Biblia Todo Logo
Bìoball air-loidhne

- Sanasan -




1 Samuel 2:35 - AHYERƐLƐ KRONGRON

35 Me de, ngɔtete ɔsɔfo nahorɛniɛ ko ngɔma me bɔbɔ me nwo, na ye yeɛ okoli m’ahone nu dwirɛ ne me nhyehyɛleɛ so ɔ. Ngɔma ye bosofoɛ koli sɔfo kɔhyɛ, na okoli sɔfo afebɔɔ kɔso sona bɔ mapopa ye ngoo ne.

Faic an caibideil Dèan lethbhreac




1 Samuel 2:35
28 Iomraidhean Croise  

fite mmerɛ bɔ nyele maenbulɛfoɛ maa beelili me maen Yisrael so ne ala. Ngɔma wɔ asomdwee ngofi wɔ pɔfoɛ amukoraa bɛ sa nu. Asa koso, AWURADE ka kyire wɔ kyɛ, ɔkɔma wɔ boso ama kɔhɔ so koli hene.


Ofikyɛ wɔ, Asafo AWURADE, Yisrael Nyameɛ, aye wɔ somvoɛ asotire kyɛ, ‘Ngɔma wɔ boso ama kɔhɔ so koli hene.’ Na ɛhe yeɛ wahyɛ wɔ somvoɛ nguraen bɔ ɔmaa ɔbɔ sɔ mbaeɛ he kyire wɔ ye.


Ɔsɔfo Sadoke ne ngɔmhyɛlɛniɛ Natan bapopa ye ngoo bafa ye basi hene wɔ mbombonzue Gihon nwo; na bele ahurusi bafi berɛ basa bawa kuro bama kuro ne anye abutu. Ye nwo esebɔlɛ yeɛ ɛte ye.


Nakoso ɔsɔfo Sadoke, Yehoada awa Benaya, ngɔmhyɛlɛniɛ Natan, bɛ ne Simei, Reyi, yeɛ Dawide koɛhonɛfoɛ ahoneserɛfoɛ nemɔ de, bangyina Adoniya si.


Sɛ ekotie bɔ mahyɛ wɔ ne amukoraa, ɛkɔnate m’atee so, ɛkɔyɔ bɔ ɔtengyɛ wɔ me nye so, ná ekoli m’ahyɛdeɛ ne me mmeraa dwirɛ so, kyɛbɔ me somvoɛ Dawide lili so ne a, ye de ngogyina wɔ si. Na ngɔma wɔ boso ama koli bia ne afebɔɔ kyɛbɔ nyɔ mane Dawide ne, na ngɔmaa ekoli Yisrael so hene.


Nana Solomon fale Yehoada awa Benaya sili Yoabo gya nu maa ɔlale koɛhonɛfoɛ nemɔ anoa, na Solomon fale ɔsɔfo Sadoke sili Abiata gya nu.


Na sɔ kyẽa ne, bele anigye bedidili bɛnone wɔ AWURADE nyunu. Bɛpopale Dawide awa Solomon ngoo besili ye hene bieku. Bɛpopale ye ngoo wɔ AWURADE nyunu bɛfale ye betuale bɛ noa, yeɛ Sadoke koso bɛpopale ye ngoo maa ɔyɛle bɛ sɔfo.


Odi ngonim piri paa ma ye hene ne, ɔye ɔdɔ bɔ onni ngasi ɔ ali kyire sona bɔ wapopa ye ngoo ne, ɔye ye ali kyire Dawide ne ye boso ama afebɔɔ.


Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,


Na ɔnate kyɛ mmrasua bɔ bede aworɛ ne besuro Nyameɛ ne ati, ɔmaa bɛ koso bɛbɔle taen.


Ngɔma mmoaenneafoɛ ko kɔnea bɛ so. Ye ole me somvoɛ Dawide. Ɔkɔma bɛ aleɛ, ɔkɔma bɛ aleɛ ná wayɛ bɛ so mmoaenneafoɛ.


Na ɛhe kɔyɛ daa sɔfolilɛ nwo apam kɔma ye ne ye boso ama, ofikyɛ wagyina ye gya nu pindinn wama ye Nyameɛ, na wapata wama Yisraelfoɛ.”


