1 Samuel 18:16 - AHYERƐLƐ KRONGRON

¹⁶ Nakoso Yisrael amukoraa ne Yuda amukoraa hurole Dawide dwirɛ, ofikyɛ né ye yeɛ odi bɛ nyunu ɔfa bɛ kɔ koɛ ɔ.

1 Samuel 18:16 Iomraidhean Croise

2 Samuel 5:2

Daa ne, bɔ né Sɔɔlo di yɛ so hene ne, né sɛ yɛkɔ oo, sɛ yɛba oo, wɔ yeɛ né edi Yisrael nyunu ɔ. Na AWURADE aha ahyire wɔ kyɛ, Wɔ yeɛ ɛkɔyɛ me maen Yisrael so neafoɛ ɔ, na wɔ yeɛ ɛkɔla Yisrael noa ɔ.”

1 Ahemvo 3:7

O, AWURADE me Nyameɛ, ɔwɔ nu kyɛ nde akwadaa kaaba de, nakoso ama w’akoaa mali ɛhene masi me baba Dawide gya nu. Kekesaala ye, mennwu me bɛen ne me famaa.

Ɛseta 10:3

Na Yudaniɛ Modekae ye dibea ne, sɛ né Nana Ahasuro nne berɛ a, ye yeɛ ɔwɔ berɛ ɔ. Onyane animnyam wɔ Yudafoɛ nyunu, na ye mmango Yudafoɛ hurole ye dwirɛ, ofikyɛ né ɔpena ye mmenia paa, na ɔfale ye boso ama bɛ yeeyɛlɛ nwo dwirɛ tole ye nwo so, na ɔhane asomdwee dwirɛ hyirele ye mmenia amukoraa.

Numeri 27:17

sona bɔ okoli bɛ nyunu wɔ nikyee biala anu, na afei watua bɛ noa wɔ bɛ koɛhonɛ nu, amaa AWURADE mmenia banyɛ kyɛ mmoaen bɔ belle neafoɛ ɔ.”

Luka 19:48

nakoso bannya ye nwo ate, ofikyɛ né mmenia ne amukoraa bayɛ asoɛ betie edwirɛ bɔ ɔkã ne.

Luka 20:19

Na ahyerɛlɛfoɛ ne asɔfo mbanyi nemɔ benwuni kyɛ anyandera he bɔ Yesu buli ne, ɔne bɛ, yiti ahaa bɛpena kyɛ bɛkye ye berɛ ne ala, nakoso né besuro ɛlɔen ne.

1 Samuel 18:13

Yiti Sɔɔlo yele Dawide fili ye nwo, na ɔmaa ɔɔlale koɛhonɛfoɛ apee noa. Na Dawide lale koɛhonɛfoɛ nemɔ noa ɔne bɛ hɔle koɛ mɔ besa bɛwale.

1 Samuel 18:15

Na Sɔɔlo nwuni kyɛ Dawide onya ngɔsoɛ wɔ nikyee biala nu nen, osurole ye paa.

1 Samuel 18:5

Koɛ biala bɔ Sɔɔlo somane Dawide maa ɔɔhone ne, olili ngonim, yiti Sɔɔlo maa ɔlale koɛhonɛfoɛ nemɔ noa. Na ɛhe yɛle koɛhonɛfoɛ ne amukoraa ne Sɔɔlo somvoɛ nemɔ po fɛ.