1 Samuel 2:3 - AHYERƐLƐ KRONGRON

³ Nnɛma ɛmɔka nduhoɛ dwirɛ mbiri mbiri ko, nnɛmɔma anwomasoɛ dwirɛ fi ɛmɔ noa nu ba; ofikyɛ AWURADE te Nyameɛ bɔ onwu nikyee biala ɔ, na ye yeɛ obua ebiala yɔleɛ nwo ndɛen ɔ.

1 Samuel 2:3 Iomraidhean Croise

1 Ahemvo 8:39

ye de tie bɛ sufrɛ wɔ nyameɛso, nekaa bɔ ɛte ne, ná fa bɛ bɔne kyɛ bɛ. Wɔ ngome yeɛ ɛse sona biala ye ti anu dwirɛ ɔ. Yɔ ma ebiala kyɛbɔ ɔfata ye ɔ, ofikyɛ ɛse kuro sona biala ti anu dwirɛ,

YOB NWOMAA NE 31:6

nzaade Nyameɛ, kari me wɔ tonyi bɔ ɔka nahorɛ turoloo ɔ so, na ekonwu me nahorɛlilɛ ne.

Edwein 147:5

Y’AWURADE te piri, na ye tumi te piri, ye nimdeɛ ne, sona nze ye ti ne ye bo.

Edwein 17:10

Bennwu sona anwumvoin koraa, na bɛfa bɛ noa bɛkekã anwomasoɛ dwirɛ.

Edwein 31:18

Ma ngondombofoɛ bɛtɔ mumu, bɛ bɔ bɛfa anwomasoɛ ne dwɛɛ bɛkekã edwirɛ tɛɛ betia teneneefoɛ ne.

Edwein 44:21

aso ahaa Nyameɛ ongonwu ye anaa? Ofikyɛ ye yeɛ ɔse sona ti anu mvealeɛ dwirɛ ɔ.

Edwein 75:5

nnɛfa wɔ tumi hoahoa wɔ nwo koraa, yeɛ nnɛdwudwo ahandaen so.”

Edwein 94:4

Bɛkekã b’anwomasoɛ dwirɛ nemɔ, bɔnefoɛ amukoraa bɛkekã ahandaen dwirɛ.

Anyandera 16:2

Kuro sona bra amukoraa tengyɛ wɔ ye bɔbɔ ye nye so, nakoso AWURADE yeɛ ɔkari sona ti anu dwirɛ nea ɔ.

Anyandera 24:12

ná sɛ ɛkã kyɛ, “Tie, né yɛnze” a, Nyameɛ bɔ ɔse sona ti anu dwirɛ ne, aso onnwuni wɔ anaa? Ye bɔ ɔnea wɔ kra so ne, aso ɔnze anaa? Aso ongotua ebiala kerɛ kyɛbɔ ye yɔleɛ te anaa?

Anyandera 8:13

Esuro AWURADE a, né ekyi bɔne: mekyi anwomasoɛ ne ahandaen, bɔne yɔleɛ ne ngondombopɛlɛ.

Yesaya 26:7

Teneneeniɛ atee tengyɛ, ɛma teneneeniɛ atimbire da so yɔɔ.

Yesaya 37:23

“ ‘Nwa yeɛ agoro ye nwo ná abɔ ye alapaa ne? Nwa yeɛ adwudwo atia ye, bɔ ama wɔ nye atra wɔ ndo nwiaa wɔ ye so e? Yisrael Krongronniɛ ne yeɛ ayɔ sɔ atia ye ɔ!

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Hesekiel 35:13

Ɛmɔfale ɛmɔ noa bɛkekane anwomasoɛ dwirɛ betiale me, ɛmɔkekane edwirɛ pee betiale me, na ndele.

Daniel 4:37

Na afei de, me Nebukadenesa, mefa ayɛyelɛ, ɛkamvolɛ ne anidie mema nyameɛso Hene ne, ofikyɛ bɔ ɔyɔ amukoraa te turoloo, na ye atee tengyɛ, na bɛ bɔ bɛbɔ anwomasoɛ bra ne, ɔkora brɛ bɛ ase.

Daniel 5:27

TEKEL, wahari wɔ wɔ tonyi so, na wanwu kyɛ ɛndwe;

Malaki 3:13

“Ɛmɔkekã edwirɛ yeayea betia me, AWURADE noa dwirɛ ɛne. Nakoso ɛmɔbisa kyɛ, ‘Nzikyɛ dwirɛ yealɛ yeɛ yahã yatia wɔ ɔ?’

Hebrifoɛ 4:12

Ɔnate kyɛ Nyameɛ dwirɛ ne te ase na anwoserɛ wɔ nu, na ɔyɛ nna tra sɛpɔ biala. Ɔpɛ tonn kɔworo ɛkra ne sunzum b’afia, sona aporɛ so ne ye bowue nu fonyi b’afia, na ɔpɛnzɛpɛnze ahone ne adwene nu nzusuleɛ mukoraa nu.

Yosua 22:22

“AWURADE, ɔte Ɛdangama Nyameɛ! AWURADE, ɔte Ɛdangama Nyameɛ! Ye yeɛ odi yɛ adanzeɛ ɔ, na yɛpena kyɛ Yisrael koso te ye bo. Sɛ yayɛ AWURADE nwo lɔen, anaakyɛ yanni nahorɛ yamma ye a, ye de ɛmɔhu yɛ ɛnɛ.

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

Maenbulɛfoɛ 9:38

Yeɛ Sebul bisale ye kyɛ, “Wɔ noa nu dwirɛ mbiri ne, afei de ayakyi ye hanɛ? Ná wɔ yeɛ ɛhane kyɛ, ‘Abimɛlɛke te nzu bɔ odi kyɛ yɛso ye ɔ’ ne?” Koɛhonɛfoɛ bɔ ɛgorole bɛ nwo ne, bɛ ɛhe. Afei kɔ na ɛne bɛ bɛɛho.”

1 Samuel 16:7

Nakoso AWURADE sele ye kyɛ, “Nnɛnea kyɛbɔ osi te ɔ anaa ye tendenn, ofikyɛ nna ye yeɛ mekuro ɔ. Na kyɛbɔ sona si nwu nikyee ne, nna sɔ yeɛ AWURADE nwu ye ɔ. Bɛ nye so nikye yeɛ sona nea ɔ, nakoso AWURADE de, ɔnea b’ahone nu.”