1 Samuel 2:21 - AHYERƐLƐ KRONGRON

²¹ AWURADE lole Hana, ɔnwonzɛle, na osa wole mmienzua nza ne mmrasua nyɔ. Na akwadaa Samuel nyini wɔ AWURADE solɛ adwuma ne anu.

1 Samuel 2:21 Iomraidhean Croise

Gyenesise 21:1

AWURADE ɔɔpasale Sara nwo kyɛbɔ ɔhane ne ala, na kyɛbɔ ɔhyɛle Sara bɔ ne, sɔ ala yeɛ ɔyɔle ɔ.

Edwein 127:3

Amba, mmaa te AWURADE sa nu agyapadeɛ, na aworɛ te ye sa nu saleɛ.

Anyandera 3:4

Na ɛhe kɔmaa Nyameɛ ne mmenia bɛkɔlo wɔ, ná babɔ wɔ dumaa paa.

Luka 1:68

“Animnyam hã Awurade, Yisrael Nyameɛ ne, ɔnate kyɛ waapasa ye maen nwo, na wapɔ ye wale ye,

Luka 1:80

Na akwadaa ne nyini, na ɔyɛle se sunzum nu, na ɔtenane ɛserɛ so maa oodwuli kyẽa bɔ ɔyele ye nwo ali hyirele Yisrael ɔ.

Luka 2:40

Na akwadaa ne nyini, na ɔyɛle se sunzum nu, na onwuni nworɛ paa, na né Nyameɛ adom wɔ ye so.

Luka 2:52

Na Yesu nyini nworɛ ne nipadua nu, yeɛ onyane adom wɔ Nyameɛ ne sona nyunu.

Maenbulɛfoɛ 13:24

Braa ne wole bienzua na ɔtole ye dumaa Samson. Akwadaa ne nyini, na AWURADE yirale ye.

1 Samuel 2:26

Abɛɛmaa Samuel hɔle so nyini, na ɔsɔle AWURADE ne kuro sona nye.

1 Samuel 3:19

Na Samuel de onyi ne, AWURADE gyinane ye si, na edwirɛ biala bɔ Samuel hane ne, AWURADE maa ɔwale nu.