1 Samuel 18:6 - AHYERƐLƐ KRONGRON

⁶ Mmerɛ bɔ Dawide huni Filistiniɛ ne, ná ɔne koɛhonɛfoɛ nemɔ besa bɛba nen, mmrasua fale edwein ne abilie befili Yisrael nguro ne amukoraa so beeyiale Nana Sɔɔlo. Né bele akasaa ne firikyiwa bɛ́to anigye dwein.

1 Samuel 18:6 Iomraidhean Croise

2 Samuel 1:20

Nnɛma ɛmɔbɔ so wɔ Gate, nnɛma ɛmɔbɔ ye nwo dawure wɔ Asekelɔn dwaaso; ɛmɔbɔ so a, Filisti mmrasua koli ahurusi, na mmenia bɔ bɛmbɛ bɛ bienzua ne, bɛ mmrasua nye kɔgye.

2 Samuel 6:5

Na Dawide ne Yisrael awuro ama amukoraa bɛfale sangoo, adengum, akasaa, donno ne firikyiwa bɛfale b’anwoserɛ mu bɛtole dwein begole abilie wɔ AWURADE nyunu.

Edwein 149:3

Odi kyɛ bɛfa abilie bɛye ye dumaa ayɛ, odi kyɛ bɛfa akasaa ne adengum bɛto ye nwo dwein.

Edwein 68:11

AWURADE fa ye noa dwirɛ ne ɔma, na bɛ bɔ bɛbɔ ye nwo dawure ne, bɛsone pee.

Edwein 68:25

Edweintolɛfoɛ nemɔ li moa, sangoobɔlɛfoɛ nemɔ li nziɛ, ndaluwa li bɛ nu bɛwoso akasaa kyɛ,

Ɛksadɔso 15:20

Afei ngɔmhyɛlɛniɛ Miriam bɔ ɔte Aarɔn aliɛma brasua ne, ɔfale akasaa tirale, na mmrasua ne amukoraa bɛwosole akasaa begole abilie befitele belili ye si.

Ɛksadɔso 15:21

Na Miriam surole so kyɛ, “Ɛ́mɔto dwein bɛ́ye AWURADE ayɛ, ofikyɛ wama ye nwo so ngonim nu; wagyi pɔngɔ ne pɔngɔhanɛniɛ ne wagua ɛpo nu.”

Yesaya 30:32

Na ɔkɔwa kyɛ, asotwe mbire bɔ AWURADE kɔfa kofi ye biala ne, ɔkɔgyegye kyɛ akasaa ne sangoo, na ɔkɔfa ye tumi piri ne ɔne ye bɛkɔho.

Maenbulɛfoɛ 11:34

Afei Yɛfeta sa wale ye awuro wɔ Misepa. Na edwirɛ nwanwa! Ɔwa brasua ne le akasaa ne abilie fitele kyɛ ɔbaayia ye! Né odi ye bahorɛ. Né olle baa bienzua anaa baa brasua ko boka ye so.

1 Samuel 18:5

Koɛ biala bɔ Sɔɔlo somane Dawide maa ɔɔhone ne, olili ngonim, yiti Sɔɔlo maa ɔlale koɛhonɛfoɛ nemɔ noa. Na ɛhe yɛle koɛhonɛfoɛ ne amukoraa ne Sɔɔlo somvoɛ nemɔ po fɛ.