1 Samuel 19:18 - AHYERƐLƐ KRONGRON

¹⁸ Dawide nwatili nyane ye ti didili nu, na ɔhɔle Samuel berɛ wɔ Rama. Ɔhane edwirɛ bɔ Sɔɔlo afa ali ye amukoraa hyirele Samuel. Na ɔne Samuel betu bɛɛtenane Nayote.

1 Samuel 19:18 Iomraidhean Croise

Edwein 116:11

Nne ahunundetelɛ ngane kyɛ, “Kuro sona biala te ngondomboniɛ.”

Yakobo 5:16

Yiti ɛ́mɔkekã ɛmɔ mvomsoɛ behyirehyire ɛmɔ nwo, ná ɛ́mɔbobɔ mbaeɛ bɛma ɛmɔ nwo, amaa ɛmɔate apɔ. Na teneneeniɛ mbaeɛ bɔ nu yɛ se ne, ɔkora yɔ nikyee biala.

1 Samuel 1:19

Aleɛ hyene ne, bedwɔsole ngyerɛmɔ tutuutu bɛsɔnene AWURADE, na afei besa bɛhɔle bɛ kuro Rama. Ɛlkana ne ɔye Hana bɛlale, na AWURADE kayele Hana.

1 Samuel 15:34

Afei Samuel hɔle Rama, yeɛ Sɔɔlo koso hɔle ye kuro Gibea.

1 Samuel 19:19

Na bɛbɔle Sɔɔlo amaneɛ kyɛ, “Dawide wɔ Nayote bɔ ɔwɔ Rama.”

1 Samuel 19:22

Afei ye bɔbɔ osili nu kyɛ ɔkɔ Rama. Oodwuli abura piri bɔ ɔwɔ Seku ne anwo, na obisale kyɛ, “Nisua yeɛ Samuel ne Dawide bɛwɔ ɔ?” Na bebuale ye kyɛ, “Bɛwɔ Nayote bɔ ɔwɔ Rama.”

1 Samuel 19:23

Osili nu bɔ ɔkɔ Nayote bɔ ɔwɔ Rama nen, ye koso Nyameɛ sunzum wale ye so. Na ɔkɔ ne, ɔhyɛle ngɔm toonn oodwuli Nayote bɔ ɔwɔ Rama.

1 Samuel 20:1

Dawide nwatili fili Nayote bɔ ɔwɔ Rama, na ɔhɔle Yonatan berɛ oobisale ye kyɛ, “Mayɔ nzu? Nzikyɛ mvomsoɛ yeɛ mayɔ ɔ? Nzikyɛ bɔne yeɛ mayɔ matia wɔ baba bɔ yiti ɔpena me ku me ye?”

1 Samuel 21:11

Na Akise somvoɛ nemɔ sele ye kyɛ, “Dawide bɔ ɔte hene wɔ ye aseɛ so ne, aso nna ye ɛhe? Aso nna ye yeɛ begole abilie bɛtole dwein bɛfrɛfrɛle ye kyɛ, ‘Sɔɔlo ahu apee apee, yeɛ Dawide ahu apee buru apee buru’ ne?”

1 Samuel 28:3

Sɔ mmerɛ ne, né Samuel de wawu ama Yisrael amukoraa basu ye basie ye wɔ ye bɔbɔ ye kuro Rama. Né Sɔɔlo atu nzamangɔmhyɛlɛfoɛ ne musueyelɛfoɛ wafi aseɛ ne aso.

1 Samuel 7:17

Né ɔyɛ a, osa ba Rama, ofikyɛ ye kuro ɛne, na né ɔte berɛ yeɛ obu Yisrael maen ne ɔ. Na osili afɔleɛ bokyea berɛ mane AWURADE.