1 Samuel 2:6 - AHYERƐLƐ KRONGRON

⁶ AWURADE yeɛ oku, ná osa ma ngoa ɔ; ye yeɛ ɔmaa bɛkɔ ɛborɔ, ná osa maa bedwɔso befi dɔ bɛba ɔ.

1 Samuel 2:6 Iomraidhean Croise

1 Ahemvo 17:22

AWURADE tiele Elia dwirɛ ne. Ngoa sa wale akwadaa ne anu, na ye nye so tetele ye.

2 Ahemvo 5:7

Yisrael hene kengale krataa ne yiele pɛ, osunzuale ye bɔbɔ ye ndaadeɛ nu, na ɔhane kyɛ, “Aso nde Nyameɛ né mahora mama ewue anaa ngoa, bɔ yeɛ biaa ye ato me ngraa kyɛ nza biaa he kwata anwonyerɛ ɔ! Aso ɛmɔnea a, ɔmbena me ne ngondii!”

YOB NWOMAA NE 5:18

Ofikyɛ Nyameɛ bɔ opura sona nen, ye ala yeɛ ɔbɔ so borɛ ɔ; ye bɔ ɔbɔ fɛɛ ne, ye sa yeɛ ɔsa anwonyerɛ ɔ.

Edwein 116:3

Ewue nyamaa brabrale me. Ɛborɔ dɔ yealɛ sɔle me nu; nwuni amaneɛ ne aworabɔlɛ.

Edwein 30:4

Ao ɛmɔ, AWURADE anwoteefoɛ, ɛ́mɔto dwein bɛye ye ayɛ, ná ɛmɔla ye dumaa krongron ne ase.

Edwein 68:20

Yɛ Nyameɛ ne ɔte ngoalelɛ Nyameɛ, na Nyameɛ, bɔ ɔte AWURADE ne, ye yeɛ ɔpepɛ de sona fi ewue nu ɔ.

Edwein 71:20

Wɔ bɔ amaa manwu amaneɛ pee ye, ekosa kɔmaa ngonya ngoa; na ekosa kɔye me kofi aseɛ bo dɔ kɔwa.

Nworɛ Dwirɛhanɛniɛ 3:3

ehunɛ le ye mmerɛ, yeɛ anwonyerɛsalɛ le ye mmerɛ; nikyee sɛkyelɛ le ye mmerɛ, yeɛ ye siesielɛ le ye mmerɛ;

Yesaya 26:19

W’awufoɛ mɔ bekonya ngoa, bɛ fuin nemɔ bekotingye. O ɛmɔ bɔ ɛmɔla nnɛterɛ nu ɔ, ɛ́mɔdwɔso bɛ́to dwein beli ahurusi! O AWURADE, wɔ bosue ne, ɔte kanea bosue, na aseɛ kɔye bɛ bɔ bawuwu ɔ kɔwa.

Hesekiel 37:12

Yiti hyɛ ngɔm ná se bɛ kyɛ, ‘AWURADE Nyameɛ nwa nyoo: O me maen, ɛ́mɔtie, mebaabukyebukye ɛmɔ asieleɛ nemɔ aso, ngɔye ɛmɔ ngofi ɛmɔ asieleɛ nemɔ anu, na ngɔfa ɛmɔ ngɔhɔ Yisrael aseɛ so.

Hesekiel 37:3

Yeɛ obisale me kyɛ, “Sona awa, aso mmowue hemɔ bekonya ngoa anaa?” Na mmuale kyɛ, “Ao AWURADE Nyameɛ, hmmm, wɔ yeɛ ɛse ɔ.”

Mateo 12:40

Na kyɛbɔ Yona lili bonzu kunu ɛlɛsa eyia ne kɔngɔen ne, sɔ ala yeɛ Sona Awa ne koli aseɛ bo ɛlɛsa eyia ne kɔngɔen ɔ.

Yohane 11:25

Na Yesu sele ye kyɛ, “Me ole ewutingyelɛ ne ɔne ngoa ne; ebiala bɔ ode me di ne, sɛ owu po a, okonya ngoa.

Deuteronomi 32:39

“Afei de, ɛ́mɔnwu ye kyɛ ME OLE YE, na nyameɛ biala nne berɛ bɔ ɔboka me so ɔ. Me yeɛ meku, ná mesa mema ngoa ɔ; me yeɛ mepura, ná mesa mesa anwonyerɛ ɔ; na sɛ me sa sɔ ebie nu a, ebiala nne berɛ bɔ ɔkɔhora kole ye ɔ.

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

1 Samuel 20:3

Na Dawide koso buale kyɛ, “Wɔ baba se ye pefee kyɛ ekuro me dwirɛ, yiti wayɛ ye adwene kyɛ, ‘Mengɔma Yonatan ngɔte ye nwo bie, anyɔ a ɔkɔyɛ ye yea.’ Nakoso nahorɛ nu, kyɛ AWURADE te ase ye, ná wɔ kra koso te ase ye, ewue li me mvanvando.”