1 Samuel 18:17 - AHYERƐLƐ KRONGRON

¹⁷ Afei Sɔɔlo sele Dawide kyɛ, “Nea, mma brasua panyi Merabo ɛhe. Ngɔfa ye ngɔmaa ekogya, nakoso sana etu wɔ nwo sie berɛ ma me, ná ɛko AWURADE koɛ ne.” Né Sɔɔlo adwene ole kyɛ, “Me de, mengɔfa me sa mengɔhã ye; Filistifoɛ yeɛ mekuro kyɛ beku ye ɔ.”

1 Samuel 18:17 Iomraidhean Croise

2 Samuel 11:15

Krataa ne anu dwirɛ ɛhe: “Nekaa bɔ koɛ ne noa yɛ se paa ne, ma Yuria oogyina ye noa. Afei ɛ́mɔyakyi ye ngome nu ma bepura ye behũ ye.”

2 Samuel 12:9

Nzu ati yeɛ ahwi afa AWURADE dwirɛ so aayɔ bɔ ɔte bɔne wɔ ye nyunu ɔ? Ahu Hitiniɛ Yuria, na afa ɔye agya. Amonfoɛ ngrandɛ yeɛ afa ahu ye ɔ.

2 Samuel 6:16

Mmerɛ bɔ AWURADE alaka ne oodwuli Dawide kuro berɛ nen, Sɔɔlo awa brasua Mikal tole ye nye neane mboma nu. Onwuni kyɛ Nana Dawide ohuru pepe go abilie wɔ AWURADE nyunu ɔ, na obuli Dawide animtia wɔ ye ti anu.

Edwein 12:2

Bɛpepɛ anoanu bekyirekyire bɛ nwo. Bɛfa bɛ noa bɛdɛfɛdɛfɛ, ná bama bɛ noa ayɛ nyɔ.

Edwein 55:21

ye noa dwirɛ te menemene tra woɛ, nakoso koɛ nwo adwene yeɛ ɔwɔ ye ti anu ɔ; ye noa nu dwirɛ te bɛtɛɛ kyɛ aloko, nakoso edwirɛ ne te ngrandɛ bɔ bahwe ɔ.

Anyandera 26:24

Pɔfoɛ noa dwirɛ te menemene, nakoso ɔbɔ nnakannaka porɛ wɔ ye ti anu.

Anyandera 26:25

Sɛ ɔkã ye dwirɛ fɛfɛɛfɛ a, nnede ye di, ofikyɛ akyiwadeɛ nzoo wɔ ye ti anu.

Anyandera 26:26

Ɔwɔ nu kyɛ ɔfa nnakannaka kata ye ɛpɔen ne aso de, nakoso ye bɔne nwo kɔla ali badwa nu.

Numeri 21:14

Yiti yeɛ baha ye wɔ AWURADE Koɛ Nwo Nwomaa ne anu kyɛ, “Wahebo bɔ ɔwɔ Sufa ɔne bɔnza nemɔ anu. Asue Anɔn

Numeri 32:20

Yeɛ Mose sele bɛ kyɛ, “Sɛ ɛmɔyɔ ɛhemɔ a: sɛ ɛmɔfa akodeɛ ná ɛmɔkɔ koɛ wɔ AWURADE nyunu,

Numeri 32:27

Nakoso wɔ ngoaa mɔ, yɛ nu biala aboaboa ye nwo kyɛ ɔkɔhɔ koɛ kɔma AWURADE, na yɛkɔpɛ asue Yɔɔdan ne kyɛbɔ me mene ahyɛ ne ala.”

Numeri 32:29

Na Mose sele bɛ kyɛ, “Gadefoɛ ne Rubenfoɛ, bɔ bɛ nu biala waboaboa ye nwo kyɛ ɔkɔ koɛ ma AWURADE ne, sɛ bɛ ne ɛmɔ pɛ asue Yɔɔdan ná ɛmɔkodi aseɛ ne aso ngonim a, ye de ɛ́mɔfa Gileade aseɛ ne bɛ́ma bɛ ma ɔyɛ b’agyapadeɛ.

