1 Samuel 17:52 - AHYERƐLƐ KRONGRON

⁵² Yeɛ Yisrael koɛhonɛfoɛ ne Yuda koɛhonɛfoɛ hyɛle ye bo bɛbɔle ese, na bɛfoane Filistifoɛ toonn bedwuli Gate ne Ekron pambim nemɔ. Filistifoɛ bɔ bepurapurale ne, bɛtotɔle atee so fili Saaraim toonn beedwuli Gate ne Ekron.

1 Samuel 17:52 Iomraidhean Croise

2 Samuel 23:10

nakoso Eleasa de ogyinane pindinn. Ohuhuni Filistifoɛ alaa mane ye sa nyane, nakoso né ɔngora ye ngrandɛ ne anu yakyi. Na AWURADE maa olili ngonim kandinga sɔ kyẽa ne. Afei Yisrael koɛhonɛfoɛ nemɔ sa wale ye nwo berɛ, nakoso efuin nemɔ yeɛ beepuropurole bɛ nwo nningyein ɔ.

1 Ahemvo 20:21

Yisrael hene fitele fale koɛ ɔɔtoale mbɔngɔ nemɔ ne teaseɛnam nemɔ, na olili ngonim wɔ Siriafoɛ so huhuni bɛ pasaa.

Yosua 15:11

Ɛwɛen ne kɔ Ekron sorɔ dɔ bokaa ne ndoroleɛ nu. Afei ɔkondo kɔ Sikeron, ɔpɛ nu kɔ Baala bokaa ne aso kodwu Yabeneel, na afei ye noa kɔpem ɛpo ne.

Maenbulɛfoɛ 7:23

Yeɛ Yisraelfoɛ frɛfrɛle bɛ koɛhonɛfoɛ befili Nafetali, Asɛ ɔne Manase amukoraa, na bɛpole Midianfoɛ nemɔ so.

1 Samuel 17:53

Afei Yisraelfoɛ yakyili Filistifoɛ foalɛ, na besa bɛwale bɛɛfene Filistifoɛ asikyeleɛ ne anu nningyein.

1 Samuel 5:10

Yiti bɛmaa bɛfale Nyameɛ apam alaka ne bɛhɔle Ekron. Nakoso bɛfale Nyameɛ apam alaka ne bedwuli Ekron nen, Ekronfoɛ teateane nu kyɛ, “Bafa Yisrael Nyameɛ apam alaka ne bawa yɛ wa kyɛ bɛbaafa bekuku yɛ ne yɛ kuro ama.”

1 Samuel 5:8

Yiti bɛsomane maa bɛɛfrɛfrɛle Filisti ahemvo amukoraa maa beyiale, na bebisale bɛ kyɛ, “Yisrael Nyameɛ apam alaka ne, yɛ́yɛ ye sɛ koraa?” Na bebuale kyɛ, “Ɔsɛ kyɛ yɛye Yisrael Nyameɛ apam alaka ne yɛfi wa yɛkɔ Gate.” Yiti bɛyele Yisrael Nyameɛ apam alaka ne befili berɛ bɛhɔle Gate.