1 Samuel 2:30 - AHYERƐLƐ KRONGRON

³⁰ Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.

1 Samuel 2:30 Iomraidhean Croise

1 Ahemvo 11:11

Yiti AWURADE sele Solomon kyɛ, “Ɔnate kyɛ sɔa yeɛ ayɛ w’adwene ná anni m’apam ne m’ahyɛdeɛ bɔ mahyɛ wɔ ne aso ne ati, ngole ahennie ne ngofi wɔ sa nu amba, ná mafa mama wɔ somvoɛ.

1 Ahemvo 2:27

Yiti Solomon lele AWURADE sɔfolilɛ adwuma ne fili Abiata sa nu. Na edwirɛ bɔ AWURADE hane ye wɔ Silo fale Eli boso ama nwo ne, ɛhe maa ɔwale nu.

1 Aberɛso Dwirɛ 17:18

Animnyam bɔ ahyɛ me, wɔ somvoɛ Dawide ye, nzikyɛ dwirɛ bieku koraa yeɛ nga ngyire wɔ ɔ? Wɔ yeɛ ɛse wɔ somvoɛ ɔ.

2 Aberɛso Dwirɛ 15:2

Ɔhɔ ooyiale Asa, na osele ye kyɛ, “Asa ne Yuda maen amukoraa ne Benyamin maen amukoraa, ɛ́mɔtie! Ɛmɔso AWURADE ye de, AWURADE gyi ɛmɔ si. Sɛ ɛmɔpena ye si atee a, ɛmɔkonwu ye. Nakoso sɛ ɛmɔpo ye a, ye koso ɔkɔpo ɛmɔ.

2 Aberɛso Dwirɛ 26:18

Bɛhã besili Nana Yusia nyunu kyɛ, “Nana, nna wɔ yeɛ odi kyɛ ɛyera ɛyɛɛ ma AWURADE ɔ, na mmom Aarɔn boso ama asɔfo nemɔ bɔ bɛ yeɛ batu bɛ basie berɛ kyɛ bɛbɔ afɔleɛ ne, bɛ yeɛ odi kyɛ bɛyɔ sɔ ɔ. Fi nekaa krongron berɛ fite, ofikyɛ ayɔ bɔne, na ɛhe ngɔma engonya animnyam wɔ AWURADE Nyameɛ nyunu.”

Edwein 18:20

AWURADE neane kyɛbɔ mesi metengyɛ ɔ so mane me ye nwo akatuaa; ogyinane kyɛbɔ me bra si te sannwuu ɔ so mane me ye nwo akatuaa.

Edwein 18:26

Bɔ ye nwo te ne, wɔ wora ɛmaa onwu kyɛ wɔ nwo te, nakoso sona bɔ ɔte kanda de, ɛmaa onwu kyɛ ɛse nworɛ tra ye.

Edwein 50:23

Sona bɔ ɔfa asennaa ɔbɔ afɔleɛ ma me ne, ɔhyɛ me animnyam; sona bɔ ye atee tengyɛ ne, ngɔmaa okonwu Nyameɛ ngoalelɛ ne.”

Edwein 73:20

Sɛ sona da dwɔso a, bɛte kyɛ laleɛ bie, yeɛ wɔ AWURADE koso, sɛ ɛkekã wɔ nwo a, ebu bɛ kyɛ laleɛ bie.

Edwein 91:14

Ɔnate kyɛ wafa ye nwo wabata me ne ati, ngɔpepɛ ngole ye. Ɔnate kyɛ ɔse me dumaa ne ati, ngɔpagya ye.

Edwein 91:15

Sɛ osũ frɛ me a, ngotie ye sufrɛ. Ngogyina ye si wɔ ye amaneɛnwunɛ nu; ngɔpepɛ ngole ye, ná mahyɛ ye animnyam.

Ɛksadɔso 28:43

Na mmerɛ biala, sɛ Aarɔn ne ye mma mmienzua mɔ bɛ́kɔ ɛtena sua atenaleɛ nu berɛ, anaakyɛ sɛ bépingye afɔleɛ bokyea ne nwo bɛkɔso wɔ nekaa krongron ne anu a, ɔsɛ kyɛ bɛfa bewura; ná bamvrɛfrɛ musue bamma bɛ nwo, ná banwu. Na ɛhe kɔyɛ ahyɛdeɛ afebɔɔ kɔma Aarɔn ne ye bosofoɛ bɔ bɛkɔwa ɔ.

Ɛksadɔso 29:9

Fa abɔsoɛ bobɔ Aarɔn ne ye mma mmienzua nemɔ nu, ná fa kyerɛ wurawura bɛ. Na ɔnate ahyɛdeɛ afebɔɔ so, ɔsɔfolilɛ kɔyɛ b’adwuma. Sɔ yeɛ hyɛ Aarɔn ne ye mma mmienzua mɔ sɔfo ɔ.

Anyandera 12:8

Begyina sona ye nworɛ so yeɛ bɛkamvo ye ɔ, nakoso bɔ adwene nne ye ti anu de, bebu ye animtia.

Anyandera 4:8

Nwu ye kyɛ odi mu, na ɔkɔpagya wɔ; na sɛ ɛtɔ ye nu ɛyɛ ye atuu a, ɔkɔhyɛ wɔ animnyam.

