1 Samuel 19:5 - AHYERƐLƐ KRONGRON

⁵ Ofikyɛ ɔfale ye ngoa tole serewa oohuni Filistiniɛ ne, na AWURADE lili ngonim pirikua mane Yisrael amukoraati. Enwuni ye, na ɔyɛle wɔ fɛ. Na nzu ati yeɛ ɛpena kyɛ eku Dawide mbaen, maa ɔnate so ɛkã sona bɔ odi be mogya gua ɔ?”

1 Samuel 19:5 Iomraidhean Croise

2 Samuel 23:10

nakoso Eleasa de ogyinane pindinn. Ohuhuni Filistifoɛ alaa mane ye sa nyane, nakoso né ɔngora ye ngrandɛ ne anu yakyi. Na AWURADE maa olili ngonim kandinga sɔ kyẽa ne. Afei Yisrael koɛhonɛfoɛ nemɔ sa wale ye nwo berɛ, nakoso efuin nemɔ yeɛ beepuropurole bɛ nwo nningyein ɔ.

1 Aberɛso Dwirɛ 11:14

Nakoso Eleasa ne Dawide begyinane pindinn wɔ ayuo boo ne afia bɛho belele aseɛ ne, na behuhuni Filistifoɛ nemɔ. AWURADE pepɛ lele bɛ, na ɔmaa belili ngonim piri paa.

1 Aberɛso Dwirɛ 11:18

Yiti koɛhonɛfoɛ ahoneserɛfoɛ nza nemɔ sili bɛ hue bɛhɔle Filistifoɛ asikyeleɛ ne anu. Na abura bɔ ɔwɔ Betlehem kuro berɛ pambim ne anwo ne, bɛsale nu nzue ne bie bɛbrɛle Dawide. Nakoso wanno, na mmom ohwie guale mane AWURADE.

Edwein 109:5

Yiti bɛfa bɔne betua me paa so kerɛ, yeɛ bɛfa ɛpɔen betua me ɔdɔ so kerɛ.

Edwein 119:109

Ahaa me kra kora yɔ bɔ okuro ɔ daa, nakoso memma me wora mvi wɔ mmeraa ne.

Edwein 25:3

Nahorɛ nu, bɛ bɔ bɛ nye la wɔ so ne, nnɛma bɛ nyunu gua ase; bɛ bɔ bɛnate ngondombo atee so bɛye bɛ biɛngo bɛma ne, ma bɛ nyunu gua ase.

Edwein 69:4

Bɛ bɔ bɛpɔ me mbaen ne, bɛsone bɛtra me ti nwiaa; bɛ bɔ bɛpena me beku me, bɔ bɛ yeɛ bɛpɛ edwirɛ bɛto me so ne, bɛ nwo yɛ se. Nikyee bɔ nnwuale ɔ, aso odi kyɛ mefa bie mesi ye gya nu?

Edwein 94:21

Bɛbɔ nu bɛbɔ teneneefoɛ nwo porɛ kyɛ bekohu bɛ, na bebua bɛ bɔ bedi be ɔ foɛ kyɛ behũ bɛ.

Ɛksadɔso 14:13

Na Mose sele mmenia ne kyɛ, “Nnɛma ɛmɔsuro, ɛ́mɔgyina pindinn, ná ɛ́mɔnea ngoalelɛ bɔ AWURADE kole ɛmɔ ɛnɛ ɔ; ofikyɛ Misraimfoɛ bɔ ɛmɔnwu bɛ ɛnɛ ye, ɛmɔngonwu bɛ ko le.

Yeremia 26:15

Na mmom, ɛ́mɔnwu ye kyɛ amba, sɛ ɛmɔku me a, mogya bɔ odi be ɔ yeɛ ɛmɔkɔmaa ɔkɔbɔ ɛmɔ bɔbɔ deinn, kuro he ɔne nu ama bɛ ti so ɔ. Ofikyɛ nahorɛ nu, AWURADE yeɛ ɔsomane me ɛmɔ berɛ kyɛ mmanga sɔ dwirɛ ye amukoraa ngyire ɛmɔ maa ɔhɔ ɛmɔ so anu ɔ.”

