1 Samuel 2:25 - AHYERƐLƐ KRONGRON

²⁵ Sɛ ebie yɔ bɔne tia obiɛngo a, ebie kɔpa kyerɛ kɔma ye wɔ Nyameɛ nyunu, nakoso sɛ ebie yɔ bɔne tia Nyameɛ a, nwa yeɛ ɔkɔpa kyerɛ kɔma ye ɔ?” Nakoso bandie bɛ se dwirɛ, ofikyɛ né AWURADE ayɛ kyɛ okohu bɛ.

1 Samuel 2:25 Iomraidhean Croise

Gyenesise 38:10

Na AWURADE anguro bɔ Onan yɔle ne, yiti ohuni ye koso.

Gyenesise 38:7

Nakoso Ɛre, bɔ ɔte Yuda bamuɛbaa ne yɔle AWURADE nyunu amumuyɛɛ, na AWURADE huni ye.

1 Ahemvo 8:31

“Sɛ ebie yɔ obiɛngo bɔne, ná bɛkã kyɛ ɔta ndaen a, sɛ ɔba w’afɔleɛ bokyea ne anyunu wɔ sua ye anu ɔbata ndaen a,

1 Ahemvo 8:32

ye de tie ye wɔ nyameɛso dɔ ná di dwirɛ ne. Bua wɔ ngoaa mɔ ndɛen. Bua bɔ wayɔ mvomsoɛ ne foɛ, ná ma ye musue ɔbɔ ye bɔbɔ ye ti so. Nakoso bɔ ɔtengyɛ ne, ɔnate kyɛ ye ndɛen yɛ fɛ ne ati, bua ye be.

2 Aberɛso Dwirɛ 10:15

Yiti Nana Rehoboam wanne maen ne dwirɛ ne wando nu, ofikyɛ nningyein bɔ né ɔkɔ so ne, né ofi Nyameɛ, amaa ɔnate so, AWURADE dwirɛ bɔ ɔnate Silonniɛ Ahiya so hã hyirele Nebate awa Yeroboam ne, wawa nu.

2 Aberɛso Dwirɛ 25:16

Nakoso ngɔmhyɛlɛniɛ ne noa wɔ so bɔ odwudwo ne, Nana Amasia sele ye kyɛ, “Nwa yeɛ ɔyɛle wɔ Nana ye tufohene ɔ? Ka wɔ noa to nu. Wanyɛ sɔ a, ngohũ wɔ.” Yiti ngɔmhyɛlɛniɛ ne yakyili ngɔm ne hyɛlɛ, nakoso osele kyɛ, “Me de mese kyɛ Nyameɛ pena kyɛ oku wɔ ɔ, ɔnate bɔ ayɔ ɔ, ɔne kyɛ andie me foɛtulɛ ne ati.”

YOB NWOMAA NE 9:33

Ndɛenbualɛniɛ biala nne berɛ bɔ ogyi yɛ afia, bɔ okoli yɛ munyɔ yɛ afia dwirɛ ɔ.

Edwein 51:16

Ofikyɛ nna afɔleɛ yeɛ wɔ nye gye ye nwo ɔ. Sɛ mebɔ naen yeralɛ afɔleɛ a, wɔ nye ngɔgye ye nwo.

Edwein 51:4

Wɔ ngome, wɔ ngome twe, yeɛ mayɔ bɔne matia wɔ ɔ, na mayɔ bɔ ɔte bɔne wɔ wɔ nyunu ɔ. Yiti sɛ ebua me fɔ a, ɔte turoloo, na sɛ ebua me ndɛen a, edi be.

Anyandera 13:1

Baa nworɛniɛ tie ye baba dwirɛ, nakoso ngorohoɛniɛ de, etwi ye nyunu a ogua ye so asi.

Anyandera 15:10

Sona bɔ odi atee ne anwo makyebu ne, asohwenɛ piri la berɛ ma ye, yeɛ bɔ okyi bɛ nyunu hanɛ ne wora, okowu.

Anyandera 29:1

Sona bɔ bɛtaa betwi ye nyunu a ogua ye so asi ne, musue bɔ ɔkɔto ye mvum nu ne, ongonya ye sɔbea.

Nworɛ Dwirɛhanɛniɛ 3:3

ehunɛ le ye mmerɛ, yeɛ anwonyerɛsalɛ le ye mmerɛ; nikyee sɛkyelɛ le ye mmerɛ, yeɛ ye siesielɛ le ye mmerɛ;

Numeri 15:30

Nakoso ebiala bɔ ye nye la ye nwo ná ɔkɔyɔ bɔne ne, kyɛ ɔte maen baa oo, anaa ɛwɔfoɛ oo, wabu AWURADE animtia, na odi kyɛ bɛpɛ ye asue befi ye mmenia nu.

Deuteronomi 1:17

Nnɛma ɛmɔbua ndɛengyea, na mmom ɛ́mɔyɛ asoɛ bétie kwahweabaa mɔ dwirɛ kyɛbɔ ɛmɔtie atitirefoɛ ne ala. Nnɛma ɛmɔsuro sona nyunu, ofikyɛ ndɛenbualɛ ne te Nyameɛ deɛ. Na edwirɛ biala bɔ ɔbo ɛmɔ so ne, ɛ́mɔfa bɛbra me gya so, na ngoli.’

Deuteronomi 2:30

Nakoso Hesebon hene Sihon wambene kyɛ yɛkɔfa ye aseɛ aso ɔ, ofikyɛ AWURADE wɔ Nyameɛ mane ye so yɛle se, maa obubuli mmakaa tuale ye so, amaa ɔnate so wafa ye wawura wɔ sa, kyɛbɔ kekesaala ye wayɔ ye.

1 Timoteo 2:5

Ofikyɛ Nyameɛ te komapɛ twe, na Nyameɛ ne adasa mmaa b’afia ndamgyinaniɛ te komapɛ, bɔ ye ole Kristo Yesu;

Hebrifoɛ 10:26

Na sɛ yɛnya yɛnya nahorɛ ne nwo nimdeɛ, na ye si ye yɛ nye la ye nwo yɛkɔ so yɛyɔ bɔne de a, ye de bɔnefakyɛ afɔleɛ biala nne berɛ ko;

Hebrifoɛ 10:27

na mmom bɔ waha ala ole kyɛ yɛkɔnwondɛ ndɛenbualɛ bɔ ɔyɛ suro ne, ɔne see bɔ ɔbaayera Nyameɛ pɔfoɛ mɔ ne.

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.

Yosua 11:20

Ofikyɛ AWURADE yeɛ ɔmaa bɛyɛle asoserɛ ɔ, kyɛbɔ ɔkɔyɛ bɔ bɛ ne Yisraelfoɛ bɛkɔho koɛ ɔ, amaa ɔnate so Yisraelfoɛ ahũhũ bɛ bɔkɔɔ bama bɛ boso anua, bɔ bengonwu bɛ anwumvoin ɔ, kyɛbɔ AWURADE hyɛle Mose nen.

1 Samuel 3:14

Na ɔnate sɔ ati, meta Eli abusua nwo ndaen kyɛ, kaka afɔleɛ anaa aleɛ afɔleɛ biala nne berɛ bɔ ɔkɔhora kɔpata kɔma Eli abusua amumuyɛɛ ɔ le.”