1 Samuel 2:2 - AHYERƐLƐ KRONGRON

² Ebiala nne berɛ bɔ ɔte krongron kyɛ AWURADE ɔ, amba, ebiala nne berɛ bɔ ɔte kyɛ wɔ ɔ; Nyɔbotaen biala nne berɛ bɔ ɔte kyɛ yɛ Nyameɛ ɔ.

1 Samuel 2:2 Iomraidhean Croise

2 Samuel 22:3

me Nyameɛ, me nyɔbotaen bɔ mebɔ me nwo waen wɔ nu ɔ, m’akokyɛm ne me ngoalelɛ anwoserɛ, m’anwoserɛ afealeɛ ne me nwo adwaa, me defoɛ bɔ ode me fi basabasayɔlɛ nu ɔ.

2 Samuel 22:32

“Nwa yeɛ ɔte Nyameɛ ɔ? Sana AWURADE angome. Nwa yeɛ ɔte nyɔbotaen ɔ? Sana yɛ Nyameɛ angome.

2 Samuel 7:22

O, AWURADE Nyameɛ, ɛte piri. Edwirɛ amukoraa bɔ yate ye wɔ yɛ so anu ne, okyire kyɛ ebiala nne berɛ bɔ ɔte kyɛ wɔ ɔ, yeɛ nyameɛ biala nne berɛ kyɛ wɔ.

1 Ahemvo 8:23

Ɔhane kyɛ, “Ao, AWURADE Yisrael Nyameɛ, nyameɛso bɔ ɔwɔ anwuro, anaakyɛ aseɛ ye aso, nyameɛ biala nne berɛ bɔ ɔte kyɛ wɔ ɔ, bɔ odi apam so ná okyire ɔdɔ bɔ onni ngasi ne kyire ye ngoaa bɔ bɛye bɛ kunu fitaa bedi ye dwirɛ so ɔ.

Edwein 111:9

Ɔpepɛ lele ye maen; wahyɛ kyɛ ye apam tena berɛ afebɔɔ. Ye dumaa te Krongron, na ɔyɛ suro!

Edwein 18:2

AWURADE te me nyɔbotaen, m’anwoserɛ afealeɛ ne me defoɛ, me Nyameɛ, me nyɔbotaen bɔ mebɔ me nwo waen wɔ wɔ nu ɔ, me buralɛ ataadeɛ ne me ngoalelɛ anwoserɛ ɔne m’anwoserɛ afealeɛ.

Edwein 18:31

Nwa yeɛ ɔte Nyameɛ ɔ? Sana AWURADE angome. Nwa yeɛ ɔte nyɔbotaen ɔ? Sana yɛ Nyameɛ angome.

Edwein 71:19

Ao Nyameɛ, wɔ tenenee kodwu anwuro anwuro. Ao Nyameɛ, wɔ yeɛ ayɛ nnwumaa mbiri mbiri ɔ; nwa yeɛ ɔte kyɛ wɔ ɔ?

Edwein 71:3

Yɛ me nyɔbotaen bɔ menwati mebafea wɔ nu daa ɔ. Ayɛ nhyehyɛleɛ kyɛ ɛkɔpepɛ ekole me ngoa, ofikyɛ wɔ yeɛ ɛte me nyɔbotaen ne m’anwoserɛ afealeɛ ɔ.

Edwein 73:25

Nwa yeɛ nne ye wɔ nyameɛso ɔ, sana wɔ ala? Yeɛ membena hwee wɔ aseɛ ye aso, sana wɔ ala.

Edwein 86:8

Ao AWURADE, ebiala ne wɔ bɛnzɛ wɔ nyameɛ mɔ nu, na ebiala ngɔhora ngɔfa ye sa noa nnwumaa ngɔtoto wɔ deɛ nwo.

Edwein 89:6

Ofikyɛ nwa yeɛ ɔwɔ ewienu bɔ bɛkɔfa ye bɛkɔtoto AWURADE nwo ɔ? Nyameɛsofoɛ mɔ, nwa yeɛ ɔte kyɛ AWURADE ɔ?

Edwein 89:8

Ao AWURADE, Asafo Nyameɛ, nwa yeɛ ole anwoserɛ kyɛ wɔ ɔ, ao AWURADE? Wɔ nahorɛlilɛ apɛ wɔ nwo ayia.

Edwein 99:3

Odi kyɛ bɛye wɔ dumaa piri ne wɔ dumaa nwanwa ne ayɛ. Ɔte krongron!

Edwein 99:5

Ɛ́mɔkamvo AWURADE yɛ Nyameɛ ne, ɛ́mɔsɔne wɔ ye gya bo ndiasoɛ ne anwo, ofikyɛ ɔte krongron!

Edwein 99:9

Ɛ́mɔkamvo AWURADE yɛ Nyameɛ ne, ná ɛ́mɔsɔne wɔ ye bokaa krongron ne aso, ofikyɛ AWURADE yɛ Nyameɛ ne, ɔte krongron.

Ɛksadɔso 15:11

O AWURADE, nyameɛ foforɛ nemɔ, bɛ nu nwa yeɛ ɔne wɔ bɛte pɛ ɔ? Nwa yeɛ ye krongronyɛlɛ totohyia te kyɛ wɔ ɔ, bɔ ye nwo yɛ suro wɔ ngonim nu, ná ɔyɛ anwanwadeɛ kyɛ wɔ ɔ?

