1 Samuel 2:10 - AHYERƐLƐ KRONGRON

¹⁰ Okoyie AWURADE pɔfoɛ mɔ pasapasa, Anwuro Anwuro Nyameɛ kɔbɔ nu kurudududu kofi nyameɛso kogua bɛ so, AWURADE kobua aseɛ so amukoraa ndɛen, ɔkɔma ye hene ne anwoserɛ, na ɔkɔma bɔ wapopa ye ngoo ne konya tumi.”

1 Samuel 2:10 Iomraidhean Croise

2 Samuel 22:14

AWURADE bɔle nu kurudududu fili nyameɛso, na Anwuro Anwuro Nyameɛ ne dwudwole.

2 Samuel 7:13

Ye yeɛ okosi sua kɔfa me dumaa kɔto so ɔ, na ngɔma ye ahennie kotindim afebɔɔ.

2 Samuel 7:8

“Yiti ka kyire me somvoɛ Dawide kyɛ, Asafo AWURADE nwa nyoo: Me yeɛ nyele wɔ mvili mmoaen nealɛ nu, ɔne mmoaen si lilɛ nu, ná mvale wɔ nduale me maen Yisrael noa ɔ.

YOB NWOMAA NE 40:9

Aso ele tumi kyɛ Nyameɛ deɛ, wɔ komvi kɔhora kɔbɔ nu kurudududu kyɛbɔ ye deɛ ɔbɔ nu ne?

Edwein 132:17

Berɛ yeɛ ngɔmaa mmɛen bie kofifi kɔma Dawide ɔ; masiesie kanea mama me sona bɔ mapopa ye ngoo ne.

Edwein 148:14

Wama ye maen anya anwoserɛ, amaa ɔnate so ye anwoteefoɛ amukoraa baye ye ayɛ, Yisraelfoɛ bɔ bɛ yeɛ bɛte mmenia bɔ bepingye ye ne. Ɛ́mɔye AWURADE ayɛ!

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 2:9

Ɛkɔfa buralɛ pɔmaa kobubu bɛ, ná anyoko bɛ kyɛ ngukuenwonɛniɛ ye bua.”

Edwein 20:6

Afei, manwu kyɛ AWURADE boka ye sona bɔ wapopa ye ngoo ne; otie ye sufrɛ wɔ ye nyameɛso krongron dɔ, na AWURADE ye anwoserɛ asaa famaa ne ɔpepɛ de ye.

Edwein 20:7

Ebiemɔ fa bɛ wora bewura teaseɛnam mɔ nu, yeɛ ebiemɔ koso bɛfa bɛ deɛ bewura mbɔngɔ nu; nakoso yɛ de, yɛ wora wura AWURADE yɛ Nyameɛ dumaa nu.

Edwein 21:1

Ao AWURADE, w’anwoserɛ ne ati ɛhene ne nye gye; na wɔ ngoalelɛ ne ati, nea kyɛbɔ osi di ahurusi paa ɔ!

Edwein 28:8

AWURADE yeɛ ɔte ye mmenia b’anwoserɛ ɔ, na ɔte ngoalelɛ afealeɛ ma bɔ wapopa ye ngoo ne.

Edwein 45:7

Ekuro tenenee, na ekyi amumuyɛɛ. Ɛhe ati yeɛ Nyameɛ, wɔ Nyameɛ ne, wafa anika ngoo wapopa wɔ maa wabo wɔ mmango mɔ deɛ so ɔ.

Edwein 89:17

Wɔ yeɛ ɛte b’anwoserɛ animnyam ɔ, na w’adom yeɛ ɔmaa yɛdi ngonim ɔ.

Edwein 89:24

Me nahorɛlilɛ ne me ɔdɔ bɔ onni ngasi ne, bekogyina ye si; na me dumaa nu yeɛ ɔkɔhɔ so konya anwoserɛ ɔ.

Edwein 89:25

Ngɔmaa ye sa konya ɛpo so tumi, ná mama ye sa famaa anya asue mɔ so tumi.

Edwein 96:13

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, na ɔkɔfa ye nahorɛlilɛ yeɛ okobua maen maen mɔ ndɛen ɔ.

Edwein 98:9

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, yeɛ ɔkɔfa ye pɛpɛɛpɛyɛlɛ yeɛ okobua maen maen mɔ ndɛen ɔ.

Ɛksadɔso 15:6

O AWURADE, wɔ sa famaa ne te ngonim ne tumi, O AWURADE, wɔ sa famaa ne dworɔm pɔfoɛ ne.

Nworɛ Dwirɛhanɛniɛ 11:9

Aberandeɛ, ma wɔ nye gye wɔ wɔ mmerandeɛ nu, nya anigye wɔ wɔ nu wɔ wɔ mmerandeɛ nu. Yɔ bɔ wɔ nye gye ye nwo ɔ ɔne bɔ ɔte wɔ nye so akɔnnɔ ɔ, nakoso nwu ye kyɛ, Nyameɛ kobua wɔ ndɛen wɔ bɔ ɛkɔyɔ amukoraa nwo.

Nworɛ Dwirɛhanɛniɛ 12:14

Ɔnate kyɛ, Nyameɛ kobua yɔleɛ biala nwo ndɛen, bɔ yayɔ ye mvealeɛ nu boka so, kyɛ paa oo, kyɛ tɛɛ oo, okobua ye nwo ndɛen.

Yesaya 29:6

Asafo AWURADE kɔɔpasa wɔ nwo: Ɔkɔfa agralaa, aseɛwosolɛ ne dededede kandinga, mvrama bɔ ɔpɛ ye nwo, mvrama piri ne see wuronyiwuronyi yeɛ ɔkɔwa ɔ.

