɛwɔ ɔ.

YOB NWOMAA NE 5:11

ɔma anwobrɛaseɛfoɛ so, na ɔma bɛ bɔ bedi aworabɔlɛ so ɔkɔ anigye nu.

Edwein 102:10

ɔnate wɔ ɛyaafɛlɛ ne w’ahonehulɛ ne ati; ofikyɛ apagya me afindi me ato.

Edwein 75:7

na mmom Nyameɛ yeɛ obua ndɛen ɔ: ɔbrɛ ebie ase, ná wapagya ebie koso.

Edwein 75:8

Ofikyɛ AWURADE tira kwangoa bie wɔ ye sa nu, bɔ nzaa bɔ ye noa yɛ hye, bɔ opu ahure wɔ nu ɔ; okohwie nzaa ne bie, na wiase bɔnefoɛ amukoraa bɛkɔno bekotu ye bo.

Anyandera 22:2

Nikyee ko he ma sikaniɛ ne ehianiɛ bɛte pɛ: AWURADE yeɛ ɔbɔle bɛ mu ɔ.

Yesaya 2:12

Na Asafo AWURADE ole ye kyẽa bɔ ɔkɔwa ebiala bɔ ɔte anwomasoɛ ne ahandaen ɔ so, ɔne ebiala bɔ wama ye nye atra ye ndo nwiaa ɔ so, na ɔkɔbrɛ ye ase;

Yeremia 49:15

Ofikyɛ tie, ngɔmaa ɛkɔyɛ kãa wɔ maen maen mɔ nu bɔ bebu wɔ animtia wɔ mmenia nu ɔ.

Hesekiel 17:24

Eburo mmakaa mukoraa bekonwu kyɛ me, AWURADE, me yeɛ mema bakaa tendenn yɛ tikaa, ná mesa mema bakaa tikaa yɛ tendenn ɔ; me yeɛ mema bakaa monɛ yɛ wuruwaa, ná mesa mema bakaa wuruwaa fefɛ ɔ. Me, AWURADE, me yeɛ mahã ɔ, na ngɔyɔ.”

Yakobo 4:10

Ɛ́mɔbrɛ ɛmɔ nwo ase wɔ Awurade nyunu, na ɔkɔma ɛmɔ so.