1 Samuel 19:10 - AHYERƐLƐ KRONGRON

¹⁰ Na Sɔɔlo tole ye pealɛɛ ne kyɛ ɔ́fa wɔ Dawide maa ɔka terɛ ne anwo, nakoso Dawide hwene ye nwo, na pealɛɛ ne wɔle terɛ ne anu. Dawide nyane ye ti didili nu, na ɔnwatili kɔngɔen ne.

1 Samuel 19:10 Iomraidhean Croise

Edwein 124:7

Yɛ kra anya ye ti wadidi nu kyɛ anomaa wafi ngaensualɛfoɛ nemɔ bɛ ngaen nu, ngaen ne anu abubu, na yanya yɛ ti yadidi nu.

Edwein 18:17

Olele me fili me pɔfoɛ anwoserɛniɛ sa nu, ɔne bɛ bɔ bekyi me ɔ, bɛ sa nu; ofikyɛ né bɛ nwo yɛ se tra me koraa.

Edwein 34:19

Teneneeniɛ amaneɛ ɔsone, nakoso AWURADE pepɛ de ye fi ye mukoraa nu.

Edwein 37:32

Bɔnefoɛ bɛtetɛ teneneefoɛ, kyɛ bɛpena bɛ beku bɛ.

Anyandera 1:16

ofikyɛ amirika yeɛ betu bekodi bɔne ɔ, na bɛma bɛ nwo yɛ nyera bedi awue.

Anyandera 21:30

Nworɛ anaa nimdeɛ anaa foɛtulɛ biala nne berɛ bɔ ɔkɔhora kogyina AWURADE nyunu ɔ.

Yesaya 54:17

Akodeɛ biala bɔ babɔ bafa batia wɔ ne, ɔngɔyɛ adwuma, yeɛ noa biala bɔ okodwɔso kotia wɔ wɔ ndɛenbualɛ nu ne, ɛkɔsa wɔ nwo maa okoli fɔ. AWURADE somvoɛ mɔ, b’agyapadeɛ ne bɛ tenenee bɔ ofi me berɛ hɔ ɛne, AWURADE noa dwirɛ ɛne.”

Hosea 6:4

Ao Efraim, nzikyɛ yeɛ mva nyɔ wɔ ɔ? Ao Yuda, nzikyɛ yeɛ mva nyɔ wɔ ɔ? Ɛmɔ nahorɛlilɛ te kyɛ ngyerɛmɔ munungum, na ɔte kyɛ bosue bɔ ɔpɛ nu kɔ ndɛndɛ ɔ.

Mateo 10:23

Na sɛ bɛtane ɛmɔ nye wɔ kuro ko aso a, ɛ́mɔnwati bɛhɔ foforɛ so. Nahorɛ nu, mekã mekyire ɛmɔ kyɛ, ɛmɔngoyie Yisrael nguro amukoraa so kyini koraka né Sona Awa ne awa.

Luka 4:30

Nakoso ɔfale b’afia hɔle.

Yohane 10:39

Na bɛbɔle mmɔden bieku kyɛ bɛkɔhye ye ɔ, nakoso onyane ye nwo tetele fili bɛ sa nu hɔle.

Hebrifoɛ 11:34

benuane see wuronyiwuronyi, benyane bɛ ti ngoa bɔ bandotɔ ngrandɛ noa ɔ, benyane anwoserɛ befili mmerɛyɛlɛ nu, bɛ nwo yɛle se wɔ koɛ nu, na bɛfoane amanvrafoɛ asraafoɛ maa bɛnwatili.

1 Samuel 18:10

Aleɛ hyene ne, Nyameɛ somane sunzum tɛɛ bie maa ɔte pene Sɔɔlo so, na ye nye so yɛle ye krakra wɔ ye awuro berɛ. Sɔ mmerɛ ne, né Dawide ɔbɔ sangoo ne, kyɛbɔ né ɔbɔ ye daa biala ne. Né Sɔɔlo tira ye pealɛɛ ne.

1 Samuel 18:11

Sɔɔlo tole pealɛɛ ne, ofikyɛ onyane adwene kyɛ, “Ngɔfa ngɔwɔ Dawide maa ɔkɔha terɛ ne anwo.” Nakoso Dawide hwene ye nwo pɛen nyɔ bɔ wanwɔ ye ɔ.

1 Samuel 19:6

Sɔɔlo lele bɔ Yonatan hane ne tole nu, na ɔtale ndaen kyɛ, “Kyɛ AWURADE te ase ye, mengɔma ebiala ngohũ Dawide.”

1 Samuel 20:33

Na Sɔɔlo tole ye pealɛɛ ne kyɛ ɔfa ku Yonatan, na ɛhe mane Yonatan nwuni ye kyɛ ye baba asua Dawide so kyɛ okohu ye.