Yesaya 32:1

Tie, ɛhene bie baawa bɔ ɔkɔfa tenenee koli hene ɔ, na pɛpɛɛpɛyɛlɛ yeɛ maen mbanyi kɔfa kobu maen ɔ.

Yesaya 45:24

“Amba, bɛkɔhã bɛkɔfa me nwo kyɛ, AWURADE ngome nu yeɛ menya tenenee ne anwoserɛ ɔ, na bɛ bɔ bafɛ ye so yaa ne, bɛkɔfa animguaseɛ yeɛ bɛkɔwa ye nyunu ɔ.

Hesekiel 29:21

“Na sɔ kyẽa ne, ngɔma mmɛen bie kofifi kɔma Yisrael awuro ama, na ngɔma wɔ tumi maa ekobukye wɔ noa wɔ bɛ nu. Na afei bekonwu kyɛ me ole AWURADE.”

Mateo 25:34

Na afei Ɛhene ne kose bɛ bɔ bɛwɔ ye famaa so ne kyɛ, ‘Ɛmɔ bɔ me Baba ayira ɛmɔ ɔ, ɛmɔbra bɛɛfa ahennie bɔ basiesie bama ɛmɔ fi ewiase ahyɛaseɛ ne bɛyɛ ɛmɔ deɛ.

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Luka 1:69

na wama ngoalelɛ awɛen so wama yɛ wɔ ye akoaa Dawide awuro;

Luka 19:27

Na me pɔfoɛ mɔ bɔ né bɛmbene so kyɛ medi bɛ so hene ne de, ɛ́mɔfa bɛ bɛbra wa beehu bɛ me nyunu wa!’ ”

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 4:27

Ɔte nahorɛ, Herode ne Pontio Pilato ne Amaenmaensofoɛ ne Yisrael maen beyiale sɔ kuro he anu bɛbɔle wɔ Ɛwa Krongron Yesu bɔ apopa ye ngoo ne ti so porɛ.

2 Korintofoɛ 5:10

Ofikyɛ, odi kyɛ yɛ mukoraa yɛkogyina Kristo ndɛenbualɛ bia ne nyunu. Na bɔ sona biala wayɔ ye wɔ sɔ anwoɔnaen he anu ne, kyɛ paa oo, anaa bɔne oo, okonya ye nwo akatuaa.

Maenbulɛfoɛ 5:31

Yiti AWURADE, ma wɔ pɔfoɛ amukoraa, bɛ boso ónua! Nakoso bɛ bɔ bekuro wɔ dwirɛ de, maa bɛyɛ kyɛ eyia bɔ ɔbɔ gyireingyirein ɔ.” Na asomdwee wale aseɛ ne aso afoɛ aburanna.

1 Samuel 12:13

Afei, ɛ́mɔnea, ɛhene bɔ ɛmɔaneanea nu baye ye, bɔ ɛmɔsrɛle ne, ye ɛhe. Ɛ́mɔtie, AWURADE asi ɛmɔ hene wama ɛmɔ.

1 Samuel 12:17

Aso nna atokoɔtelɛ mmerɛ ɛhe? Ngɔsrɛ AWURADE maa ɔkɔma agralaa kɔtete, ná wasa wama esue atɔ. Na ɛmɔkonwu ye, ná ɛmɔale bato nu kyɛ ɛmɔayɔ amumuyɛɛ piri wɔ AWURADE nyunu, kyɛ ɛmɔabisa maa wasi hene wama ɛmɔ ɔ.”

1 Samuel 12:18

Yiti Samuel srɛle AWURADE, na AWURADE mane agralaa tetele, yeɛ ɔmane esue koso tɔle sɔ kyẽa ne ala. Na maen ne amukoraati surole AWURADE ne Samuel paa.

1 Samuel 12:3

Ngyi ɛmɔ nyunu wa. Ɛ́mɔli me nwo adanzeɛ wɔ AWURADE nyunu, ɔne ye sona bɔ wapopa ye ngoo ne nyunu. Nwa nandwie yeɛ male ɔ? Nwa afunum yeɛ male ɔ? Anaakyɛ nwa yeɛ mali ye ndurum ɔ? Nwa yeɛ mahyɛ ye so ɔ? Nwa yeɛ male fea-ase-ma mafi ye berɛ, bɔ ɔnate so mabu me nye magua ndɛen turoloo so ɔ? Ɛ́mɔhã, na ngɔfa bie ngosi ye gya nu ngɔma ɛmɔ.”

1 Samuel 15:28

Yeɛ Samuel sele ye kyɛ, “AWURADE ale Yisrael ahennie ne wafi wɔ sa nu ɛnɛ kyẽa ye, na wafa wama sona foforɛ bɔ ɔte paa tra wɔ ɔ.

1 Samuel 16:1

AWURADE bisale Samuel kyɛ, “Kyinzu koraa yeɛ ekoli Sɔɔlo nwo aworabɔlɛ maa okoodwu ɔ? Maye me sa mafi ye bo maa ye sɔ ati ɔtte Yisrael so hene ko. Fa ngoo gua wɔ towaa ne anu ná si nu kɔ. Mésoma wɔ Betlehemniɛ Yese berɛ, ofikyɛ ye mma nemɔ anu ko yeɛ me bɔbɔ maye ye kyɛ oli hene ɔ.”

1 Samuel 7:10

Na Samuel gu so ɔbɔ naen yeralɛ afɔleɛ nen, Filistifoɛ pingyele Yisraelfoɛ kyɛ bɛ ne bɛ baaho. Nakoso AWURADE bɔle nu kurudududu serɛserɛ guale Filistifoɛ so sɔ kyẽa ne mane bɛ nye so tanene, na ɔmane Yisraelfoɛ huhuni bɛ.