1 Samuel 18:12 - AHYERƐLƐ KRONGRON

¹² Né Sɔɔlo suro Dawide, ofikyɛ né AWURADE gyi Dawide si; nakoso Sɔɔlo de, né AWURADE aye ye sa wafi ye bo.

1 Samuel 18:12 Iomraidhean Croise

2 Samuel 5:10

Dawide hɔle so nyane ngɔsoɛ, ofikyɛ AWURADE, Asafo Nyameɛ gyinane ye si.

2 Aberɛso Dwirɛ 17:3

AWURADE gyinane Yehosafate si, ofikyɛ bra paa bɔ ye nana Dawide bɔle ne, ye bie yeɛ ɔbɔle ɔ. Wanzo mmosoen Baal mɔ,

Edwein 51:11

Nnɛfoa me fi wɔ nyunu, yeɛ nnɛye wɔ krongronyɛlɛ sunzum ne fi me nu.

Edwein 53:5

Berɛ yeɛ esuronyi kandinga kɔtɔ bɛ so ɔ, esuronyi bɔ ebie ɔhhane bɛ le ɔ. Ofikyɛ bɛ bɔ bɛko betia wɔ ne, Nyameɛ kɔto bɛ mmowue kɔpete, ɛkɔma bɛ nyunu kogua ase, ofikyɛ Nyameɛ aye ye sa wafi bɛ bo.

Hosea 9:12

Sɛ bɛtete mmaa po a, ngɔmaa bekoli abawuo bɔ baa ko po ngɔha ɔ; amba, sɛ meyakyi bɛ nu a, bɛ yaakɔ!

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Marko 6:20

ɔnate kyɛ né Herode suro Yohane, ofikyɛ onwuni kyɛ Yohane te teneneeniɛ ne krongronniɛ. Yiti ɔbɔle Yohane nwo waen. Né Yohane noa dwirɛ ma Herode ye ti anu yɛ ye basaa; nakoso né okuro kyɛ otie ye noa dwirɛ ɔ.

Luka 8:37

Na mmenia amukoraa bɔ bɛwɔ Gerasafoɛ mbɔtam berɛ ne, bɛsrɛle Yesu kyɛ ofi bɛ berɛ hɔ; ofikyɛ né ɛserɛ piri atɔ bɛ so. Yiti ɔfole ɛlɛen ne anu osa hɔle.

Asomafoɛ 24:25

Na Pɔɔlo wɔ so bɔ ɔkã tenenee ne anwohyɛsoɛ ne ndɛenbualɛ kyẽa bɔ ɔbaawa ne nwo dwirɛ nen, Felise kunu tetele ye, na osele ye kyɛ, “Kekesaala ye de, kɔ; na sɛ menya ye nwo a, ngɔmaa bɛkɔɔfrɛ wɔ bieku.”

Asomafoɛ 7:9

“Na ɔnate kyɛ né Yakob mma ne nye boro b’eliɛma Yosef ne ati, bɛtɔnene ye maa ɔɔyɛle akoaa wɔ Misraim. Nakoso Nyameɛ gyinane ye si,

Maenbulɛfoɛ 1:19

Né AWURADE gyi Yuda si, na Yuda ho fale bokaa aseɛ ne. Nakoso wangora wandu aseɛ frɛtɛɛ ne aso ama wamvi berɛ, ofikyɛ né bele buralɛ teaseɛnam mɔ.

Maenbulɛfoɛ 16:20

Na afei Delila sele kyɛ, “Samson, Filistifoɛ nemɔ awa wɔ so oo!” Yeɛ Samson fili nnaa nu dwɔsole, na ɔyɛle ye adwene kyɛ, “Ngofite ná mawoso me nwo male me nwo kyɛbɔ meyɔ ye daa ne.” Nakoso né Samson nze kyɛ AWURADE aye ye sa ye bo ɔ.

1 Samuel 16:18

Na mmerandeɛ nemɔ anu ko buale kyɛ, “Manwu Betlehemniɛ Yese ɔwa bienzua bie kyɛ ɔse ye bɔ paa. Ɔte ahoneserɛniɛ, koɛhonɛniɛ, ye noa ate, ye nwo yɛ nyemene, na AWURADE gyi ye si.”

1 Samuel 16:4

Samuel yɔle bɔ AWURADE hyɛle ye ne, na ɔhɔle Betlehem. Kuro berɛ mbanyi fale ahunundetelɛ beeyiale ye, na bebisale ye kyɛ, “W’atee so bɔkɔɔ de?”

1 Samuel 18:15

Na Sɔɔlo nwuni kyɛ Dawide onya ngɔsoɛ wɔ nikyee biala nu nen, osurole ye paa.

1 Samuel 18:20

Né Sɔɔlo awa brasua Mikal kuro Dawide. Na bɛbɔle Sɔɔlo amaneɛ nen, ɔyɛle Sɔɔlo fɛ.

1 Samuel 18:29

Sɔɔlo hɔle so surole Dawide paa, na Sɔɔlo pɔle Dawide wɔ ye asetena nu amukoraa.

1 Samuel 20:13

Nakoso sɛ me baba anya adwene kyɛ okoli wɔ awue, ná sɛ manna ye ali mangyire wɔ ma angɔ asomdwee nu a, ye de AWURADE otua me Yonatan so kerɛ piri paa. Mesrɛ kyɛ AWURADE ogyina wɔ si, kyɛbɔ ogyi me baba si ne.

1 Samuel 22:13

Na Sɔɔlo bisale ye kyɛ, “Nzu ati yeɛ ɛne Yese awa ne bayɛ me nwo lɔen, bɔ ama ye aleɛ ne ngrandɛ, abisa Nyameɛ berɛ dwirɛ ama ye, maa ɔnate so ɔko tia me, bɔ ɔtɛ me ku me, kyɛbɔ kekesaala ye ɔyɔ ye?”

1 Samuel 28:15

Afei Samuel bisale Sɔɔlo kyɛ, “Nzu ati yeɛ agyegye me amaa mafi ɛborɔ dɔ mawa ɔ”? Na Sɔɔlo buale kyɛ, “Edwirɛ piri paa ato me, ofikyɛ Filistifoɛ afa koɛ batoa me. Nakoso Nyameɛ ayakyi me nu, na ɔmva ngɔmhyɛlɛfoɛ so anaa laleɛ nu mmua me ko. Yiti yeɛ mafrɛ wɔ kyɛ eehyire me bɔ nyɔ ɔ.”

1 Samuel 3:19

Na Samuel de onyi ne, AWURADE gyinane ye si, na edwirɛ biala bɔ Samuel hane ne, AWURADE maa ɔwale nu.