Mateo 27:24

Na Pilato nwuni kyɛ ɔngɔhora ngɔyɔ ye nwo hwee, ná mmom basabasayɔlɛ yeɛ ɔpena ba ne, ɔfale nzue nwunzini ye sa wɔ ɛlɔen ne anyunu berɛ, na ɔhane kyɛ, “Sona teneneeniɛ he, medi be wɔ ye mogya nwo. Ɛmɔ bɔbɔ ɛ́mɔyɔ bɔ ɛmɔkɔyɔ ɔ!”

Mateo 27:4

na ɔhane kyɛ, “Mayɔ bɔne kyɛ maye mogya bɔ odi be ɔ mama ɔ.” Na bebuale kyɛ, “Yɛ de, ɔfa yɛ nwo nzu? Wɔ yeɛ ɔte wɔ dwirɛ ɔ!”

Yohane 15:25

Na ɛhe ama edwirɛ bɔ bahyerɛ ye wɔ bɛ mmeraa ne anu ne wawa nu kyɛ, ‘Bɛpɔle me mbaen.’

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Filipifoɛ 2:30

Ofikyɛ, Kristo adwuma ne ati ɔhale kãa maa owuli, na ɔfale ye ngoa tole serewa gyinane ɛmɔ gya nu kyɛ ɔkɔso me.

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.

Maenbulɛfoɛ 12:3

Na nwuni kyɛ ɛmɔngɔpepɛ bengole me ne, mvale me ngoa ndole serewa, mbɛle ɛwɛen ne mvale koɛ ngɔndetale Amonfoɛ, na AWURADE fale bɛ wurale me sa. Nzu ati yeɛ ɛnɛ ye de ɛmɔawa me so bɔ ɛmɔ ne me baaho ye?”

Maenbulɛfoɛ 9:17

Ofikyɛ me baba fale ye ngoa tole serewa, ɔho mane ɛmɔ, na olele ɛmɔ fili Midian sa nu.

1 Samuel 11:13

Nakoso Sɔɔlo buale kyɛ, “Yɛngohu sona biala ɛnɛ kyẽa ye, ofikyɛ ɛnɛ te kyẽa bɔ AWURADE apepɛ ale Yisrael ɔ.”

1 Samuel 14:45

Na koɛhonɛfoɛ nemɔ sele Sɔɔlo kyɛ, “Yonatan bɔ wali ngonim kandinga he wama Yisrael ye, yiti odi kyɛ beku ye anaa? Nyameɛ pa gua! Kyɛ AWURADE te ase ye, ye ti nwiaa ko po ngotu ngɔtɔ ase, ofikyɛ Nyameɛ yeɛ wagyina ye si maa wali ngonim ɛnɛ ɔ.” Yiti koɛhonɛfoɛ nemɔ pepɛ lele Yonatan maa onyane ye ti didili nu.

1 Samuel 19:6

Sɔɔlo lele bɔ Yonatan hane ne tole nu, na ɔtale ndaen kyɛ, “Kyɛ AWURADE te ase ye, mengɔma ebiala ngohũ Dawide.”

1 Samuel 20:32

Na Yonatan bisale ye baba kyɛ, “Nzu ati yeɛ ɔsɛ kyɛ beku ye ɔ? Nzikyɛ yeɛ wayɔ ɔ?”

1 Samuel 22:14

Na Ahimɛlɛke buale Nana Sɔɔlo kyɛ, “Wɔ somvoɛ nemɔ amukoraa, bɛ nu nwa yeɛ odi nahorɛ kyɛ Dawide ɔ? Nana, ɔte wɔ sia, otie wɔ dwirɛ, na bebu ye wɔ w’awuro berɛ.

1 Samuel 28:21

Braa ne hɔle Sɔɔlo nwo berɛ, na onwuni kyɛ waboto paa ne, osele ye kyɛ, “W’afaneɛ atie wɔ dwirɛ. Mafa me ngoa mato serewa mayɔ bɔ ɛha hyirele me ne.