Yesaya 40:18

Nwa nwo yeɛ ɛmɔkɔfa Nyameɛ bɛkɔto ɔ, anaakyɛ nzikyɛ sue yeɛ ɛmɔkɔfa bɛkɔtoto ye nwo ɔ?

Yesaya 44:6

AWURADE, Yisrael Hene, bɔ ɔte ye Defoɛ ne, Asafo AWURADE ye noa dwirɛ ɛhe: “Me ole Ahyɛaseɛ, yeɛ me ole Ayieleɛ; nyameɛ biala nne berɛ bɔ ɔboka me so ɔ.

Yesaya 44:8

Nnɛma ɛmɔsuro, yeɛ nnɛma ɛmɔ kunu tete ɛmɔ! Aso manga mangyire ɛmɔ mammɔ ye nwo dawure fi tetetete? Na ɛmɔte m’adanzefoɛ. Aso nyameɛ bie wɔ berɛ boka me so hɔ ɔ? Nyɔbotaen biala nne berɛ; ebie nne berɛ bɔ mese ɔ.”

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 6:3

Na ebiala tea nu se obiɛngo kyɛ, “Krongron, krongron, Asafo AWURADE te krongron; ye animnyam ayi aseɛ so amukoraa tɛkyɛ.”

Yeremia 10:6

Ao AWURADE, ebiala nne berɛ bɔ ɔte kyɛ wɔ ɔ; ɛte piri, wɔ dumaa te piri, na tumi wɔ nu.

Lewitikɔso 11:44

Ofikyɛ me ole AWURADE ɛmɔ Nyameɛ; yiti ɛ́mɔte ɛmɔ anwo, ná ɛ́mɔyɛ krongron ofikyɛ nde krongron. Nnɛma ɛmɔfa kaka biala bɔ ɔtwe ye nwo ase begua ɛmɔ nwo fiɛ.

Lewitikɔso 11:45

Ofikyɛ me ole AWURADE bɔ nyele ɛmɔ mvili Misraim aseɛ so mmale ne, bɔ me yeɛ nde ɛmɔ Nyameɛ ɔ; yiti ɛ́mɔyɛ krongron, ofikyɛ nde krongron.”

Lewitikɔso 19:2

“Ka kyire Yisrael maen ne amukoraati kyɛ, Ɛ́mɔyɛ krongron ofikyɛ me AWURADE, ɛmɔ Nyameɛ, nde krongron.

Romanfoɛ 15:4

Na nikyee biala bɔ bɛhyerɛ bɛtole berɛ tetetete ne, bɛhyerɛle maa ɔyɛle ngyerɛkyerɛ mane yɛ, kyɛ yɛfa aboterɛ ne Ahyerɛlɛ ne anu aworakyekyerɛ so yɛnya anyelasoɛ.

Romanfoɛ 4:8

Sona bɔ Awurade ngɔfa ye bɔne nwo ngondaa ngogua ye so ne, wanya saleɛ.”

Deuteronomi 3:24

‘O AWURADE Nyameɛ, bekye ala po yeɛ ahyɛ ye bo bɔ ɛma w’akoaa nwu kyɛbɔ esi te piri, ɔne kyɛbɔ wɔ tumi te ɔ, na nyameɛ foforɛ beni yeɛ ɔwɔ anwuro anaa ase bɔ ɔkɔhora kɔyɔ nningyein mbiri mbiri ne anwanwadeɛ bɔ ɛyɔ ye ɔ?

Deuteronomi 32:20

Na osele kyɛ, ‘Ngɔye me nye ngofi bɛ so, ná manea kyɛbɔ b’ayieleɛ kosi koyie bɛ ɔ, ofikyɛ bɛte amumuyɛɛ aworɛ ndoatoasoɛ, mmaa bɔ nahorɛ nne bɛ nu ɔ.

Deuteronomi 32:39

“Afei de, ɛ́mɔnwu ye kyɛ ME OLE YE, na nyameɛ biala nne berɛ bɔ ɔboka me so ɔ. Me yeɛ meku, ná mesa mema ngoa ɔ; me yeɛ mepura, ná mesa mesa anwonyerɛ ɔ; na sɛ me sa sɔ ebie nu a, ebiala nne berɛ bɔ ɔkɔhora kole ye ɔ.

Deuteronomi 32:4

Nyɔbotaen ne, ye adwuma te pɛpɛɛpɛ, na ye atee mukoraa tengyɛ. Ɔte nahorɛ Nyameɛ, bɔ nnakannaka nne ye nu ɔ, ɔte pɛpɛɛpɛ, na ɔtengyɛ.

Deuteronomi 4:35

Wɔ de, ɔmaa enwuni sɔ nningyein ne, amaa ɔnate so ale ato nu kyɛ AWURADE te Nyameɛ, na nyameɛ foforɛ biala nne berɛ bɔ ɔboka ye so ɔ.

Deuteronomi 4:39

Yiti, te ye bo ɛnɛ, ná fa sie wɔ ti anu, kyɛ AWURADE te Nyameɛ bɔ ɔwɔ nyameɛso anwuro anwuro ne aseɛ so ɔ, na nyameɛ foforɛ biala nne berɛ ko.

1 Petro 1:16

Ɔnate kyɛ, bahyerɛ kyɛ, “Ɛ́mɔyɛ krongron, ofikyɛ me, nde krongron.”