1 Samuel 17:4 - AHYERƐLƐ KRONGRON

⁴ Na bienzua kwabranoa bie fili Filistifoɛ asikyeleɛ ne anu oogyinane anyunu. Oli Goliate, ofi Gate, na ye tendenn te agyirɛ ngona ne bɛ sa mmɛseka ko.

1 Samuel 17:4 Iomraidhean Croise

1 Aberɛso Dwirɛ 11:23

Osa huni Misraimniɛ biaa branoa bie bɔ ye tendenn te agyirɛ nnu ɔ. Né Misraimniɛ ne tira pealɛɛ bɔ ɔte kyɛ mbuna bɔ bɛfa nyamaa bɛsosɔ nu bɛnwo ɛtena ɔ. Nakoso Benaya fale abopura hɔle ye so. Ofotili pealɛɛ ne fili Misraimniɛ ne sa nu, na ɔfale Misraimniɛ ne bɔbɔ ye pealɛɛ ne huni ye.

Amose 2:9

Nakoso Amoriniɛ bɔ ye tendenn te kyɛ sida bakaa ne, bɔ ye nwo yɛ se kyɛ eluii ne, nguni ye wɔ bɛ nyunu. Nzɛkyele ye mmakaammaa wɔ anwuro, yeɛ nzɛkyele ye ndii wɔ ye bo.

Deuteronomi 3:11

Refaimfoɛ bɛ bosofoɛ ne, né Basan hene Ogo ngome twe yeɛ waha ɔ. Né ye mba te buralɛ. Ye tendenn nu te agyirɛ ngona, yeɛ ye tɛtrɛtɛɛ nu te agyirɛ nna, kyɛbɔ sona agyirɛ nzusuleɛ te ɔ. Na ɔtɛ gyi Amonfoɛ kuro Raba so.

Yosua 11:22

Banyakyi Anakeniɛ ko po wɔ Yisraelfoɛ aseɛ so; sana Gasa ne Gate ne Asedɔde ngome yeɛ ebiemɔ hale ɔ.

1 Samuel 17:23

Na ye noa wɔ so bɔ ɔne bɛ bedwudwo nen, Filistiniɛ kwabranoa ne, bɔ oli Goliate, bɔ ofi Gate ne, ofili Filistifoɛ bɛ koɛhonɛfoɛ nemɔ anu dɔ wale oogyinane berɛ. Ɔhane edwirɛ komapɛ bɔ ɔyɛ a ɔka ne ala, na Dawide tele bɔ ɔhane ne.

1 Samuel 17:3

Filistifoɛ gyinagyinane bokaa ne bue ko, yeɛ Yisraelfoɛ koso begyinagyinane bokaa ne bue ko, na né bɔnza la b’afia.

1 Samuel 17:5

Né owura kɔɔbere kyerɛ, koɛ ataadeɛ bɔ ɔte buralɛ, na né ataadeɛ ne anu nonɛ kɔyɛ kilo aburannu ne nzoo.

1 Samuel 27:4

Na Sɔɔlo tele kyɛ Dawide anwati wahɔ Gate nen, ɔyakyili ye penalɛ.