1 Samuel 2:24 - AHYERƐLƐ KRONGRON

²⁴ Daabi, me mma, ɛ́mɔyakyi! Edwirɛ bɔ AWURADE mmenia bɛkeka maa mete ne, ɔtte mayee.

1 Samuel 2:24 Iomraidhean Croise

1 Ahemvo 15:26

Ɔyɔle bɔ ɔte bɔne wɔ AWURADE nyunu ɔ. Nikyee bɔ ye baba yɔle, ɔne bɔne bɔ ɔyɔle ɔfa hwene Yisrael hɔle bɔne nu ne, ye koso ɔyɔle bie.

1 Ahemvo 15:30

Ɔyɔle sɔ, ɔnate Yeroboam bɔne bɔ ɔyɔle, ɔne bɔne bɔ ɔhwene Yisrael hɔle nu, ɔne ɛyaa bɔ owurale AWURADE Yisrael Nyameɛ apue maa ɔfɛle ne ati.

2 Ahemvo 10:31

Nakoso Yehu wanni AWURADE Yisrael Nyameɛ mmeraa ne aso nahorɛ nu. Yeɛ Yeroboam bɔne bɔ ɔyɔle, bɔ ɔnate so ɔhwehwene Yisrael hɔle bɔne nu ne, wandwe ye nwo wamvi ye nwo.

Ɛksadɔso 32:21

Na Mose sele Aarɔn kyɛ “Nzikyɛ yɔleɛ paa yeɛ mmenia hemɔ fa yɔle wɔ ɔ, bɔ yiti amaa bayɔ bɔne pirikua sɔa ye?”

Malaki 2:8

Nakoso ɛmɔali makyebu bafi atee ne aso; ɛmɔafa ɛmɔ noa dwirɛ bama mmeni pee basoti bafi mmeraa ne anwo; ɛmɔagua Lewi apam ne anwo fiɛ, Asafo AWURADE noa dwirɛ ɛne.

Mateo 18:7

Ɔnate sundiduatolɛ ti, ewiase ye yaakɔ! Ɔyɛ sɛɛ ala a sundiduatolɛ kɔwa; nakoso sona bɔ ɔnate ye so sundiduatolɛ kɔwa ne de, ye yaakɔ!

Asomafoɛ 6:3

Yiti aliɛmaa mɔ, ɛmɔye ɛmɔ nu mmienzua nzoo bɔ ebiala bu bɛ, nworɛfoɛ bɔ Sunzum Krongron ayi bɛ tɛkyɛ, na yɛfa bɛ yɛsie sɔ adwuma he noa,

2 Korintofoɛ 6:8

Bedi yɛ ni ná basa bagua yɛ nyunu ase, bɛkã yɛ nwo dwirɛ tɛɛ ná basa baye yɛ ayɛ; yɛkã nahorɛ nakoso bɛnwa yɛte nnakannaka,

1 Timoteo 3:7

Afei koso, ɔsɛ kyɛ ɔyɛ ebie bɔ mmenia bɔ bɛnne yeɛ fekue ne anu ɔ bɛbɔ ye dumaa paa ɔ, ná ye nyunu angua ase ma wandɔ abɔnzam ngaen nu.

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.

3 Yohane 1:12

Mmenia mukoraa di Demetrio nwo adanzeɛ paa, yeɛ ye yɔleɛ koso di ye nwo adanzeɛ paa. Yɛ koso yɛdi ye nwo adanzeɛ, na ɛmɔse kyɛ y’adanzeɛ ne te nahorɛ.

Nyekyire 2:20

Nakoso mebɔ wɔ kwaadu kãa, ofikyɛ ɛma braa Yesebɛl bɔ ɔfrɛ ye nwo ngɔmhyɛlɛniɛ ne ate, kyɛ ɔyɛ ngyerɛkyerɛ ná ɔlakalaka me ngoaa mɔ ma bɛbɔ adwaman ná beli bosoen so aleɛ.

1 Samuel 2:17

Yiti mmerandeɛ nemɔ bɔne yɛle piri wɔ AWURADE nyunu, ofikyɛ bamva anidie bamma AWURADE afɔleɛ nemɔ.

1 Samuel 2:22

Afei né Eli ayɛ panyi paa. Na ɔtele nikyee biala bɔ ye mma nemɔ bɛfa bɛyɔ Yisrael amukoraa ne. Osa tele kyɛ bɛ ne mmrasua bɔ bɛso wɔ ɛtena sua atenaleɛ nu anoa nu berɛ ne bɛda.

1 Samuel 2:23

Na osele ye mma nemɔ kyɛ, “Nzu ati yeɛ ɛmɔbɔ sɔ bra ye? Ɛmɔ brabɔne bɔ ɛmɔbɔ ne, mete mefi mmenia ne amukoraa berɛ.