Deuteronomi 17:7

Adanzefoɛ nemɔ, ɔsɛ kyɛ bedi moa bɛboro sona bɔ babua ye ewue foɛ ne nyɔboɛ koraka, ná afei mmenia ne amukoraati baboro ye nyɔboɛ bie. Yiti ɔsɛ kyɛ etu bɔne ne bo fi wɔ nu.

1 Samuel 14:49

Sɔɔlo mma mmienzua mɔ ole Yonatan, Yisiwi ne Malkisua. Ye mma mmrasua nemɔ te nyɔ: Panyi ne li Merabo, yeɛ kãa ne li Mikal.

1 Samuel 17:25

Yeɛ Yisrael koɛhonɛfoɛ nemɔ sisele kyɛ, “Yeɛ ɛmɔanwu biaa he bɔ ɔ́fo ba ye? Susu amba, wawa kyɛ ɔbaapɛ Yisrael poa. Sona bɔ okohu sɔ biaa he nen, Nana Sɔɔlo kɔbɔ ye aba so maa okonya ye nwo, ɔkɔfa ɔwa brasua maa okogya, na ɔkɔma ɔse awuro ama konya bɛ fawɔnwodi wɔ Yisrael.”

1 Samuel 17:36

W’akoaa ahu gyata mɔ ne kwabrafo mɔ, na sɔ Filistiniɛ he bɔ ɔmbɛ ye bienzua ye de, ɔkɔyɛ kyɛ bɛ nu ko ala, ofikyɛ wapɛ Nyameɛ teasefoɛ koɛhonɛfoɛ nemɔ poa.

1 Samuel 17:47

Na mmenia bɔ bayia wa ye amukoraa konwu ye kyɛ, AWURADE mva ngrandɛ ne pealɛɛ yeɛ ode ye mmenia ɔ; ofikyɛ AWURADE yeɛ koɛ ne te ye koɛ ɔ, na ɔkɔfa ɛmɔ kowura yɛ sa.”

1 Samuel 18:21

Yeɛ Sɔɔlo hane ye wɔ ye ti anu kyɛ, “Ngɔfa Mikal ngɔma ye ngɔfa ngosua ye ngaen, na ɔnate so Filistifoɛ konya ye kohũ ye.” Yiti Sɔɔlo sele Dawide ye pɛen nyɔ so kyɛ, “Afei de, ɛkɔyɛ me sia.”

1 Samuel 18:25

Yeɛ Sɔɔlo buale kyɛ, “Ɛmɔɔha behyire Dawide kyɛ, ‘Nana mbena kyɛ ɛyɛ braa ne nwo nningyein, na mmom ɔpena Filistifoɛ ɛyaa ko bɛ bienzua noa nwomaa, bɔ ɔkɔmaa Nana kɔtɔ ye pɔfoɛ mɔ so wereɛ ɔ.’ Né Sɔɔlo pena kyɛ Filistifoɛ beku Dawide.

1 Samuel 18:27

yeɛ Dawide tuli ye bo ɔ, ɔne ye koɛhonɛfoɛ nemɔ, na oohuni Filistifoɛ ɛyaa nyɔ. Dawide fale bɛ bienzua noa nwomaa ne wale. Bɛfale nwomaa ne somaa pɛpɛɛpɛ bɛmane Nana Sɔɔlo, kyɛbɔ ɔkɔyɛ bɔ Dawide kɔyɛ Nana sia ɔ. Na Sɔɔlo fale ɔwa Mikal mane Dawide gyale.

1 Samuel 25:28

Mesrɛ wɔ ala, fa w’afaneɛ mvomsoɛ kyɛ ye. AWURADE kɔma me mene ne ye boso ama bekoli hene afebɔɔ amba, ofikyɛ AWURADE koɛ yeɛ me mene ɔko ɔ. Na edwirɛ tɛɛ biala ngɔto wɔ wɔ mmerɛ biala bɔ ɛte ase ɔ.

1 Samuel 30:26

Dawide sa wale Siklage nen, ɔsomane maa bɛfale koɛ nu nzesadeɛ ne bie bɛɛmane Yuda mbanyi mɔ. Bɛte ye damvo mɔ, na ɔtole bɛ ngraa kyɛ, “Koɛ nu nzesadeɛ bɔ yanya yafi AWURADE pɔfoɛ mɔ berɛ ne, ɛmɔ deɛ ɛne.”