1 Samuel 18:4 - AHYERƐLƐ KRONGRON

⁴ Yonatan purole ye ataadeɛ tendenn bɔ owurale ye ne mane Dawide, na ɔfale ye akodeɛ, ye ngrandɛ ne ye agyaen ne ye abɔsoɛ po bokale so.

1 Samuel 18:4 Iomraidhean Croise

Gyenesise 41:42

Yeɛ Faro yele ye nzɔanoɛ pɛteaa fili ye sa, ɔfa wurale Yosef, ɔfale kende herale ye, na ɔfale sikaa kɔkorɛ atweaban yale ye.

2 Samuel 1:22

“Me ngome oo! Yonatan agyaen anza amma mbaen, bɔ yeɛ ɔngɔma mmenia ngɔtotɔ ɔ, bɔ ongohwi anwoserɛfoɛ bɛ loe ngogua ɔ; yieee, Sɔɔlo ngrandɛ anza amma nzanza.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Hesekiel 23:15

bɔ bafa abɔsoɛ babɔ bɛ yaase, bɔ abotire ndendenn bobɔ bɛ ti ɔ; bɔ bɛ mukoraa besoma Babilɔnfoɛ bɔ Kaldea aseɛ yeɛ ɔte bɛ maen ne.

Luka 15:22

Yeɛ ye baba ne sele ye ngoaa nemɔ kyɛ, ‘Ɛmɔhã bɛ nwo bɛɛfa ataadeɛ paa beewura ye; ɛ́mɔfa pɛteaa bewura, ná ɛ́mɔfa mbaboa bewura ye;

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

1 Samuel 17:38

Sɔɔlo fale ye koɛ ataadeɛ ne wurale Dawide. Ɔfale kɔɔbere kyerɛ wurale ye, na ɔfale buralɛ katale ye hue so.

1 Samuel 18:5

Koɛ biala bɔ Sɔɔlo somane Dawide maa ɔɔhone ne, olili ngonim, yiti Sɔɔlo maa ɔlale koɛhonɛfoɛ nemɔ noa. Na ɛhe yɛle koɛhonɛfoɛ ne amukoraa ne Sɔɔlo somvoɛ nemɔ po fɛ.