1 Samuel 2:29 - AHYERƐLƐ KRONGRON

²⁹ M’afɔleɛ ne m’afɔleɛ nningyein bɔ mahyɛ kyɛ bɛbɔ ye wɔ m’atenaleɛ ne anu ne, nzu ati yeɛ ɛmɔbu ye animtia ɔ. Nzu ati yeɛ ebu wɔ mma mɔ tra me ɔ, bɔ ɛmɔfẽ me maen Yisrael b’afɔleɛ ne anu paa bedi bɛdɔ ɔ?’

1 Samuel 2:29 Iomraidhean Croise

2 Ahemvo 12:6

Nakoso Yehoase lili hene ne, ye afoɛ aburanyɔ ne nza ne anu, né asɔfo nemɔ bennya bɛyyɔle awuro ne nekaa biala yé.

Edwein 26:8

Ao AWURADE, awuro bɔ ɛte nu ne, ɔla m’ahone nwo, nekaa bɔ w’animnyam te ne.

Hesekiel 13:19

Ɔnate ayuo bɛ sa bum kãa bie, ɔne paanoo bue kãa bie ti, ɛmɔagua me nwo fiɛ wɔ me maen nyunu. Ɛmɔlakalaka me maen bɔ okuro nnakannaka tielɛ, na ɔnate so ɛmɔku mmenia bɔ bɛmvata ewue, yeɛ ɛmɔyakyi bɛ bɔ bɛfata ewue ɔ.

Hesekiel 34:10

AWURADE Nyameɛ nwa nyoo: Tie, meko metia mmoaenneafoɛ nemɔ; ngobisa me mmoaen nemɔ ngofi bɛ berɛ; ngɔmaa bɛkɔyakyi mmoaen nemɔ so nealɛ, maa ɔnate so mmoaenneafoɛ nemɔ bɛngɔnea bɛ bɔbɔ bɛ nwo so ko. Na ngofoti me mmoaen nemɔ ngofi bɛ noa nu, amaa ɔnate so bangakyi bɛ noa aleɛ ko.

Hesekiel 34:2

Sona awa, hyɛ ngɔm tia Yisrael mmoaenneafoɛ nemɔ. Hyɛ ngɔm ná se mmoaenneafoɛ nemɔ kyɛ, ‘AWURADE Nyameɛ nwa nyoo: Ɛmɔ yaakɔ! Yisraelfoɛ mmoaenneafoɛ bɔ ɛmɔ bɔbɔ ɛmɔ nwo yeɛ ɛmɔnea so ɔ! Aso nna mmoaen nemɔ so yeɛ odi kyɛ mmoaenneafoɛ bɛnea ɔ?

Hosea 4:8

Me maen, bɔne yeɛ ɔte b’aleɛ ɔ, na b’amumuyɛɛ yeɛ wali bɛ ti ɔ.

Lewitikɔso 19:15

“Nnɛma ɛmɔbua ndɛengyea. Nnɛkã kyɛ ebie te ehianiɛ yiti ebua ye be, yeɛ nnɛkã kyɛ ebie te sona titire yiti ɛkɔ so tu ye dwirɛ hyɛ kyẽa, na mmom bua ebiɛngo ndɛen turoloo.

Mika 3:5

Ngɔmhyɛlɛfoɛ bɔ bɛma me maen di makyebu, bɔ ɛma bɛ aleɛ maa bedi a bɛkekã kyɛ, “Asomdwee oo, asomdwee oo”, nakoso sɛ ebie amma bɛ aleɛ maa banni a, bɛfa koɛ bɛtoa ye ne, bɔ AWURADE kã fa bɛ nwo ɛne.

Mateo 10:37

“Na ebiala bɔ okuro ɔse anaa oni dwirɛ tra me ne, ɔmvata me; yeɛ bɔ okuro ɔwa bienzua anaa ɔwa brasua dwirɛ tra me ne, ɔmvata me.

Mateo 22:16

Na bɛsomane b’asuafoɛ mɔ ne Herodefoɛ maa bɛwale ye berɛ beebisale ye kyɛ, “Kyerɛkyerɛniɛ, yɛse kyɛ ɛte nahorɛniɛ, na ekyirekyire Nyameɛ atee ne turoloo, ɛnyɛ nyeyemuɛ; ofikyɛ ɛmva wɔ nye ndo mmenia bɛ dibea.

Luka 14:26

“Sɛ ebie ba me berɛ, ná ɔmbɔ ɔse ne oni, ɔye ne ye mma, oliɛma mmienzua ne oliɛma mmrasua, ɔne ye bɔbɔ ye ngoa a, ngɔhora ngɔyɛ me suaniɛ.

Romanfoɛ 16:18

Ofikyɛ sɔ mmenia nemɔ bɛnzo y’Awurade Kristo, na mmom bɛso bɛ bɔbɔ bɛ ko. Na bɛfa bɛ noa dwirɛ fɛɛ ne anoanubobɔlɛ bɛlakalaka mmenia bɔ b’adwene te nganga ɔ.

2 Korintofoɛ 5:16

Yiti ofi ɛnɛ bɔ ɔkɔ ɔ, yɛmva dasaniɛ adwene yɛnzusu kyɛbɔ sona si te ɔ, na sɛ sɔ yeɛ daa ne yɛfa yɛsusuli Yesu a, ɛnɛ de yɛnyɔ ye sɔ ko.

Deuteronomi 32:15

“Yakob didili mane ye ko yili, Yesurun yɛle branoa, na ɔyɛle lɔen. Ɛyɛle twɔtwɔfee, ɛyɛle piri bɔ ɛpakye ɔ. Afei ɔyakyili Nyameɛ bɔ ɔbɔle ye ne si lilɛ, na ɔpole Nyɔbotaen bɔ ɔte ye ngoalelɛ ne.

Deuteronomi 33:9

Ye bɔ ɔhane edwirɛ fale ɔse ne oni nwo kyɛ, ‘Memva bɛ menyɛ huu’; obuli ye nye guale oliɛma mɔ so, na ɔpole ye mma mɔ. Ofikyɛ Lewifoɛ lele wɔ dwirɛ bɛtole nu, na belili w’apam ne aso.

Yakobo 3:17

Nakoso nworɛ bɔ ofi anwuro ne de, bɔ oli moa ɔ, ye nwo te, okuro asomdwee, ye nwo dwo, ye so yɛ mmerɛ, anwumvoinnwunɛ ne bra paa ayi ye tɛkyɛ, na nyeyemuɛ anaa nyaatwom nne nu.

Yosua 18:1

Yisraelfoɛ lili aseɛ ne aso ngonim yiele nen, bɛ mukoraa bɛbɔle dwaa wɔ Silo, na besili ɛtena sua atenaleɛ ne wɔ berɛ.

1 Samuel 3:13

Mahã mahyire ye kyɛ mebaatua ye abusua so kerɛ afebɔɔ, ɔnate amumuyɛɛ bɔ ɔse ne ati; ofikyɛ ye mma nemɔ yɔle nningyein bɔ ɔte akyiwadeɛ wɔ AWURADE nyunu ne, wanyɔ bɛ huu.