Anyandera 8:17

Bɛ bɔ bekuro me dwirɛ ne, mekuro bɛ dwirɛ, na bɛ bɔ bɛ nye boro bɛpena me ne, benwu me.

Yesaya 29:13

Na AWURADE sele kyɛ, “Maen he, bɛfa bɛ noa mbaen yeɛ bɛtwe bepingye me ɔ, bɛ noa mbaen yeɛ bɛfa bedi me ni ɔ, nakoso b’ahone nu de, bembingye me koraa, na esurolɛ bɔ besuro me ne, ɔte kuro sona ahyɛdeɛ bɔ basua ye mbaen ɔ;

Yeremia 29:32

yiti AWURADE nwa nyoo: Tie, ngɔhwe Nehelamniɛ Semaya ne ye bosofoɛ bɛ so. Ongonya ye nwoniɛ bɔ ɔkɔtena maen he anu, bɔ okonwu nikye paa bɔ mebaayɔ mema me maen ɔ, AWURADE noa dwirɛ ɛne; ofikyɛ wahã ɛlɔenyɛlɛ dwirɛ watia AWURADE.’ ”

Yeremia 49:15

Ofikyɛ tie, ngɔmaa ɛkɔyɛ kãa wɔ maen maen mɔ nu bɔ bebu wɔ animtia wɔ mmenia nu ɔ.

Hesekiel 34:10

AWURADE Nyameɛ nwa nyoo: Tie, meko metia mmoaenneafoɛ nemɔ; ngobisa me mmoaen nemɔ ngofi bɛ berɛ; ngɔmaa bɛkɔyakyi mmoaen nemɔ so nealɛ, maa ɔnate so mmoaenneafoɛ nemɔ bɛngɔnea bɛ bɔbɔ bɛ nwo so ko. Na ngofoti me mmoaen nemɔ ngofi bɛ noa nu, amaa ɔnate so bangakyi bɛ noa aleɛ ko.

Daniel 4:34

“Na mmerɛ ne sone ne, me Nebukadenesa, ndole me ti anwuro nneane nyameɛso, m’adwene sa yɛle paa, na ngamvole Anwuro Anwuroniɛ ne, na nyele ye bɔ ɔte ase afebɔɔ ne ayɛ mvale anidie mane ye, ofikyɛ ye tumi ne te afebɔɔ tumi, na ye ahennie wɔ berɛ ma aworɛ ndoatoasoɛ amukoraa;

Malaki 1:6

Baa di ɔse ni, yeɛ akoaa di ye mene ni. Na sɛ nde Seɛ de a, né nzaade m’anidie wɔ nisua? Na sɛ nde meneɛ de a, né nzaade esurolɛ bɔ besuro me ne ɔwɔ nisua? Ɛmɔ, asɔfo mɔ bɔ ɛmɔbu me dumaa animtia ɔ, bɔ Asafo AWURADE ose ɛmɔ hɔ ɛne. Nakoso ɛmɔbisa kyɛ, ‘Atee beni aso yeɛ yabu wɔ dumaa animtia ɔ?’

Malaki 2:3

Tie, ngohwi ɛmɔ bosofoɛ bɛ nyunu, na ngɔfa bondua ngɔpete ɛmɔ nyunu, ɛmɔ aluolue ngaka bondua ne, na bekogyi ɛmɔ ne bondua ne bekogua.

Numeri 11:20

na mmom ɛmɔkoli ye bosome ko mumua, kɔpem kyɛ ɔkɔfa ɛmɔ bonyi anu, ná wabɔ ɛmɔ ɔ, ofikyɛ ɛmɔapo AWURADE bɔ ɔne ɛmɔ te ne, na ɛmɔabɔ awuye wɔ ye nyunu kyɛ, ‘Nzu ati po yeɛ yɛtu yɛfili Misraim ye?’ ”

Numeri 35:34

Nnɛfa efiɛ ka aseɛ bɔ ɛte so, bɔ me koso nde so bie ne. Ofikyɛ me AWURADE, nde Yisraelfoɛ nu.”

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Yohane 5:23

kyɛ mmenia amukoraa beli Baa ne ni, kyɛbɔ bedi Baba ne ni nen. Na ebiala bɔ onni Baa ne ni nen, onni Baba ne bɔ ɔsomane ye ne koso ni.

Yohane 5:44

Ɔkɔyɛ sɛ né ɛmɔale bali, ɛmɔ bɔ ɛmɔhyehyɛ ɛmɔ nwo ɛmɔ nwo animnyam, bɔ ɛmɔmbena animnyam bɔ ofi Nyameɛ komapɛ ne berɛ ɔ?

Yohane 8:49

Na Yesu buale kyɛ, “Me de, nnne sunzummɔne; na mmom medi me Baba ni, na ɛmɔ de, ɛmɔnni me ni.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

1 Petro 1:7

amaa ɔnate so ɛmɔ gyidie ne—bɔ ye nyɔboɛ yɛ se tra sikaa kɔkorɛ, bɔ ɔwɔ nu kyɛ beso bɛnea wɔ see nu po, nakoso ɔsɛkye ne—wakakyi ayɛyelɛ, anidie ne animnyam wɔ Yesu Kristo nwo aliyelɛ ne anu.

Maenbulɛfoɛ 9:10

Yeɛ mmakaa nemɔ sele borɔdoma kyɛ, ‘Bra na baali yɛ so hene.’