Ɛhe ati, né ohia kyɛ ɔyɛ kyɛ oliɛma nemɔ wɔ atee biala so, amaa wahora wayɛ sɔfo panyi paa bɔ odi nahorɛ, bɔ ɔse anwumvoin wɔ Nyameɛ dwumadie nu, ná wafa ye nwo wayɛ mbata wama adasa bɔne.


Na befili berɛ beedwuli Gibea nen, ngɔmhyɛlɛfoɛ kure wale beeyiale ye, na Nyameɛ sunzum wale ye so, na ɔhyɛle ye bo ɔne bɛ bɔle nu hyɛle ngɔm.


Sɔɔlo kakyili ye nwo kyɛ ofi Samuel nwo berɛ kɔ ne, Nyameɛ sesane Sɔɔlo maa ɔyɛle sona foforɛ; na sɔ nzɛngyerɛnneɛ ne amukoraa wale nu sɔ kyẽa ne ala.


Ngyi ɛmɔ nyunu wa. Ɛ́mɔli me nwo adanzeɛ wɔ AWURADE nyunu, ɔne ye sona bɔ wapopa ye ngoo ne nyunu. Nwa nandwie yeɛ male ɔ? Nwa afunum yeɛ male ɔ? Anaakyɛ nwa yeɛ mali ye ndurum ɔ? Nwa yeɛ mahyɛ ye so ɔ? Nwa yeɛ male fea-ase-ma mafi ye berɛ, bɔ ɔnate so mabu me nye magua ndɛen turoloo so ɔ? Ɛ́mɔhã, na ngɔfa bie ngosi ye gya nu ngɔma ɛmɔ.”


Afei Samuel fale ɛpopalɛ ngoo towaa ne, na ohwiele ngoo ne guale Dawide ti so wɔ oliɛma nemɔ anyunu berɛ. Na ofi sɔ kyẽa ne bɔ ɔkɔ ne, AWURADE Sunzum kanyane Dawide paa. Afei Samuel sili nu hɔle Rama.


Na wɔ bosoniɛ biala bɔ ɔkɔha ne, ɔkɔhɔ ɔsɔfo ne berɛ kɔɔkoto kɔsrɛ ye sikaa ne aleɛ, na ɔkɔha kyɛ, Mesrɛ wɔ ala, fa ɔsɔfo adwuma ne ko maa nyɔ, ná nya aleɛ kãa nni.’ ”


Mesrɛ wɔ ala, fa w’afaneɛ mvomsoɛ kyɛ ye. AWURADE kɔma me mene ne ye boso ama bekoli hene afebɔɔ amba, ofikyɛ AWURADE koɛ yeɛ me mene ɔko ɔ. Na edwirɛ tɛɛ biala ngɔto wɔ wɔ mmerɛ biala bɔ ɛte ase ɔ.


Né abɛɛmaa Samuel wura Eli ndeteyɛɛ bo yeɛ ɔso AWURADE ɔ. Sɔ mmerɛ ne, né AWURADE dwirɛ nwo yɛ nna paa; yeɛ né mmenia koso bɛndaa bennwu nyekyire.


Yiti Samuel fale boaen ba bɔ otua nyɔfone noa bɔle afɔleɛ mumua yeralɛ mane AWURADE. Afei Samuel sũ frɛle AWURADE mane Yisrael, na AWURADE tiele ye mbaeɛ.


Nakoso ye mma nemɔ de, bamva ye suban, na mmom bɛmane bɛ nye borole nikye, belele fea-ase-ma, na bebuale ndɛengyea.


Bebuale kyɛ, “Yoo, ɔwɔ berɛ, oli wɔ nyunu moa. Ma wɔ nwo yɛ nyera, na bekye ala yeɛ waadwu kuro wa ɔ, ofikyɛ maen ne baabɔ afɔleɛ ɛnɛ wɔ asɔneyɛɛ so berɛ.


Sɛ ɛmɔdwu kuro ne aso ala a, ɛmɔkonwu ye koraka né wafo wahɔ asɔneyɛɛ so berɛ waadidi. Sɛ ɔwwale a, mmenia nnidi, ofikyɛ ye yeɛ odi kyɛ oyira afɔleɛ ne aso koraka ɔ. Na ɛhe asi ne, mmenia bɔ bato bɛ sa bafrɛ bɛ ne, bedidi. Yiti ɛ́mɔfo bɛhɔ, na ɔngɔhyɛ biala ɛmɔkonwu ye.”


Lean sinn:

Sanasan


Sanasan