1 Samuel 18:10 - AHYERƐLƐ KRONGRON

¹⁰ Aleɛ hyene ne, Nyameɛ somane sunzum tɛɛ bie maa ɔte pene Sɔɔlo so, na ye nye so yɛle ye krakra wɔ ye awuro berɛ. Sɔ mmerɛ ne, né Dawide ɔbɔ sangoo ne, kyɛbɔ né ɔbɔ ye daa biala ne. Né Sɔɔlo tira ye pealɛɛ ne.

1 Samuel 18:10 Iomraidhean Croise

1 Ahemvo 18:29

Eyiagyina pɛle nu ne, bɛhɔle so belili ahɔen alaa kɔpem kyɛ mmerɛ bɔ odi kyɛ bɛbɔ aburoo afɔleɛ ne dwuli ɔ. Nakoso ebiala andɛ bɛ so, bannya mmuayɛɛ biala, yeɛ ebiala anye bɛ noa.

1 Ahemvo 22:12

Ngɔmhyɛlɛfoɛ ne amukoraa bɛ noa dwirɛ yɛle ko. Na né bɛkã kyɛ, “Kɔ Ramote Gileade na koli ngonim. Nana, AWURADE kɔfa kuro ne kowura wɔ sa.”

Yeremia 28:11

Na Hanania dwudwole wɔ maen ne amukoraa bɛ nyunu kyɛ, “AWURADE nwa nyoo: Kyɛ odwu afoɛ nyɔ ne, sɔaa yeɛ ngobubu Babilɔn hene Nebukadenesa kɔnnua ne anu ngofi maen maen amukoraa bɛ kɔme anu ɔ.” Na ngɔmhyɛlɛniɛ Yeremia sili nu hɔle.

Asomafoɛ 16:16

Né yɛkɔ nekaa bie bɔ mmenia bɛtaa beyia bɛbɔ mbaeɛ ɔ, na abaayaa bie bɔ ɔte afaneɛ bɔ odi ahɔen ɔ wale ooyiale yɛ. Ye ngɔmhyɛlɛ ne, né wama ye mene mɔ banya bɛ nwo tam.

2 Tɛsalonika 2:11

Ɛhe ati Nyameɛ kɔsoma nnakannaka tumi maa okoli dwumaa wɔ bɛ nu, na bale ngondombo bali.

Maenbulɛfoɛ 16:20

Na afei Delila sele kyɛ, “Samson, Filistifoɛ nemɔ awa wɔ so oo!” Yeɛ Samson fili nnaa nu dwɔsole, na ɔyɛle ye adwene kyɛ, “Ngofite ná mawoso me nwo male me nwo kyɛbɔ meyɔ ye daa ne.” Nakoso né Samson nze kyɛ AWURADE aye ye sa ye bo ɔ.

1 Samuel 16:23

Na mmerɛ biala, sɛ né Nyameɛ soma sunzum tɛɛ ne maa ɔte pe Sɔɔlo so a, ɔyɛ a Dawide bɔ sangoo ne ma Sɔɔlo nwo tɔ ye, ye nwo sande ye, na sunzum tɛɛ ne fi ye so kɔ.

1 Samuel 18:9

Yiti ofi sɔ kyẽa ne bɔ ɔkɔ ɔ, Sɔɔlo tuli ye nye siele Dawide so.

1 Samuel 19:10

Na Sɔɔlo tole ye pealɛɛ ne kyɛ ɔ́fa wɔ Dawide maa ɔka terɛ ne anwo, nakoso Dawide hwene ye nwo, na pealɛɛ ne wɔle terɛ ne anu. Dawide nyane ye ti didili nu, na ɔnwatili kɔngɔen ne.

1 Samuel 19:7

Nziɛ ye, Yonatan frɛle Dawide, na ɔhane edwirɛ ne amukoraa hyirele ye. Afei Yonatan fale Dawide hɔle Sɔɔlo berɛ, na ɔtenane Sɔɔlo berɛ sole ye kyɛ daa ne ala.

1 Samuel 19:9

Afei AWURADE somane sunzum tɛɛ bie maa ɔte pene Sɔɔlo so, wɔ mmerɛ bɔ né ɔte ye awuro berɛ otira ye pealɛɛ ɔ. Né Dawide koso ɔ́bɔ sangoo sɔ mmerɛ ne.

1 Samuel 26:19

Nana, me mene, tie wɔ somvoɛ noa dwirɛ. Sɛ AWURADE yeɛ wamaa atu me anyeɛ a, ye de mesrɛ kyɛ ole afɔleɛ ná ɔyakyi. Nakoso sɛ kuro mmenia ahɔ de a, ye de AWURADE tua bɛ kerɛ, ofikyɛ ɛnɛ bafoa me bafi AWURADE agyapadeɛ ne anwo bɔ mengonya bie ɔ. Na bɛnwa: ‘Kɔso nyameɛ foforɛ biemɔ.’