1 Samuel 2:12 - AHYERƐLƐ KRONGRON

¹² Eli mma nemɔ, né bɛte busuefoɛ mmenia. Né bɛmva AWURADE bɛnyɛ huu;

1 Samuel 2:12 Iomraidhean Croise

1 Ahemvo 21:10

Ɛ́mɔma mmienzua asanzafoɛ nyɔ bɛtena ye nyunu ndendeneɛ so, ná ɛ́mɔma bɛ́bɔ ye kwaadu kyɛ, ‘Ahã musue dwirɛ atia Nyameɛ ne Nana Ahabo.’ Na afei ɛ́mɔfa ye befite bɛɛboro ye nyɔboɛ behũ ye.”

1 Ahemvo 21:13

Asanzafoɛ nyɔ nemɔ wale bɛɛtenane Nabɔto nyunu ndendeneɛ so. Na asanzafoɛ nemɔ bɔle Nabɔto kwaadu wɔ dwaa ne anu kyɛ, “Nabɔto ahã musue dwirɛ watia Nyameɛ ne Nana Ahabo.” Yiti ɛlɔen ne fale Nabɔto bɛhɔle kuro ne tiwaa bɛɛborole ye nyɔboɛ behuni ye.

Yeremia 2:8

Asɔfo nemɔ bammisa kyɛ, ‘AWURADE wɔ nisua?’ Yeɛ bɛ bɔ bekyirekyire mmeraa ne anu ne, bɛnze me; bɛ neafoɛ nemɔ, bɛyɔle bɔne betiale me; bosoen Baal yeɛ ngɔmhyɛlɛfoɛ bɛfale ye bɛhyɛle ngɔm ɔ, na belili nningyein bɔ mvasoɛ nne so ɔ si.

Yeremia 22:16

Olili ehiafoɛ ne bɛ bɔ bɛyɛ anwumvo ɔ bɛ dwirɛ mane bɛ, na oyiele ye yé. Aso ɛhe ngyire kyɛ né ɔse me? AWURADE noa dwirɛ ɛne.

Yeremia 9:3

Bɛkondo bɛ temverema kyɛ agyaen bɛpɛ anoanu; nna nahorɛ ɔ, na mmom ngondombopɛlɛ yeɛ wamaa batindim wɔ aseɛ ye aso ɔ, ofikyɛ bɛyɔ bɔne bɛfoa bɔne so, na bɛnze me, AWURADE noa dwirɛ ɛne.

Yeremia 9:6

Nnakannaka nu yeɛ ɔte w’atenaleɛ ɔ! Nnakannaka ti benguro kyɛ bekonwu me ɔ, AWURADE noa dwirɛ ɛne.

Hesekiel 22:26

Ye asɔfo mɔ babu me mmeraa so, bagua me nningyein krongron nemɔ anwo fiɛ; bɛmma nzonzoleɛ nna nningyein bɔ bɛte krongron ɔne bɔ bɛtte krongron ɔ b’afia; yeɛ bengyire nzonzoleɛ bɔ ɔla nikyee bɔ ye nwo te ɔ ɔne bɔ ye nwo nde ɔ b’afia, bɛmva m’afofingyẽa nemɔ bɛnyɛ huu, na bagua me nwo fiɛ wɔ bɛ nu.

Yohane 16:3

Na bɛkɔfa sɔ dwirɛ nemɔ bekoli ɛmɔ, ofikyɛ bennya bennwuni Baba ne anaa me.

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

Yohane 8:55

Nakoso ɛmɔnze ye, na me de, mese ye. Na sɛ mekã kyɛ menze ye a, ngɔyɛ ngondomboniɛ kyɛ ɛmɔ ala. Nakoso mese ye, na medi ye dwirɛ so.

Romanfoɛ 1:21

Né bɛse Nyameɛ de, nakoso banhyɛ ye animnyam kyɛ Nyameɛ, banna ye ase, na mmom b’adwene yɛle ngwaseaa adwene, na bɛ ti anu adwene yɛle awosii.

2 Korintofoɛ 6:15

Koyɛlɛ beni yeɛ ɔwɔ Kristo ne Belia b’afia ɔ? Anaakyɛ abiɛngoɛfalɛ beni yeɛ ɔla gyidiniɛ ne sona bɔ onne nni b’afia ɔ?

Deuteronomi 13:13

busuefoɛ biemɔ adwɔso wɔ ɛmɔ nu, na balakalaka kuro ne anu mmenia kyɛ, ‘Ɛ́mɔma yɛɛso nyameɛ foforɛ biemɔ’ (nyameɛ mɔ bɔ ɛmɔnze bɛ a),

Deuteronomi 13:14

ye de ɔsɛ kyɛ ɛneanea edwirɛ ne anu, ná ebisa nu yé paa nea. Na sɛ ɔte nahorɛ kyɛ babɔ sɔ musue ne wɔ ɛmɔ nu a,

Maenbulɛfoɛ 19:22

Na begu so bɛgye bɛ nye ne, kuro berɛ mmienzua asanzafoɛ biemɔ bɛɛpɛle awuro ne anwo beyiale, na bɛhyɛle ye bo bɛborole anoa ne anu. Besele biaa aworowaa bɔ yeɛ ɔte awuro ne mene ne kyɛ, “Biaa bɔ wawa w’awuro wa ne, ye ye fite bra maa yɛne ye la.”

Maenbulɛfoɛ 2:10

Afei koso, sɔ aworɛ ndoatoasoɛ ne amukoraa bewuwuli bɛɛtoale bɛ mbanyi mɔ, na aworɛ ndoatoasoɛ foforɛ fifili bɛ gya nu, bɔ né bɛnze AWURADE anaa nikyee bɔ wayɔ wama Yisrael ɔ.

1 Samuel 10:27

Nakoso hohwifoɛ biemɔ sele kyɛ, “Ɔkɔyɛ sɛɛ né akoaa he ahora ale yɛ?” Yiti bebuli ye animtia, na bamva akyɛdeɛ biala bammrɛ ye. Nakoso Sɔɔlo andɛ bɛ so.

1 Samuel 25:17

Yiti tie ná dwene bɔ ɛkɔyɔ ɔ nwo, ofikyɛ babɔ yɛ mene ne ye awuro ama mukoraa nwo porɛ. Na ɔnate ye suban bɔ ɔtte mayee ne ati, ebie ngora ndu ye foɛ.”

1 Samuel 3:13

Mahã mahyire ye kyɛ mebaatua ye abusua so kerɛ afebɔɔ, ɔnate amumuyɛɛ bɔ ɔse ne ati; ofikyɛ ye mma nemɔ yɔle nningyein bɔ ɔte akyiwadeɛ wɔ AWURADE nyunu ne, wanyɔ bɛ huu.

1 Samuel 3:7

Né AWURADE onnya ɔyyele ye nwo ali ohhyirele Samuel, yeɛ né onnya ɔttele AWURADE noa dwudwolɛ.