1 Samuel 18:7 - AHYERƐLƐ KRONGRON

⁷ Na mmrasua nemɔ gole abilie bɛtole dwein besurole so kyɛ, “Sɔɔlo ahu apee apee, yeɛ Dawide ahu apee buru apee buru.”

1 Samuel 18:7 Iomraidhean Croise

2 Samuel 18:3

Nakoso koɛhonɛfoɛ nemɔ sele kyɛ, “Daabi, yɛsrɛ wɔ, ɛngɔ bie. Ofikyɛ sɛ yɛnwati a, pɔfoɛ nemɔ ngobu ye nikyee titire bie. Yeɛ sɛ yɛ mmenia ne bue totɔ po a, ye koso bengobu ye nikyee titire bie. Nakoso wɔ de, wɔ nwo hia te kyɛ yɛ nu mmenia apee buru. Yiti sɛ ɛtena kuro wa, ná ɛsoma maa bɛfa nningyein bɔ yɛhia ɔ bɛbrɛ yɛ a, ɔte paa.”

2 Samuel 23:1

Dawide noa dwirɛ bɔ ɔpɛ ye bo ɛhe: Yese awa Dawide, ye noa dwirɛ, sona bɔ Nyameɛ apagya ye ne, ye noa dwirɛ, sona bɔ Yakob Nyameɛ apopa ye ngoo ne, Yisrael edweintolɛniɛ bɔ ye dwein fɛfɛɛfɛ ne, ye noa dwirɛ ɛhe:

2 Samuel 6:5

Na Dawide ne Yisrael awuro ama amukoraa bɛfale sangoo, adengum, akasaa, donno ne firikyiwa bɛfale b’anwoserɛ mu bɛtole dwein begole abilie wɔ AWURADE nyunu.

Ɛksadɔso 15:21

Na Miriam surole so kyɛ, “Ɛ́mɔto dwein bɛ́ye AWURADE ayɛ, ofikyɛ wama ye nwo so ngonim nu; wagyi pɔngɔ ne pɔngɔhanɛniɛ ne wagua ɛpo nu.”

1 Samuel 21:11

Na Akise somvoɛ nemɔ sele ye kyɛ, “Dawide bɔ ɔte hene wɔ ye aseɛ so ne, aso nna ye ɛhe? Aso nna ye yeɛ begole abilie bɛtole dwein bɛfrɛfrɛle ye kyɛ, ‘Sɔɔlo ahu apee apee, yeɛ Dawide ahu apee buru apee buru’ ne?”

1 Samuel 21:12

Dawide dwenene sɔ dwirɛ ne anwo, na ɔmaa osurole Gate hene Akise.

1 Samuel 29:5

Aso nna Dawide he yeɛ bɛfale ye dumaa bɛtole dwein begole abilie kyɛ, ‘Sɔɔlo ahu apee apee, yeɛ Dawide ahu apee buru apee buru’ ne?”