1 Samuel 19:7 - AHYERƐLƐ KRONGRON

⁷ Nziɛ ye, Yonatan frɛle Dawide, na ɔhane edwirɛ ne amukoraa hyirele ye. Afei Yonatan fale Dawide hɔle Sɔɔlo berɛ, na ɔtenane Sɔɔlo berɛ sole ye kyɛ daa ne ala.

1 Samuel 19:7 Iomraidhean Croise

Gyenesise 31:2

Onwuni kyɛ Laban olle ye nwo adwene paa kyɛ daa ne ko.

1 Aberɛso Dwirɛ 11:2

Daa ne, bɔ né Sɔɔlo di yɛ so hene ne po, sɛ Yisrael ɔkɔhɔ oo, sɛ ɔkɔwa oo, wɔ yeɛ né ɛla ye noa ɔ. Na AWURADE wɔ Nyameɛ wahã wahyire wɔ kyɛ, ‘Wɔ yeɛ ɛkɔyɛ me maen Yisrael so neafoɛ ɔ, na wɔ yeɛ ekoli me mmenia Yisraelfoɛ so hene ɔ.’ ”

Ɛksadɔso 4:10

Na Mose sele AWURADE kyɛ, “Mesrɛ wɔ, AWURADE. Ofi me tetetete bɔ ɔbaadwu ɛnɛ bɔ ɛne w’akoaa bedwudwo ye, nnde sona bɔ ye noa ate ɔ; me dwudwolɛ te nyaanyaa, na me temverema abutu.”

Yesaya 30:33

Ofikyɛ, ofi tetetete yeɛ wasiesie kumaa bɔ bɛyera fofoɛ nu ɔ, wasiesie wama Asiria hene, nu te kuronn, ɔtrɛ, na see ne eyein pee wɔ nu. Na AWURADE nwomeɛ bɔ ɔte kyɛ sɔfe bɔ ɔtengyɛ kɔ ne yeɛ ɔmaa ɔsɔ ɔ.

1 Samuel 16:21

Na Dawide wale Sɔɔlo berɛ ɔɔyɛle ye somvoɛ. Sɔɔlo hurole Dawide dwirɛ paa, na ɔmane Dawide yɛle ye somvoɛ bɔ otira ye akodeɛ ɔ.

1 Samuel 18:10

Aleɛ hyene ne, Nyameɛ somane sunzum tɛɛ bie maa ɔte pene Sɔɔlo so, na ye nye so yɛle ye krakra wɔ ye awuro berɛ. Sɔ mmerɛ ne, né Dawide ɔbɔ sangoo ne, kyɛbɔ né ɔbɔ ye daa biala ne. Né Sɔɔlo tira ye pealɛɛ ne.

1 Samuel 18:13

Yiti Sɔɔlo yele Dawide fili ye nwo, na ɔmaa ɔɔlale koɛhonɛfoɛ apee noa. Na Dawide lale koɛhonɛfoɛ nemɔ noa ɔne bɛ hɔle koɛ mɔ besa bɛwale.

1 Samuel 18:2

Na ofi sɔ kyẽa ne, Sɔɔlo fale Dawide ɔne ye bɛtenane, na wamma wanza wangɔ ye baba awuro dɔ ko.

1 Samuel 19:6

Sɔɔlo lele bɔ Yonatan hane ne tole nu, na ɔtale ndaen kyɛ, “Kyɛ AWURADE te ase ye, mengɔma ebiala ngohũ Dawide.”

1 Samuel 19:8

Koɛ sili bieku, na Dawide ne Filistifoɛ bɛɛhone. Ohuhuni bɛ paa maa ɔnate so bɛnwati befili ye nyunu.