1 Samuel 19:17 - AHYERƐLƐ KRONGRON

¹⁷ Na Sɔɔlo bisale Mikal kyɛ, “Nzu ati yeɛ alakalaka me sɔa ye, bɔ ama me pɔfoɛ anwati ahɔ, maa wanya ye ti wadidi nu ye?” Yeɛ Mikal buale Sɔɔlo kyɛ, “Ɔha hyirele me kyɛ, ‘Yakyi me ma ngɔ; anyɔ sɔ a, ngohũ wɔ.’ ”

1 Samuel 19:17 Iomraidhean Croise

2 Samuel 17:20

Na mmerɛ bɔ Absalom somvoɛ nemɔ bɛɛtole braa ne wɔ awuro berɛ ne, bebisale ye kyɛ, “Ahimaase ne Yonatan bɛwɔ nisua?” Na braa ne buale bɛ kyɛ, “Bapɛ asue ne bahɔ.” Bɛpenane bɛ alaa, nakoso bannwu bɛ, yiti besa bɛhɔle Yerusalem.

2 Samuel 2:22

Yeɛ Abenɛ sele Asahel bieku kyɛ, “Yakyi me foalɛ. Nzu ati yeɛ ɛpena kyɛ meku wɔ ɔ? Sɛ meku wɔ a, aso ngɔhora eliɛma Yoabo nyunu nea?”

1 Ahemvo 21:20

Ahabo bisale Elia kyɛ, “Eh me pɔfoɛ, bɔ mayɔ ye, ama me bo ala so?” Na Elia buale kyɛ, “Yoo, mama wɔ bo ala so. Atu wɔ nwo asie berɛ kyɛ ɛkɔyɔ bɔ ɔte bɔne wɔ AWURADE nyunu ɔ. Ye sɔ ti,

Mateo 2:16

Na Herode nwuni kyɛ nworɛfoɛ nemɔ balakalaka ye nen, ɔfɛle yaa hahii. Na ɔsomane maa beehuhuni ngwadaa mmienzua amukoraa bɔ bali afoɛ nyɔ ne bɛ bɔ bendwu ɔ, bɔ bɛwɔ Betlehem ne ye mbɔtam amukoraa; kyɛbɔ mmerɛ bɔ ɔtele dwirɛ ne fili nworɛfoɛ nemɔ berɛ ne osi kyire ne.

Galatiafoɛ 4:16

Na sɛ meka nahorɛ mekyire ɛmɔ a, nzu ati yeɛ mayɛ ɛmɔ pɔfoɛ ɔ?

1 Samuel 19:14

Sɔɔlo somane mmenia kyɛ bɛɛhye Dawide, nakoso Mikal hane kyɛ, “Ɔnde apɔ.”

1 Samuel 19:16

Na ɛbɔfoɛ nemɔ dwuli berɛ nen, benwuni abaduaba bɔ bafa abɔngye nwiaa bayɛ sumu bato ye ti dɔ ne kyɛ ɔla mba ne aso.

1 Samuel 22:17

Na Nana Sɔɔlo sele awɛmvoɛ bɔ begyigyi ye nwo berɛ ne kyɛ, “Ɛmɔhɔ AWURADE asɔfo nemɔ so beehuhu bɛ, ofikyɛ bɛ koso bɛwɔ Dawide bue nu. Né bɛse kyɛ wanwati, nakoso bandia me gya so.” Nakoso né Nana Sɔɔlo somvoɛ nemɔ benguro kyɛ bɛkɔfa bɛ sa bɛkɔhã AWURADE asɔfo nemɔ ɔ.

1 Samuel 28:12

Na braa ne nwuni Samuel nen, braa ne teane nu serɛserɛ sele Sɔɔlo kyɛ, “Nzu ati yeɛ alakalaka me ee? Wɔ ole Sɔɔlo!”