1 Samuel 17:43 - AHYERƐLƐ KRONGRON

⁴³ Na Filistiniɛ ne sele Dawide kyɛ, “Mmokuroma yeɛ ɛfa ba me so ɔ, nde kyea hɔ ɔ?” Afei Filistiniɛ ne fale ye nyameɛ mɔ payele Dawide.

1 Samuel 17:43 Iomraidhean Croise

Gyenesise 27:29

Ɔ́ma mmenia so wɔ, na maen maen bɛkoto wɔ. Ɔ́ma ɛyɛ eliɛma mɔ so meneɛ, Na eni amma mɔ bɛkoto wɔ. Bɛkɔnoma ebiala bɔ ɔkɔnoma wɔ ɔ, Na saleɛ yɛ ebiala bɔ okoyira wɔ ɔ deɛ!”

2 Samuel 16:5

Mmerɛ bɔ Nana Dawide oodwuli Bahurim nen, mvum nu, biaa bie bɔ oli Simei bɔ ofi Sɔɔlo abusua nu wale berɛ. Ye baba ole Gera. Ɔ́ba ne, né ɔ́boro amoen.

2 Samuel 16:9

Na Seruya awa Abisae sele Nana Dawide kyɛ, “Me mene, ɔwale ye sɛ bɔ sɔ kyea fuin he ɔboro wɔ amoen ɔ? Nana, maa ngɔnde ye ti mvi so.”

2 Samuel 3:8

Yisbosɛte noa dwirɛ ne mane Abenɛ ahone huli paa maa ɔhane kyɛ, “Ɛnwa nzɛ nde kyea hɔ ɔ, bɔ mefa me ngoa meto serewa wɔ Yuda sa nu ɔ? Ɔbaadwu ɛnɛ ye, mali nahorɛ mama wɔ baba Sɔɔlo sasofoɛ, oliɛma mɔ ne ye damvo mɔ. Manye wɔ mamma Dawide. Nakoso afei de, braa he anwo kwaadu yeɛ ɛfa bɔ me ɔ.

2 Samuel 9:8

Yeɛ Mefibosɛte fale ye nyunu butuli berɛ sele kyɛ, “W’akoaa, kyea fuin bɔ ɔte kyɛ me ɔ, nde nzu bɔ alo me sɔa ɔ?”

1 Ahemvo 20:10

Ben Hadade sa somane maa beesele Ahabo kyɛ, “Me koɛhonɛfoɛ pee bɔ bɛ somaa ti, sɛ bɛ nu biala sa Samaria mvuture ye sa bum ko po a, ɔngɔso bɛ so ne, sɛ mamma baammanzɛkye kuro ye a, ye de nyameɛ nemɔ betua me kerɛ behũ me.”

2 Ahemvo 8:13

Yeɛ Hasael buale kyɛ, “W’akoaa, kyea ba bɔ ɔte kyɛ me ɔ, me yeɛ nne nwa bɔ ngɔhora ngɔbɔ sɔ musue piri he ɔ?” Na Elisa buale kyɛ, “AWURADE aye ahyire me kyɛ wɔ yeɛ ɛbaali Siria so hene ɔ.”

Anyandera 26:2

Kyɛbɔ akatipire tu tenatena, ná nandwinoma koso tu kyinikyini ne, sɔ ala yeɛ amoenwaa bɔ olle nyinasoɛ ne ongonzi huu ɔ.

Numeri 22:6

Bra kekesaala ye ná baanoma mmenia ye mɔ ma me, ofikyɛ bɛ nwo yɛ se tra me. Ebiaa né mali bɛ so ngonim ná mafoa bɛ mafi aseɛ ye aso. Ofikyɛ mese kyɛ ebiala bɔ ekoyira ye ne, okonya saleɛ, na ebiala bɔ ɛkɔnoma ye ne, musue kɔto ye.”

Maenbulɛfoɛ 9:27

Bɛhɔle fieso, na bɛɛtetele bobe befili bɛ bobe boo mɔ nu. Behwini bɛyɛle nzaa, na bɛfa bɛgyele bɛ nye. Yeɛ bɛhɔle bɛ bosoen asɔneyɛɛ sua nu. Bedidili bɛnone, na bɛgorole Abimɛlɛke nwo.

1 Samuel 14:12

Na koɛhonɛfoɛ bɔ bɛwɔ asikyeleɛ ne anu ne, bɛteane nu besele Yonatan ne ye somvoɛ bɔ otira ye akodeɛ ne kyɛ, “Ɛmɔ de, ɛ́mɔfo bɛbra wa, na yɛkohyire ɛmɔ nworɛ!” Na Yonatan sele ye somvoɛ bɔ otira ye akodeɛ ne kyɛ, “Di me si, ofikyɛ AWURADE afa bɛ awura Yisrael sa.”

1 Samuel 24:14

Nwa koraa yeɛ Yisrael hene kyini pena ye ku ye ye? Nwa yeɛ ɛfoa ye ye? Aso nna kyea fuin yeɛ ɛfoa ye ɔ? Aso nna sosoa ko yeɛ ɛfoa ye ye?

1 Samuel 24:15

AWURADE te ndɛenbualɛniɛ, na yɛ nu ko bɔ odi fɔ ne, okobua ye fɔ. Mesrɛ kyɛ ɔneanea nu, oli me dwirɛ ma me, ná ole me fi wɔ sa nu.”