1 Samuel 18:14 - AHYERƐLƐ KRONGRON

¹⁴ Dawide nyane ngɔsoɛ wɔ bɔ ɔyɔle amukoraati nu, ofikyɛ AWURADE lili ye si.

1 Samuel 18:14 Iomraidhean Croise

Gyenesise 39:23

Nikyee biala bɔ né owura Yosef sa ne, kuku nu neafoɛ ne anha ye nwo wɔ ye nwo, ofikyɛ né AWURADE gyi Yosef si, na bɔ ɔyɔle biala AWURADE maa ɔyɛle yee.

2 Samuel 5:10

Dawide hɔle so nyane ngɔsoɛ, ofikyɛ AWURADE, Asafo Nyameɛ gyinane ye si.

2 Ahemvo 18:7

Nikyee biala bɔ ɔyɔle ne, oyiele ye yé ofikyɛ AWURADE gyinane ye si. Ɔyɛle Asiria hene nwo lɔen, na wanzo ye.

1 Aberɛso Dwirɛ 18:13

Ɔkyekyele asikyeleɛ wɔ Edom mane ye koɛhonɛfoɛ bɛtenane berɛ, na Edomfoɛ amukoraa bɛɛyɛle Dawide ngoaa. Na AWURADE bɔle Dawide nwo waen wɔ nekaa biala bɔ ɔhɔle ɔ.

1 Aberɛso Dwirɛ 18:6

Afei Dawide ɔɔkyekyele asikyeleɛ mɔ wɔ Damasko bɔ ɔwɔ Siria, na ɔmane ye koɛhonɛfoɛ bɛɛtenane dɔ. Na Siriafoɛ bɛɛyɛle Dawide ngoaa bɔ né betua ɛtoɔ bɛma ye ɔ. Na AWURADE bɔle Dawide nwo waen wɔ nekaa biala bɔ ɔhɔle ɔ.

2 Aberɛso Dwirɛ 17:3

AWURADE gyinane Yehosafate si, ofikyɛ bra paa bɔ ye nana Dawide bɔle ne, ye bie yeɛ ɔbɔle ɔ. Wanzo mmosoen Baal mɔ,

Edwein 101:2

Atee bɔ ɔte pɛpɛɛpɛ ne, so yeɛ ngɔfa ɔ. Ao, kyinzu yeɛ ɛkɔwa me nwo wa ɔ? Ngɔfa ahone bɔ nu te ɔ ngɔnate m’awuro berɛ.

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Asomafoɛ 18:10

ofikyɛ ngyi wɔ si, na ebiala ngɔwa wɔ so ngɔyɔ wɔ hwee, ɔnate kyɛ nne mmenia pee wɔ kuro ye anu.”

Yosua 6:27

Yiti AWURADE gyinane Yosua si, na bɛtele ye nga wɔ aseɛ ne aso nekaa biala.

Maenbulɛfoɛ 1:19

Né AWURADE gyi Yuda si, na Yuda ho fale bokaa aseɛ ne. Nakoso wangora wandu aseɛ frɛtɛɛ ne aso ama wamvi berɛ, ofikyɛ né bele buralɛ teaseɛnam mɔ.

1 Samuel 10:7

Na sɛ sɔ nningyein hemɔ ba nu ma wɔ a, yɔ nikyee biala bɔ ekuro ɔ, ofikyɛ Nyameɛ gyi wɔ si.

1 Samuel 16:18

Na mmerandeɛ nemɔ anu ko buale kyɛ, “Manwu Betlehemniɛ Yese ɔwa bienzua bie kyɛ ɔse ye bɔ paa. Ɔte ahoneserɛniɛ, koɛhonɛniɛ, ye noa ate, ye nwo yɛ nyemene, na AWURADE gyi ye si.”

1 Samuel 18:15

Na Sɔɔlo nwuni kyɛ Dawide onya ngɔsoɛ wɔ nikyee biala nu nen, osurole ye paa.

1 Samuel 19:8

Koɛ sili bieku, na Dawide ne Filistifoɛ bɛɛhone. Ohuhuni bɛ paa maa ɔnate so bɛnwati befili ye nyunu.

1 Samuel 3:19

Na Samuel de onyi ne, AWURADE gyinane ye si, na edwirɛ biala bɔ Samuel hane ne, AWURADE maa ɔwale nu.