1 Samuel 2:20 - AHYERƐLƐ KRONGRON

²⁰ Na ɔyɛ a Eli yira Ɛlkana ne ɔye kyɛ, “Mesrɛ kyɛ AWURADE ɔfa braa he aso ma enya mmaa bɔ bekosi bɔ wafa wahyɛ AWURADE ne gya nu ɔ.” Na ɛhe asi ne, besa bɛkɔ bɛ kuro.

1 Samuel 2:20 Iomraidhean Croise

Gyenesise 14:19

Oyirale ye kyɛ, “Anwuro Anwuro Nyameɛ, bɔ ɔbɔle anwuro ne aseɛ ne, óyira Abram;

Malaki 2:15

Aso Nyameɛ wanyɔ ɛmɔ sona komapɛ bɔ ngoa sunzum wɔ ɛmɔ nu ɔ? Na nzikyɛ yeɛ ɔpena ɔ? Kyɛ ɛmɔkɔwo mmaa bɔ Nyameɛ surolɛ wɔ bɛ nu ɔ. Yiti ɛ́mɔnea ɛmɔ nwo yé wɔ ɛmɔ sunzum nwo, na nnɛma ebiala fa ye mmerandeɛ nu braa ɔfa nnakannaka atee so.

Luka 2:34

Na Simeon yirayirale bɛ, na osele oni Maria kyɛ, “Nea, akwadaa he yeɛ bafa ye basie berɛ bama mmenia pee b’asefinɛ ne bɛ dwɔsolɛ wɔ Yisrael ɔ, ɔne sɛngyerɛnneɛ bɔ mmenia bekodwudwo bekotia

Rutu 2:12

Bɔ ayɔ ye, mesrɛ kyɛ AWURADE ɔma wɔ ye nwo akatuaa. AWURADE Yisrael Nyameɛ, bɔ aabɔ wɔ nwo adwaa wɔ ye ndaa bo ne, mesrɛ kyɛ ɔma wɔ akatuaa mmorosoɛ.”

Rutu 4:11

Yeɛ mmenia bɔ né baayia pambim ne anu berɛ ne amukoraa, bɛ ne mbanyi nemɔ bebuale kyɛ, “Yɛdi adanzeɛ. Braa ye bɔ ɛkwaagya ye ba w’awuro ne, AWURADE ma ɔyɛ kyɛ Rahɛl ne Lea, bɔ bɛ munyɔ yeɛ besuli Yisrael awuro ama nen. AWURADE ma wɔ boso trɛ wɔ Efrata, ná ɛyɛ sona titire wɔ Betlehem.

1 Samuel 1:11

Na Hana hyɛle bɔ kyɛ, “O Asafo AWURADE, sɛ ahaa ɛkɔpɛ wɔ nye kɔnea w’afaneɛ aworabɔlɛ, ná ɛkɔkaye me, ná amma wɔ wora amvi w’afaneɛ, ná mmom ɛma w’afaneɛ baa bienzua a, ye de ngɔfa ye ngɔma wɔ AWURADE mmerɛ amukoraa bɔ ɔte ase ɔ; na dɛmaa biala ngɔtɔ ye ti so.”