1 Samuel 17:51 - AHYERƐLƐ KRONGRON

⁵¹ Afei Dawide tuli amirika oogyinane Filistiniɛ ne aso. Ɔsɔle sɔ Filistiniɛ ne ngrandɛ nu hwe fili ye bɔha nu, na ohuni ye. Afei ɔfa pɛle ye ti fili so. Na Filistifoɛ mɔ nwuni kyɛ bɛ sona bɔ ɔla bɛ noa ne wawu nen, bɛnwatili.

1 Samuel 17:51 Iomraidhean Croise

2 Samuel 23:21

Osa huni Misraimniɛ branoa bie. Né Misraimniɛ ne tira pealɛɛ, nakoso Benaya fale abopura hɔle ye so. Ofotili pealɛɛ ne fili Misraimniɛ ne sa nu, na ɔfale Misraimniɛ ne bɔbɔ ye pealɛɛ ne huni ye.

2 Samuel 4:7

Bɛhɔle awuro berɛ nen, né Yisbosɛte alafe wɔ ye mba so wɔ ye sua nu, na bɛwɔle ye dadeɛ behuni ye. Bɛpɛle ye ti, na bɛfale tire ne bɛnatele bɛɛfale Yɔɔdan bɔnza ne anu toonn kɔngɔen ne.

Ɛseta 7:10

Yiti bakaa bɔ Haman fa penane berɛ kyɛ bɛbaabɔ Modekae kɔme wɔ so ne, so yeɛ bɛbɔle Haman kɔme ɔ. Na afei Nana Ahasuro ahone tɔle nzue nu.

Hebrifoɛ 11:34

benuane see wuronyiwuronyi, benyane bɛ ti ngoa bɔ bandotɔ ngrandɛ noa ɔ, benyane anwoserɛ befili mmerɛyɛlɛ nu, bɛ nwo yɛle se wɔ koɛ nu, na bɛfoane amanvrafoɛ asraafoɛ maa bɛnwatili.

Hebrifoɛ 2:14

Na ɔnate kyɛ mmaa nemɔ te anwoɔnaen ne mogya ne ati, Yesu bɔbɔ yɛle ye nwo kyɛ bɛ ala, ɔfale sɔ sona sue ne bie, amaa ɔnate ye wue ne aso wasɛkye abɔnzam bɔ ye yeɛ ole ewue so tumi ne;

1 Samuel 17:50

Yiti taya ɔne nyɔboɛ yeɛ Dawide fa lili Filistiniɛ ne so ngonim ɔ. Ɔto bɔle Filistiniɛ ne huni ye. Né Dawide de ottira ngrandɛ biala.

1 Samuel 21:10

Sɔ kyẽa ne, Dawide toale so nwatili fili Sɔɔlo berɛ, na ɔhɔle Gate hene Akise berɛ.

1 Samuel 21:9

Yeɛ ɔsɔfo ne buale kyɛ, “Filistiniɛ Goliate bɔ ehuni ye wɔ Ela bɔnza ne anu ne, ye ngrandɛ ne wɔ wa. Bafa ɛtena bakyekye ye nwo, na ɔla ɔsɔfo ataadeɛ ne asi dɔ. Sɛ ekuro kyɛ ɛfa a, fa, ofikyɛ ngrandɛ biala nne wa ko, sana ɛhe ala.” Na Dawide buale kyɛ, “Ngrandɛ biala ne ye nzɛ, fa ma me.”

1 Samuel 31:9

Bɛpɛle Sɔɔlo ti, bɛyele ye nwo akodeɛ ne, na betuli ɛbɔfoɛ mɔ maa bɛhɔle Filistifoɛ aseɛ so amukoraa, kyɛ bɛɛbɔ ndɛenvɛen ne nwo amaneɛ wɔ bɛ mmosoen nemɔ awuro ne maen ne anu.