1 Samuel 18:20 - AHYERƐLƐ KRONGRON

²⁰ Né Sɔɔlo awa brasua Mikal kuro Dawide. Na bɛbɔle Sɔɔlo amaneɛ nen, ɔyɛle Sɔɔlo fɛ.

1 Samuel 18:20 Iomraidhean Croise

2 Samuel 3:13

Na Dawide buale kyɛ, “Yoo, mate; me ne wɔ yɛkɔyɛ apam. Nakoso nikyee ko yeɛ mepena kyɛ ɛyɔ ma me ɔ. Ye ole kyɛ, nnɛba me nyunu, sɛ ɛ́ba me nyunu a, sana ɛfa Sɔɔlo awa brasua Mikal ɛboka wɔ nwo so ɛne ye bɛba.”

2 Samuel 6:16

Mmerɛ bɔ AWURADE alaka ne oodwuli Dawide kuro berɛ nen, Sɔɔlo awa brasua Mikal tole ye nye neane mboma nu. Onwuni kyɛ Nana Dawide ohuru pepe go abilie wɔ AWURADE nyunu ɔ, na obuli Dawide animtia wɔ ye ti anu.

2 Samuel 6:20

Nziɛ ye, Dawide sa hɔle kyɛ ɔkwaasrɛ Nyameɛ saleɛ ma ye awuro ama. Yeɛ Sɔɔlo awa Mikal fitele ooyiale Dawide, na osele Dawide kyɛ, “Ɛnɛ de, Yisrael hene ayɛ ye nwo bie paa! Wapa ye nwo ɛnɛ wɔ ye somvoɛ mɔ b’afaneɛ mɔ nyunu, kyɛbɔ sona bɔ ɔnze nyanzoen si pa ye nwo ɔ!”

1 Samuel 14:49

Sɔɔlo mma mmienzua mɔ ole Yonatan, Yisiwi ne Malkisua. Ye mma mmrasua nemɔ te nyɔ: Panyi ne li Merabo, yeɛ kãa ne li Mikal.

1 Samuel 18:28

Nakoso Sɔɔlo nwuni kyɛ AWURADE gyi Dawide si, ná ɔwa Mikal koso kuro Dawide nen,